ആലപ്പുഴ ജില്ലാ പ്രവാസി അസോസിയേഷന്‍ കുടുംബസംഗമം ഫ്ളെയര്‍ പ്രകാശനം

കുവൈത്ത് സിറ്റി: മേയ് 12ന് നടക്കുന്ന ആലപ്പുഴ ജില്ലാ പ്രവാസി അസോസിയേഷന്‍ കുടുംബസംഗമത്തിന്‍െറ ഭാഗമായുള്ള ഫ്ളെയര്‍ പ്രകാശനം  രക്ഷാധികാരി പ്രേംസന്‍ കായംകുളവും റാഫിള്‍ കൂപ്പണ്‍ പ്രകാശനകര്‍മം ഉപദേശകസമിതി അംഗങ്ങളായ സാം പൈനുംമൂടും ബാബു പനംപള്ളിയും ചേര്‍ന്നു നിര്‍വഹിച്ചു. റാഫിള്‍ കൂപ്പണ്‍ ആദ്യ വില്‍പന പ്രസിഡന്‍റ് രാജീവ് നടുവിലേമുറി ജനറല്‍ സെക്രട്ടറി സണ്ണി പത്തിചിറക്ക് നല്‍കി നിര്‍വഹിച്ചു. രാജീവ് നടുവിലേമുറി അധ്യക്ഷത വഹിച്ചു. പ്രോഗ്രാം കമ്മിറ്റി കണ്‍വീനര്‍ നൈനാന്‍ ജോണ്‍ സംസാരിച്ചു. ഭാരവാഹികളായ ബിനോയ് ചന്ദ്രന്‍, തോമസ് പള്ളിക്കല്‍, മാത്യു ചെന്നിത്തല, സാബു മാവേലിക്കര, അബ്ദുറഹ്മാന്‍ പുഞ്ചിരി, അജി കുട്ടപ്പന്‍,  അഷ്റഫ് മനാംചേരി എന്നിവര്‍ സംബന്ധിച്ചു. സണ്ണി പത്തിചിറ സ്വാഗതവും ട്രഷറര്‍ ഷംസു താമരക്കുളം നന്ദിയും പറഞ്ഞു.