പ്രധാനമന്ത്രി ഇറ്റാലിയന്‍ പ്രസിഡന്‍റുമായി കൂടിക്കാഴ്ച നടത്തി

കുവൈത്ത് സിറ്റി: ഹ്രസ്വസന്ദര്‍ശനത്തിനായി ഇറ്റലിയിലത്തെിയ പ്രധാനമന്ത്രി ശൈഖ് ജാബിര്‍ അല്‍ മുബാറക് അസ്സബാഹ് ഇറ്റാലിയന്‍ പ്രസിഡന്‍റ് സര്‍ജു മട്രിലിയയുമായി കൂടിക്കാഴ്ച നടത്തി.
റോമിലെ പ്രസിഡന്‍റിന്‍െറ കൊട്ടാരത്തില്‍ നടന്ന കൂടിക്കാഴ്ചയില്‍ ഇരുരാജ്യങ്ങളും തമ്മിലെ സൗഹൃദം കൂടുതല്‍ ഊഷ്മളമാക്കുന്ന കാര്യങ്ങളില്‍ ഇരുവരും ചര്‍ച്ചകള്‍ നടത്തി. വ്യത്യസ്ത മേഖലകളിലേക്ക് സഹകരണം വ്യാപിപ്പിക്കേണ്ടതിന്‍െറ ആവശ്യം ഇരുവരും ചര്‍ച്ചകളില്‍ ഉന്നയിച്ചു. അമീര്‍ ശൈഖ് സബാഹ് അല്‍ അഹ്മദ് അല്‍ ജാബിര്‍ അസ്സബാഹ്, കിരീടാവകാശി ശൈഖ് നവാഫ് അല്‍ അഹ്മദ് അല്‍ ജാബിര്‍ അസ്സബാഹ് എന്നിവരുടെ അഭിനന്ദന സന്ദേശങ്ങള്‍ പ്രധാനമന്ത്രി പ്രസിഡന്‍റിന് കൈമാറി. കുവൈത്തിലേക്ക് ക്ഷണിച്ച് അമീര്‍ നല്‍കിയ പ്രത്യേക കത്തും പ്രധാനമന്ത്രി ഇറ്റാലിയന്‍ പ്രസിഡന്‍റിന് കൈമാറി. വത്തിക്കാനില്‍ പോപ്പിനെ സന്ദര്‍ശിച്ചശേഷമാണ് പ്രധാനമന്ത്രി ഇറ്റലിയിലത്തെിയത്.