കോവിഡ് പ്രതിരോധം: മുൻനിര ജീവനക്കാർക്ക് 20 ശതമാനം ബോണസ്

കുവൈത്ത്​ സിറ്റി: കോവിഡ്​ പ്രതിരോധ​ പ്രവർത്തനങ്ങളുടെ മുൻനിരയിലുള്ള സർക്കാർ ജീവനക്കാർക്ക്​ ശമ്പളത്തി​െൻറ 20 ശതമാനം ബോണസ്​ നൽകും. കോവിഡ്​ പ്രതിരോധ പ്രവർത്തനങ്ങളിലുള്ള ജീവനക്കാതെ മൂന്ന്​ വിഭാഗങ്ങളായി തിരിച്ചു. കോവിഡ്​ രോഗികളുമായി നേരിട്ട്​ ബന്ധം പുലർത്തുന്ന ആരോഗ്യ മന്ത്രാലയത്തി​ലെ ഡോക്​ടർമാർ, നഴ്​സുമാർ എന്നിവരെയാണ്​ ​ഏറ്റവും റിസ്​ക്​ കൂടിയ വിഭാഗത്തിൽ ഉൾപ്പെടുത്തി 20 ശതമാനം ബോണസ്​ നൽകുന്നത്​.

ആരോഗ്യ മന്ത്രാലയത്തിലെയും മറ്റു സർക്കാർ വകുപ്പുകളിലെയും ബന്ധപ്പെട്ട ജീവനക്കാർക്ക്​ 10 ശതമാനം​ ​ബോണസ്​ നൽകും. ലോക്ക്​ ഡൗൺ കാലത്തും കോവിഡ്​ വ്യാപനത്തി​െൻറ തുടക്കകാലത്തും സർക്കാർ ഒാഫിസുകൾ അടഞ്ഞുകിടന്നപ്പോൾ അടിയന്തര സേവന മേഖലകൾ പ്രവർത്തിച്ചിരുന്നു. അന്ന്​ സേവനമനുഷ്​ടിച്ച വിവിധ മന്ത്രാലയങ്ങളിലുള്ളവരെ കോവിഡ്​ ​പ്ര​തിരോധ പ്രവർത്തനങ്ങളിൽ ഏർപ്പെട്ട ജീവനക്കാരായി കണക്കാക്കുന്നു.

കർഫ്യൂ കാലത്ത്​ സേവനം അനുഷ്​ടിച്ച പൊലീസുകാർ, സൈനികർ, നാഷനൽ ഗാർഡ്​ അംഗങ്ങൾ തുടങ്ങിയവർക്കെല്ലാം ആനുകൂല്യം ലഭിക്കും. വിദ്യാഭ്യാസ മന്ത്രാലയം, ജല, വൈദ്യുതി മന്ത്രാലയം ജീവനക്കാരുടെയും പട്ടിക തയാറായിട്ടുണ്ട്​. ബോണസ്​ വിതരണം വൈകാതെയുണ്ടാവുമെന്നാണ്​ വിവരം.