കാലില്‍കെട്ടി മയക്കുമരുന്ന് കടത്താന്‍ ശ്രമം: ഈജിപ്തുകാരന്‍ പിടിയില്‍

കുവൈത്ത് സിറ്റി: കാലില്‍ പാന്‍റിനുള്ളില്‍ മയക്കുമരുന്ന് ഗുളികകളുടെ കീസുകള്‍ ബന്ധിച്ച് കുവൈത്തിലേക്ക് കടക്കാന്‍ ശ്രമിച്ചയാള്‍ പിടിയിലായി. നാട്ടിലെ അവധി കഴിഞ്ഞ് തിരിച്ചുവരുകയായിരുന്ന ഈജിപ്തുകാരനാണ് കുവൈത്ത് അന്താരാഷ്ട്ര വിമാനത്താവളത്തില്‍ പിടിയിലായത്.
ഇയാളുടെ മുഖത്ത് പരിഭ്രമം കണ്ട കസ്റ്റംസ് ഉദ്യോഗസ്ഥര്‍ ശരീരം സൂക്ഷ്മമായി പരിശോധിക്കുകയായിരുന്നു. 15,000 മയക്കുമരുന്ന് ഗുളികകള്‍ കണ്ടെടുത്തു. തുടര്‍നടപടികള്‍ക്കായി ഇയാളെ പ്രത്യേക വകുപ്പിന് കൈമാറി.