ഫർവാനിയയിൽ 2000 കുപ്പി വ്യാജ സുഗന്ധദ്രവ്യം പിടിച്ചു

കുവൈത്ത്​ സിറ്റി: ഫർവാനിയയിലെ ഗോഡൗണിൽനിന്ന്​ 2,000 കുപ്പി വ്യാജ പെർഫ്യൂം പിടിച്ചെടുത്തു. അന്താരാഷ്​ട്ര ബ്രാൻഡുകളുടെ വ്യാജ സുഗന്ധദ്രവ്യങ്ങൾ നിർമിക്കുന്ന കമ്പനിയിലാണ്​ വാണിജ്യ വ്യവസായ മന്ത്രാലയം ഉദ്യോഗസ്ഥർ റെയ്ഡ് നടത്തിയത്​. വ്യാജ ഉൽപന്നങ്ങൾ പിടികൂടാൻ നിരവധി കടകളിൽ ഉദ്യോഗസ്ഥർ കയറിയിറങ്ങി.

പ്രാദേശിക ബ്രാൻഡുകൾക്ക് പുറമേ വിവിധ അന്താരാഷ്​ട്ര ബ്രാൻഡുകളുടെ പേരിലുള്ള ഉൽപന്നങ്ങളാണ്​ പിടികൂടിയത്​. പേറ്റൻറുമായി ബന്ധപ്പെട്ട പ്രാദേശിക അന്തര്‍ദേശീയ നിയമങ്ങള്‍ പാലിക്കാത്ത നിരവധി വ്യാജ സാധനങ്ങള്‍ വില്‍ക്കുന്നതുമായി ബന്ധപ്പെട്ട വിവരത്തെ തുടര്‍ന്നാണ് വാണിജ്യ വ്യവസായ വകുപ്പു അധികൃതര്‍ ജാഗ്രതയിലാണ്​. രാജ്യത്ത്​ ട്രേഡ്​ മാർക്ക്​ മോഷണം സംബന്ധിച്ച്​ നിരവധി പരാതികൾ ലഭിക്കുന്നുണ്ട്​. ഇതിന്​ രാജ്യത്തെ നിയമ​വ്യവസ്ഥ അനുസരിച്ച്​ ഒന്നുമുതൽ മൂന്നുവർഷം വരെ തടവ് ലഭിക്കും.