വെല്ഫെയര് കേരള രക്തദാന ക്യാമ്പ്
text_fields
കുവൈത്ത് സിറ്റി: ‘രക്തം ദാനം ചെയ്യൂ, ജീവന് രക്ഷിക്കൂ’ സന്ദേശമുയര്ത്തി കുവൈത്ത് സെന്ട്രല് ബ്ളഡ് ബാങ്കുമായി സഹകരിച്ച് വെല്ഫെയര് കേരള കുവൈത്ത് സംഘടിപ്പിച്ചുവരുന്ന രക്തദാന ക്യാമ്പുകളുടെ ഭാഗമായ രണ്ടാമത്തെ ക്യാമ്പ് ഫഹാഹീല് യൂനിറ്റി സെന്ററില് നടന്നു.
നൂറോളം പേര് രക്തദാനം നിര്വഹിച്ചു. വെല്ഫെയര് കേരള കുവൈത്ത് വൈസ് പ്രസിഡന്റ് അനിയന്കുഞ്ഞ് അധ്യക്ഷത വഹിച്ചു. ആക്ടിങ് പ്രസിഡന്റ് കൃഷ്ണദാസ് ഉദ്ഘാടനം ചെയ്തു. ഉദ്ഘാടന സെഷനില് അല് ഫവാര്സിയ ജനറല് ട്രേഡിങ് മാനേജിങ് ഡയറക്ടര് ബഷീര് മൊയ്തീന്, വൈറ്റ് മൂവ്മെന്റ് ജനറല് ട്രേഡിങ് ഡയറക്ടര് നസീറുദ്ദീന് എന്നിവര് സംസാരിച്ചു. ജനസേവന കണ്വീനര് വിനോദ് പെരേര, ട്രഷറര് ഷൗക്കത്ത് വളാഞ്ചേരി, സെക്രട്ടറി അന്വര് ഷാജി, മഞ്ജു മോഹന് എന്നിവര് സംസാരിച്ചു.
മേഖല ആക്ടിങ് പ്രസിഡന്റ് എം.കെ. അബ്ദുല് ഗഫൂര് സ്വാഗതവും സെക്രട്ടറി അബ്ദുല് അസീസ് നന്ദിയും പറഞ്ഞു. അടുത്ത ക്യാമ്പുകള് ആഗസ്റ്റ് 12ന് ഉച്ചക്ക് ഒന്നുമുതല് ആറുവരെ സാല്മിയ ആര്ട്ടിസ്റ്റിക് യോഗ സെന്ററിലും 26ന് ഉച്ചക്ക് ഒന്നുമുതല് ആറുവരെ ഫര്വാനിയ ഐഡിയല് ഓഡിറ്റോറിയത്തിലും നടക്കും. കൂടുതല് വിവരങ്ങള്ക്കും രജിസ്ട്രേഷനും ഫോണ്:
സാല്മിയ: 97282276 , 96966332. ഫര്വാനിയ: 97218414, 60004290. www.welfarekeralakuwait.com എന്ന വെബ്സൈറ്റിലൂടെയും രജിസ്റ്റര് ചെയ്യാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.