അഹ്മദിയില്‍ ഒരുമാസത്തിനിടെ  പിടികൂടിയത്  3170 കിലോ  കേടായ മാംസം

അഹ്മദി: അഹ്മദിയില്‍ ഒരുമാസത്തിനിടെ 3170 കിലോ കേടുവന്ന മാംസം പിടികൂടി. കുവൈത്ത് മുനിസിപ്പാലിറ്റിയുടെ അഹ്മദി ശാഖ തയാറാക്കിയ റിപ്പോര്‍ട്ടിലാണ് ഇക്കാര്യം സൂചിപ്പിച്ചത്.
 ഗവര്‍ണറേറ്റിലെ വിവിധ ഭാഗങ്ങളിലായി 45 കടകളിലാണ് കഴിഞ്ഞ മാസം മുനിസിപ്പല്‍ ഭക്ഷ്യപരിശോധക സംഘത്തിന്‍െറ നേതൃത്വത്തില്‍ റെയ്ഡ് അരങ്ങേറിയത്. പിടികൂടിയ മാംസം അധികൃതര്‍ നശിപ്പിച്ചു. ഫഹാഹീല്‍, മഹ്ബൂല, സബാഹിയ ഉള്‍പ്പെടെ ഗവര്‍ണറേറ്റ് പരിധികളില്‍ പൊതുസ്ഥലം കൈയേറി സ്ഥാപിച്ച 55 പരസ്യബോര്‍ഡുകള്‍ അധികൃതര്‍ പൊളിച്ചുനീക്കി. 
പരിസര ശുചിത്വം പാലിക്കാതിരിക്കുക, ഹെല്‍ത്ത് സര്‍ട്ടിഫിക്കറ്റില്ലാത്ത തൊഴിലാളികളെ ജോലിക്ക് നിയമിക്കുക തുടങ്ങിയ നിരവധി നിയമലംഘനങ്ങളും പിടികൂടി.