കോവിഡ് കാലത്ത് 147000 പേർക്ക് ഇഖാമ നഷ്​ടമായി

കുവൈത്ത്​ സിറ്റി: കുവൈത്തിൽ കോവിഡ്​ പ്രതിസന്ധി ആരംഭിച്ചതിന്​ ശേഷം 1,47,000 പേർക്ക്​ ഇഖാമ നഷ്​ടമായി. കുവൈത്തിൽ ഇഖാമയുള്ളവരും എന്നാൽ, അവധിക്ക്​ നാട്ടിൽ പോയവരുമായ 3,65,000 പ്രവാസികളാണ്​ കോവിഡ്​ പ്രതിസന്ധി ആരംഭിച്ചപ്പോൾ ഉണ്ടായിരുന്നത്​. ഇതിൽ 1,47,000 പേരുടെ താമസാനുമതിയാണ്​ കാലാവധി കഴിഞ്ഞിട്ടും പുതുക്കാ​ത്തതിനാൽ നിയമസാധുതയില്ലാതായത്​. തൊഴിലാളികൾ നാട്ടിലാണെങ്കിലും സ്​പോൺസർമാർക്ക്​ ഒാൺലൈനായി പുതുക്കാൻ അവസരമുണ്ടായിരുന്നു.

ഇത്​ ഉപയോഗപ്പെടുത്താത്തവർക്കാണ്​ ഇഖാമയില്ലാതായത്​. അതേസമയം, ഇഖാമ കാലാവധിയുണ്ടെങ്കിൽ ആറുമാസത്തിലേറെ കുവൈത്തിന്​ പുറത്തായത്​ പ്രശ്​നമാക്കുന്നില്ല. ഇവർക്ക്​ കുവൈത്തിലേക്ക്​ വരാൻ കഴിയുന്നുണ്ട്​. അതിനിടെ കുവൈത്തിൽ താമസ നിയമലംഘകരായി 1,32,000 പേർ കുവൈത്തിൽ കഴിയുന്നുണ്ടെന്നാണ്​ റിപ്പോർട്ട്​. പൊതുമാപ്പ്​ നൽകിയിട്ടും തിരിച്ചുപോവാതെ അനധികൃതമായി കുവൈത്തിൽ തങ്ങുന്നവരാണ്​ ഇത്രയും പേർ.

2020 ജനുവരി ഒന്നിനോ അതിന്​ മു​േമ്പാ ഇഖാമ കാലാവധി കഴിഞ്ഞവർക്ക്​ പിഴയടച്ച്​ വിസ സ്​റ്റാറ്റസ്​ നിയമവിധേയമാക്കാൻ ആഭ്യന്തര മന്ത്രാലയം പ്രത്യേക അവസരം നൽകുന്നുണ്ട്​. ഡിസംബർ ഒന്നുമുതൽ 31 വരെ കാലയളവിൽ ഇത്തരക്കാർ ഇതിനായി താമസകാര്യ വകുപ്പിന്​ അപേക്ഷ നൽകാം. നേരത്തെ 2020 ജനുവരി ഒന്നിന്​ മുമ്പ്​ ഇഖാമ കാലാവധി കഴിഞ്ഞവർക്ക്​ പുതുക്കാൻ കഴിയില്ലെന്ന്​ ആഭ്യന്തര മന്ത്രാലയത്തി​െൻറ ഉത്തരവുണ്ടായിരുന്നു. ഇത്തരക്കാർക്ക്​ രാജ്യം വിടുകയല്ലാതെ മറ്റു വഴിയില്ലെന്ന അവസ്ഥയാണ്​ പുതിയ ഉത്തരവിലൂടെ മാറുന്നത്​. ഡിസംബറിൽ നൽകുന്ന പ്രത്യേക അവസരം ഉപയോഗപ്പെടുത്തിയില്ലെങ്കിൽ പിന്നീട്​ പിഴയടച്ചാലും വിസ സ്​റ്റാറ്റസ്​ മാറ്റാൻ കഴിയാത്ത സ്ഥിതി വരും.