അ​വ​ധി​ക്കാ​ല​മെ​ത്തി; യാ​ത്ര ശു​ഭ​ക​ര​മാ​കാ​ൻ ശ്ര​ദ്ധി​ക്കേ​ണ്ട 10 കാ​ര്യ​ങ്ങ​ൾ

കുവൈത്ത് സിറ്റി: മ​ധ്യ​വേ​ന​ല​വ​ധി ആ​കാ​റാ​യ​തോ​ടെ നാ​ട്ടി​ൽ പോ​കു​ന്ന​തി​നു​ള്ള ഒ​രു​ക്ക​ങ്ങ​ളു​ടെ തി​ര​ക്കു​ക​ളി​ലാ​യി​രി​ക്കും പ്ര​വാ​സി​ക​ളി​ല​ധി​ക​വും. യാ​ത്ര ശു​ഭ​ക​ര​മാ​ക​ണ​മെ​ങ്കി​ൽ ചി​ല കാ​ര്യ​ങ്ങ​ൾ ശ്ര​ദ്ധി​ക്കു​ന്ന​ത് ന​ല്ല​താ​ണ്. ചി​ല കാ​ര്യ​ങ്ങ​ൾ ​നേ​ര​ത്തേ ഒ​രു​ക്കി​വെ​ച്ചാ​ൽ അ​വ​സാ​ന നി​മി​ഷ​ത്തി​ലെ അ​ങ്ക​ലാ​പ്പ് ഒ​ഴി​വാ​ക്കാം. യാ​ത്ര​ക്കു​മു​മ്പ് ഈ ​കാ​ര്യ​ങ്ങ​ൾ ശ്ര​ദ്ധി​ക്കാം

1. പ​ല​രു​ടെ​യും പാ​സ്​​പോ​ർ​ട്ടു​ക​ളും വി​സ​യും മി​ക്ക​വാ​റും തൊ​ഴി​ലു​ട​മ​യു​ടെ കൈ​വ​ശ​മാ​യി​രി​ക്കും. പാ​സ്​​പോ​ർ​ട്ട് കാ​ലാ​വ​ധി ക​ഴി​​ഞ്ഞ​താ​ണോ എ​ന്ന് ഉ​റ​പ്പു​വ​രു​ത്ത​ണം. വി​സ വാ​ലി​ഡി​റ്റി​യും ഉ​റ​പ്പാ​ക്ക​ണം. കു​ട്ടി​ക​ളു​ടെ പാ​സ്​​പോ​ർ​ട്ടി​ന് അ​ഞ്ചു​വ​ർ​ഷം മാ​ത്ര​മേ കാ​ലാ​വ​ധി​യു​ള്ളൂ എ​ന്ന കാ​ര്യം ശ്ര​ദ്ധി​ക്ക​ണം. പാ​സ്​​പോ​ർ​ട്ട് പു​തു​ക്കാ​ൻ എം​ബ​സി​യെ സ​മീ​പി​ച്ചാ​ൽ സ​മ​യ​മെ​ടു​ക്കും. അ​ക്കാ​ര്യം പ്ര​ത്യേ​കം ശ്ര​ദ്ധ​യി​ൽ വേ​ണം. ഇ​ന്ത്യ​യി​ൽ ചെ​ന്നി​ട്ടാ​ണ് പാ​സ്​​പോ​ർ​ട്ട് പു​തു​ക്കു​ന്ന​തെ​ങ്കി​ൽ തി​രി​കെ​യു​ള്ള യാ​ത്ര​യി​ൽ പ​ഴ​യ​തും പു​തി​യ​തു​മാ​യ പാ​സ്​​പോ​ർ​ട്ടു​ക​ൾ ക​രു​ത​ണം. തി​രി​കെ വ​രു​ന്ന സ​മ​യ​ത്തും നി​ങ്ങ​ളു​ടെ വി​സ​യു​ടെ വാ​ലി​ഡി​റ്റി ഉ​റ​പ്പു​വ​രു​ത്ത​ണം.

2. വി​മാ​ന​ത്താ​വ​ള​ത്തി​ൽ കു​റ​ഞ്ഞ​ത് മൂ​ന്നു മ​ണി​ക്കൂ​ർ മു​മ്പെ​ങ്കി​ലും എ​ത്ത​ണം.

3. വി​മാ​ന​ക്ക​മ്പ​നി​ക​ൾ അ​നു​വ​ദി​ച്ച വ​ലു​പ്പ​ത്തി​ലു​ള്ള ല​ഗേ​ജു​ക​ൾ മാ​ത്ര​മേ ക​രു​താ​വൂ. തൂ​ക്കം കൂ​ടാ​ൻ ഇ​ട​വ​ര​രു​ത്. അ​ത് സ​മ​യം ന​ഷ്ട​പ്പെ​ടാ​ൻ ഇ​ട​യാ​ക്കും. ചി​ല വി​മാ​ന​ക്ക​മ്പ​നി​ക​ൾ ര​ണ്ടു പെ​ട്ടി​ക​ൾ മാ​ത്ര​മേ അ​നു​വ​ദി​ക്കാ​റു​ള്ളൂ. തൂ​ക്കം കൃ​ത്യ​മാ​ണെ​ങ്കി​ലും പെ​ട്ടി​യു​ടെ എ​ണ്ണം കൂ​ടാ​ൻ അ​വ​ർ അ​നു​വ​ദി​ക്കി​ല്ല. അ​ത് കൃ​ത്യ​മാ​യി മ​ന​സ്സി​ലാ​ക്കി വേ​ണം പാ​ക്കി​ങ് ന​ട​ത്താ​ൻ. അ​ൺ​ഷേ​പ് ബാ​ഗും പെ​ട്ടി​ക്കു മു​ക​ളി​ൽ ക​യ​റു​കെ​ട്ടു​ന്ന​തും അ​നു​വ​ദി​ക്കി​ല്ല. ടി.​വി മു​ത​ലാ​യ ഗൃ​ഹോ​പ​ക​ര​ണ​ങ്ങ​ൾ കൊ​ണ്ടു​പോ​കു​ന്നു​ണ്ടെ​ങ്കി​ൽ അ​തി​ന്റെ സൈ​സ് ശ്ര​ദ്ധി​ക്ക​ണം. പ​ല വി​മാ​ന​ക്ക​മ്പ​നി​ക​ളും നി​ശ്ചി​ത വ​ലു​പ്പ​ത്തി​ലു​ള്ള ടി.​വി മാ​ത്ര​മേ കൊ​ണ്ടു​പോ​കാ​ൻ അ​നു​വ​ദി​ക്കാ​റു​ള്ളൂ.

4. ആ​ഭ​ര​ണ​ങ്ങ​ളും വി​ല​കൂ​ടി​യ സാ​ധ​ന​ങ്ങ​ളും ഹാ​ൻ​ഡ് ബാ​​ഗേ​ജി​ൽ​ത​ന്നെ ക​രു​തു​ക. ഹാ​ൻ​ഡ് ബാ​ഗ് ഷോ​പ്പു​ക​ളി​ലോ ഇ​രി​ക്കു​ന്ന സ്ഥ​ല​ങ്ങ​ളി​ലോ വെ​ക്കാ​തെ കൈ​യി​ൽ​ത​ന്നെ സൂ​ക്ഷി​ക്കു​ന്ന​ത് മ​റ​വി മൂ​ല​മു​ള്ള ന​ഷ്ട​ങ്ങ​ൾ ഒ​ഴി​വാ​ക്കാ​ൻ സ​ഹാ​യ​ക​ര​മാ​ണ്. ബാ​റ്റ​റി ചാ​ർ​ജ​ർ ല​ഗേ​ജി​ൽ വെ​ക്കാ​തി​രി​ക്കാ​നും ശ്ര​ദ്ധി​ക്കു​ക.

5. ഗ​ർ​ഭി​ണി​ക​ളോ മ​റ്റ് അ​സു​ഖ​ങ്ങ​ളു​ള്ള​വ​രോ യാ​ത്ര ചെ​യ്യു​മ്പോ​ൾ മെ​ഡി​ക്ക​ൽ റി​പ്പോ​ർ​ട്ട് കൈ​വ​ശം ക​രു​ത​ണം. മ​രു​ന്ന്, ഗു​ളി​ക​ക​ൾ തു​ട​ങ്ങി​യ​വ കൊ​ണ്ടു​വ​രു​ന്നു​ണ്ടെ​ങ്കി​ൽ പ്രി​സ്ക്രി​പ്ഷ​നും ബി​ല്ലും കൈ​യി​ൽ ക​രു​തു​ക.

6. കു​ട്ടി​ക​ൾ ഒ​റ്റ​ക്കാ​ണ് യാ​ത്ര ചെ​യ്യു​ന്ന​തെ​ങ്കി​ൽ വി​മാ​ന​ക്ക​മ്പ​നി​ക​ൾ ര​ക്ഷി​താ​ക്ക​ളു​ടെ സ​മ്മ​ത​പ​ത്രം ആ​വ​ശ്യ​പ്പെ​ടാ​റു​ണ്ട്. ഇ​തു​സം​ബ​ന്ധി​ച്ച് വ്യ​ക്ത​ത വ​രു​ത്തി​യ ശേ​ഷം യാ​ത്ര​ക്കു മു​മ്പ് കൈ​യി​ൽ ക​രു​തു​ക.

7. വി​സ, ടി​ക്ക​റ്റ് എ​ന്നി​വ​യു​ടെ പ്രി​ന്റൗ​ട്ട് എ​ടു​ത്ത് കൈ​യി​ൽ ക​രു​തു​ന്ന​താ​ണ് ന​ല്ല​ത്. അ​വി​ചാ​രി​ത​മാ​യി ഫോ​ണി​ന്റെ ചാ​ർ​ജ് തീ​ർ​ന്നു​പോ​യാ​ൽ കു​ടു​ങ്ങി​യ​തു​ത​ന്നെ. യാ​​ത്ര​ക്ക് മു​മ്പ് ഫോ​ണി​ൽ ചാ​ർ​ജു​ണ്ടെ​ന്ന് ഉ​റ​പ്പു​വ​രു​ത്തു​ന്ന​ത് ന​ല്ല​താ​ണ്.

8. കോ​വി​ഡ് വ്യാ​പ​നം കു​റ​ഞ്ഞെ​ങ്കി​ലും യാ​ത്ര​യി​ൽ മാ​സ്കും ഗ്ലൗ​സു​മൊ​ക്കെ ധ​രി​ക്കു​ന്ന​ത് സു​ര​ക്ഷി​ത​​ത്വം ഉ​റ​പ്പു​വ​രു​ത്തും. സാ​നി​റ്റൈ​സ​റും ക​രു​തു​ക. അ​ത്യാ​വ​ശ്യ​ത്തി​നു​ള്ള മ​രു​ന്നു​ക​ൾ ല​ഗേ​ജി​ൽ വെ​ക്കാ​തെ കൈ​യി​ൽ ക​രു​തു​ക. ചി​ല​പ്പോ​ൾ വി​മാ​നം വൈ​കാ​നും മ​റ്റും ഇ​ട​യു​ണ്ട്. ക​ണ​ക്ഷ​ൻ ​ൈഫ്ല​റ്റാ​ണെ​ങ്കി​ൽ കാ​ല​താ​മ​സം ഉ​ണ്ടാ​യേ​ക്കാം. ഈ ​സാ​ഹ​ച​ര്യ​ത്തി​ൽ മ​രു​ന്നു​ക​ൾ കൈ​വ​ശ​മി​ല്ലെ​ങ്കി​ൽ ബു​ദ്ധി​മു​ട്ടി​ലാ​കും.

9. പാ​ർ​സ​ലു​ക​ൾ നാ​ട്ടി​ലെ​ത്തി​ക്കാ​നാ​യി സു​ഹൃ​ത്തു​ക്ക​ളും മ​റ്റും കൊ​ടു​ത്തു​വി​ടാ​റു​ണ്ട്. എ​​ത്ര അ​ടു​പ്പ​മു​ള്ള​വ​രാ​ണെ​ങ്കി​ലും സാ​ധ​നം എ​ന്താ​ണെ​ന്ന് സ്വ​യം ഉ​റ​പ്പു​വ​രു​ത്തി​യ​തി​നു​ശേ​ഷം മാ​ത്രം സ്വീ​ക​രി​ക്കു​ക.

10. വി​മാ​നം ലാ​ൻ​ഡ് ചെ​യ്ത​തി​നു​ശേ​ഷം മാ​ത്ര​മേ ഇ​രി​പ്പി​ട​ത്തി​ൽ​നി​ന്ന് എ​ഴു​ന്നേ​ൽ​ക്കാ​വൂ. പു​റ​ത്തി​റ​ങ്ങാ​ൻ തി​ര​ക്ക് കൂ​ട്ട​രു​ത്. എ​യ​ർ​ഹോ​സ്റ്റ​സു​മാ​രു​ടെ നി​ർ​ദേ​ശ​ങ്ങ​ൾ അ​നു​സ​രി​ക്കു​ന്ന​താ​ണ് മാ​ന്യ​ത.