കുവൈത്ത് എയര്‍വേയ്സ് വിമാനം ബുഡപെസ്റ്റില്‍ അടിയന്തരമായി ഇറക്കി

കുവൈത്ത് സിറ്റി: പറക്കുന്നതിനിടയില്‍ ഒരു യാത്രക്കാരിക്ക്  ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് കുവൈത്ത് എയര്‍വേയ്സ് വിമാനം ഹംഗറി തലസ്ഥാനമായ ബുഡപെസ്റ്റില്‍ അടിയന്തര ലാന്‍ഡിങ് നടത്തി.
ലണ്ടനിലേക്ക് പറന്ന വിമാനമാണ് വഴിമധ്യേ അടിയന്തരമായി ഇറക്കേണ്ടിവന്നത്. യാത്രക്കാരിയെ ആദ്യം ബുഡപെസ്റ്റ് വിമാനത്താവളത്തിലെ ക്ളിനിക്കില്‍ പ്രഥമ ശുശ്രൂഷ നല്‍കിയശേഷം പിന്നീട് നഗരത്തിലെ മറ്റൊരു ആശുപത്രിയിലേക്ക് മാറ്റിയ ശേഷം വിമാനം ലണ്ടനിലേക്ക് പറന്നു.