കുവൈത്തിൽ 119 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 75 ഇന്ത്യക്കാരടക്കം 119 പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ രാജ്യത്ത്​ കോ വിഡ്​ സ്ഥിരീകരിച്ചവർ 1524 ആയി. വ്യാഴാഴ്​ച 19 പേരടക്കം 225 പേർ ഇതുവരെ രോഗമുക്​തി നേടി. ബാക്കി 1296 പേർ ചികിത്സയിലാണ്​.

32 പേർ തീവ്രപരിചരണ വിഭാഗത്തിലാണ്​. പുതുതായി വൈറസ്​ സ്ഥിരീകരിച്ചവരിൽ നാലുപേർ വിദേശത്തുനിന്ന്​ വന്നവരും 102 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്​. 13 പേർക്ക്​ ​ഏതുവഴിയാണ്​ വൈറസ്​ ബാധിച്ചതെന്ന്​ കണ്ടെത്തിയിട്ടില്ല.

ബ്രിട്ടനിൽനിന്നും അമേരിക്കയിൽനിന്നും വന്ന രണ്ടുവീതം സ്വദേശികൾക്ക്​ കോവിഡ്​ സ്ഥിരീകരിച്ചു. 68 ഇന്ത്യക്കാർ, നാല്​ കുവൈത്തികൾ, 12 ബംഗ്ലാദേശികൾ, ആറ്​ ഇൗജിപ്​തുകാർ, അഞ്ച്​ ഫിലിപ്പീൻസുകാർ, മൂന്ന്​ ജോർഡൻ പൗരന്മാർ, രണ്ട്​ പാകിസ്ഥാനികൾ, ഒ​​രു നേപ്പാൾ പൗരൻ, ഒരു ശ്രീലങ്കക്കാരൻ എന്നിവർക്ക്​ നേരത്തെ സ്ഥിരീകരിച്ചവരിൽനിന്നാണ്​ പകർന്നത്​.

ഏഴ്​ ഇന്ത്യക്കാർ, അഞ്ച്​ ഇൗജിപ്​തുകാർ, ഒരു കുവൈത്തി എന്നിവർക്ക്​ ഏതുവഴിയാണ്​ കോവിഡ്​ ബാധിച്ചതെന്ന്​ കണ്ടെത്തിയിട്ടില്ല. മൂന്നുപേരാണ്​ ഇതുവരെ രാജ്യത്ത്​ കോവിഡ്​ ബാധിച്ച്​ മരിച്ചത്​.