യാത്രാവിലക്കുള്ളവരെ അതിര്ത്തി വഴി രക്ഷപ്പെടാന് സഹായിക്കുന്ന സംഘം പിടിയില്
text_fieldsകുവൈത്ത് സിറ്റി: യാത്രാവിലക്കുള്ളവരെ കര അതിര്ത്തി വഴി രക്ഷപ്പെടാനും തിരിച്ച് കുവൈത്തിലേക്ക് പ്രവേശിക്കാനും സഹായിക്കുന്ന അഞ്ചുപേരെ രഹസ്യാന്വേഷണ വിഭാഗം പിടികൂടി. ഇവരില് മൂന്നുപേര് അതിര്ത്തി ചെക് പോസ്റ്റിലെ സൈനിക ഉദ്യോഗസ്ഥരാണ്. നിരവധി കേസുകളില് പ്രതികളായവര് നുവൈസീബ് അതിര്ത്തി വഴി രാജ്യം വിട്ടിട്ടുണ്ടെന്ന രഹസ്യ റിപ്പോര്ട്ടിന്െറ അടിസ്ഥാനത്തില് രഹസ്യാന്വേഷണ വിഭാഗം നടത്തിയ അന്വേഷണത്തിലാണ് ഇവര് പിടിയിലായത്.
കോടതികളില് തടവ് ശിക്ഷക്കും മയക്കുമരുന്നുള്പ്പെടെ മറ്റു കേസുകളിലും യാത്രാവിലക്കുള്ളവരില്നിന്നും ഇവര് 250 മുതല് 400 ദീനാര് വരെ കൈക്കൂലി വാങ്ങിയിരുന്നതായി രഹസ്യാന്വേഷണ വിഭാഗം വെളിപ്പെടുത്തി. ഒരു കേസില് പ്രതിയായ വിദേശിയെ ചോദ്യംചെയ്യുന്നതിനിടെയാണ് കൂടുതല് രഹസ്യങ്ങള് പുറത്തായതെന്ന് സുരക്ഷാകേന്ദ്രങ്ങള് വെളിപ്പെടുത്തി. അതിര്ത്തി വിഭാഗം അണ്ടര് സെക്രട്ടറി ബ്രിഗേഡിയര് അന്വര് യാസിന്െറ നേതൃത്വത്തിലാണ് പ്രതികളെ പിടികൂടിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.