സെന്‍റ് ജെയിംസ് മാര്‍ത്തോമ ഇടവക ആദ്യഫല പെരുന്നാള്‍ ഇന്ന്

കുവൈത്ത് സിറ്റി: കുവൈത്ത് സെന്‍റ് ജെയിംസ് മാര്‍ത്തോമ ഇടവകയുടെ അഞ്ചാമത് ആദ്യഫല പെരുന്നാള്‍ ബുധനാഴ്ച നാഷനല്‍ ഇവാഞ്ചലിക്കല്‍ ചര്‍ച്ചില്‍ നടക്കും. രാവിലെ എട്ടിന് ആരാധനക്ക് റവ. ഡോ. ഈശോ മാത്യു നേതൃത്വം നല്‍കും. ഒമ്പതിന് ഘോഷയാത്രയെ തുടര്‍ന്ന് ഉദ്ഘാടന സമ്മേളനം ആരംഭിക്കും. ഇന്ത്യന്‍ അംബാസഡര്‍ സുനില്‍ ജെയിന്‍ ഉദ്ഘാടനം ചെയ്യും. ഫാ. വി.എസ്. സ്കറിയ അധ്യക്ഷത വഹിക്കും. 

സെന്‍റ് തോമസ് ഇവാഞ്ചലിക്കല്‍ ചര്‍ച്ച് പ്രിസൈഡിങ് ബിഷപ് മോസ്റ്റ് ഫാ.ഡോ. സി.വി. മാത്യു പ്രഭാഷണം നടത്തുകയും സുവനീര്‍ പ്രകാശനം നിര്‍വഹിക്കുകയും ചെയ്യും. എന്‍.ഇ.സി.കെ കോമണ്‍ കൗണ്‍സില്‍ ചെയര്‍മാന്‍ ഫാ. ഇമ്മാനുവേല്‍ ബി. ഗരീബ് മുഖ്യപ്രഭാഷണം നടത്തും. ഈ വര്‍ഷത്തെ ആദ്യ ഫല പെരുന്നാളില്‍നിന്ന് ലഭിക്കുന്ന പണത്തിന്‍െറ വിഹിതം ഇടവകയുടെ നേതൃത്വത്തില്‍ നടക്കുന്ന പെയിന്‍ ആന്‍റ് പാലിയേറ്റിവ് യൂനിറ്റ് മുഖേന വിതരണം ചെയ്യും. വിവിധ കലാപരിപാടികളും നടക്കും.