വിദേശികള്‍ കൂടുതല്‍  പണമയച്ച രാജ്യങ്ങളില്‍  കുവൈത്തിന് ഏഴാംസ്ഥാനം

കുവൈത്ത് സിറ്റി: വിദേശങ്ങളില്‍ ജോലിചെയ്യുന്നതിനിടെ തങ്ങളുടെ നാടുകളിലേക്ക് കൂടുതല്‍ പണമയച്ച രാജ്യങ്ങളില്‍ കുവൈത്തിന് ഏഴാംസ്ഥാനമെന്ന് വെളിപ്പെടുത്തല്‍. ലോകബാങ്ക് പുറത്തിറക്കിയ സ്ഥിതിവിവര കണക്കിലാണ് ഇക്കാര്യം സൂചിപ്പിച്ചത്. 2014ല്‍ കുവൈത്തില്‍നിന്ന് 18.1 ബില്യന്‍ ദീനാറാണ് വിവിധ രാജ്യക്കാരായ വിദേശികള്‍ തങ്ങളുടെ നാടുകളിലേക്ക് അയച്ചത്. ഒൗദ്യോഗിക രൂപത്തില്‍ അംഗീകൃത ബാങ്കുകള്‍ വഴി വിദേശികള്‍ അയച്ച പണത്തിന്‍െറ കണക്കാണിത്. കുഴല്‍പണം പോലുള്ള അംഗീകൃതമല്ലാതെ അയച്ച പണത്തിന്‍െറ കണക്ക് ഇതില്‍പെടില്ല. 
അറബ് തലത്തില്‍ കുവൈത്തിന് ഇക്കാര്യത്തില്‍ മൂന്നാംസ്ഥാനവുമുണ്ട്. കുവൈത്തിലെ വിദേശി സമൂഹങ്ങളില്‍ ഒന്നാംസ്ഥാനത്തുള്ളത് കാരണം ഇന്ത്യക്കാര്‍ തങ്ങളുടെ നാട്ടിലേക്കയച്ച പണം തന്നെയായിരിക്കും ഇതില്‍ കൂടുതലും.