തൃശൂര്‍ അസോസിയേഷന്‍  കലോത്സവം മേയ് അഞ്ചിന്

കുവൈത്ത് സിറ്റി: തൃശൂര്‍ അസോസിയേഷന്‍ ഓഫ് കുവൈത്ത് കലോത്സവം മേയ് അഞ്ചിന് അബ്ബാസിയ ഇന്ത്യന്‍ സെന്‍ട്രല്‍ സ്കൂളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. സ്റ്റേജ് മത്സരങ്ങളാണ് അന്ന് നടക്കുക. സ്റ്റേജിതര മത്സരങ്ങള്‍ ഏപ്രില്‍ 29ന് നടക്കും. അസോസിയേഷന്‍െറ ആഭിമുഖ്യത്തില്‍ മെഡിക്കല്‍ ക്യാമ്പ്, കലാഭവന്‍ മണി അനുസ്മരണം, ഒ.എന്‍.വി അനുസ്മരണം, അംഗങ്ങള്‍ക്ക് ചികിത്സാസഹായം, മരിച്ചവരുടെ കുടുംബങ്ങള്‍ക്കുള്ള സഹായം, സമ്പൂര്‍ണ രോഗനിര്‍ണയ ക്യാമ്പ് തുടങ്ങിയവ നടക്കുന്നതായി ഭാരവാഹികള്‍ പറഞ്ഞു. പ്രസിഡന്‍റ് സെബാസ്റ്റ്യന്‍ വാതുക്കാടന്‍, മറ്റു ഭാരവാഹികളായ ബിജു 
കടവി, ഹരി കുളങ്ങര, ശ്രീനിവാസന്‍, അംബിക മുകുന്ദന്‍ എന്നിവര്‍ വാര്‍ത്താസമ്മേളനത്തില്‍ സംബന്ധിച്ചു.