1.2 ലക്ഷം സ്മാർട്ട് മീറ്ററുകൾ സ്ഥാപിച്ചു

കു​വൈ​ത്ത് സി​റ്റി: 1,20,000 സ്മാ​ർ​ട്ട് ഇ​ല​ക്ട്രി​സി​റ്റി മീ​റ്റ​റു​ക​ൾ സ്ഥാ​പി​ച്ച​താ​യി വൈ​ദ്യു​തി മ​ന്ത്രാ​ല​യ​ത്തി​ലെ മീ​റ്റ​ർ റീ​പ്ലേ​യ്സി​ങ് ടെ​ക്നി​ക്ക​ൽ ടീം ​മേ​ധാ​വി എ​ൻ​ജി​നീ​യ​ർ മ​ല്ലു​ഹ് അ​ൽ അ​ജ്മി അ​റി​യി​ച്ചു. ഹ​വ​ല്ലി, ഫ​ർ​വാ​നി​യ, ഖൈ​ത്താ​ൻ, അ​ൽ​റാ​ഖി എ​ന്നി​വി​ട​ങ്ങ​ളി​ലെ വ്യ​വ​സാ​യ, നി​ക്ഷേ​പ മേ​ഖ​ല​ക​ളി​ൽ 98 ശ​ത​മാ​ന​വും സ്മാ​ർ​ട്ട് മീ​റ്റ​റാ​ക്കി.

ചി​ല സാ​​ങ്കേ​തി​ക ത​ട​സ്സ​ങ്ങ​ളും വൈ​ദ്യു​തി മോ​ഷ​ണ​വു​മാ​യി ബ​ന്ധ​പ്പെ​ട്ട നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യ​തും കാ​ര​ണ​മാ​ണ് ബാ​ക്കി​യു​ള്ള​വ​യി​ൽ സ്മാ​ർ​ട്ട് മീ​റ്റ​ർ സ്ഥാ​പി​ക്കു​ന്ന​ത് വൈ​കി​യ​ത്.

മ​ന്ത്രാ​ല​യ​ത്തി​​ന്‍റെ സേ​വ​ന​ങ്ങ​ൾ പൂ​ർ​ണ​മാ​യും ഡി​ജി​റ്റ​ൽ സ്വ​ഭാ​വ​ത്തി​ലേ​ക്ക് മാ​റു​ന്ന​തി​​ന്‍റെ ഭാ​ഗ​മാ​യാ​ണ് ക​ഴി​ഞ്ഞ ഒ​ക്ടോ​ബ​റി​ൽ സ്‍മാ​ർ​ട്ട് മീ​റ്റ​ർ പ​ദ്ധ​തി ആ​രം​ഭി​ച്ച​ത്.

വാ​ണി​ജ്യ, നി​ക്ഷേ​പ മേ​ഖ​ല​ക​ൾ ക​ഴി​ഞ്ഞാ​ൽ റെ​സി​ഡ​ൻ​ഷ്യ​ൽ മേ​ഖ​ല​യി​ൽ പ​ദ്ധ​തി ന​ട​പ്പാ​ക്കും. അ​ത്യാ​ധു​നി​ക ഡി​ജി​റ്റ​ൽ സം​വി​ധാ​ന​ത്തി​ലേ​ക്ക്​ ജ​ല, വൈ​ദ്യു​തി മ​ന്ത്രാ​ല​യം മാ​റു​ക​യാ​ണ്. സ്​​മാ​ർ​ട്ട്​ മീ​റ്റ​റു​ക​ളി​ലൂ​ടെ ഉ​പ​ഭോ​ക്​​താ​ക്ക​ൾ​ക്ക്​ ഏ​ത്​ സ​മ​യ​ത്തും അ​തു​വ​രെ​യു​ള്ള ഉ​പ​ഭോ​ഗം നി​രീ​ക്ഷി​ക്കാ​ൻ ക​ഴി​യും. ഓ​ൺ​ലൈ​നാ​യി ബി​ൽ അ​ട​ക്കാ​നും സം​വി​ധാ​ന​മു​ണ്ടാ​കും. ബി​ൽ മു​ൻ​കൂ​ട്ടി അ​ട​ക്കാ​നും ക​ഴി​യും. മീ​റ്റ​ർ ത​ക​രാ​റി​ലാ​ണെ​ങ്കി​ൽ മ​ന്ത്രാ​ല​യ ആ​സ്ഥാ​ന​ത്ത്​ ഉ​ട​ൻ സൂ​ച​ന ല​ഭി​ക്കും. ഇ​തു​വ​​ഴി കേ​ടാ​യ മീ​റ്റ​റു​ക​ൾ വൈ​കാ​തെ ന​ന്നാ​ക്കാ​ൻ ക​ഴി​യും.​ വെ​ള്ള​ത്തി​​ന്‍റെ​യും വൈ​ദ്യു​തി​യു​ടെ​യും ഉ​പ​ഭോ​ഗം കു​റ​ക്കാ​നു​ള്ള ശ്ര​മ​ത്തി​​ന്റെ കൂ​ടി ഭാ​ഗ​മാ​ണ്​ സ്​​മാ​ർ​ട്ട്​ മീ​റ്റ​റു​ക​ളി​ലേ​ക്ക്​ മാ​റു​ന്ന​ത്.