ഒരാഴ്ചക്കിടെ 16,206 ഗതാഗത നിയമലംഘനം
text_fieldsഗതാഗത വകുപ്പ് പരിശോധനയിൽ കാർ കസ്റ്റഡിയിലെടുത്ത് കൊണ്ടുപോകുന്നു
കുവൈത്ത് സിറ്റി: കുവൈത്തിൽ ഒരാഴ്ചക്കിടെ 16,206 ഗതാഗത നിയമലംഘനം രേഖപ്പെടുത്തി. 25 കാറുകൾ പിടിച്ചെടുത്തു. ഗുരുതര നിയമലംഘനം വരുത്തിയ മൂന്നുപേരെ അറസ്റ്റ് ചെയ്തു. ഗതാഗത നിയമം ലംഘിച്ച അഞ്ച് പ്രായപൂർത്തിയാകാത്തവരെ ജുവനൈൽ പൊലീസിന് കൈമാറി. ഭാഗിക കർഫ്യൂ പ്രാബല്യത്തിലുള്ള സമയത്ത് അനധികൃതമായി വാഹനം നിരത്തിലിറക്കുകയും അപകടകരമായി ഒാടിക്കുകയും ചെയ്തയാളാണ് അറസ്റ്റ് ചെയ്തവരിൽ ഒരാൾ. രണ്ടുപേർ ലൈസൻസില്ലാതെ വാഹനമോടിച്ചവരും. ഹവല്ലി ഗവർണറേറ്റിലാണ് കൂടുതൽ നിയമലംഘനം റിപ്പോർട്ട് ചെയ്തത്.
4966 പേർ ഇവിടെ നിയമം ലംഘിച്ചതായി കണ്ടെത്തി. കാപിറ്റൽ ഗവർണറേറ്റ് (3374), ഫർവാനിയ ഗവർണറേറ്റ് (3321), ജഹ്റ ഗവർണറേറ്റ് (2102), അഹ്മദി ഗവർണറേറ്റ് (1377), മുബാറക് അൽ കബീർ ഗവർണറേറ്റ് (323) എന്നിങ്ങനെയാണ് മറ്റുള്ളയിടങ്ങളിലെ കണക്ക്. ട്രാഫിക് ഒാപറേഷൻ ഡിപ്പാർട്മെൻറ് 423 നിയമലംഘനം രേഖപ്പെടുത്തി. ട്രാഫിക് സ്പെഷൽ ടാസ്ക് ഡിപ്പാർട്മെൻറ് 321 കേസുകൾ എടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

