ക്രൂയിസ് സീസൺ മിന റാഷിദിൽ

ശൈ​ത്യ​കാ​ല​ത്ത് അ​റേ​ബ്യ​ൻ ഗ​ൾ​ഫി​ലെ സ​മു​ദ്ര​സ​ഞ്ചാ​രം യു.​എ.​ഇ നി​വാ​സി​ക​ൾ​ക്കി​ട​യി​ൽ ഏ​റെ ​പ്ര​സി​ദ്ധ​മാ​ണ്. വേ​ന​ൽ​ക്കാ​ല​ത്ത് മെ​ഡി​റ്റ​റേ​നി​യ​ൻ മേ​ഖ​ല​യി​ലും വ​ട​ക്ക​ൻ യൂ​റോ​പ്പി​ലും ക്രൂ​സ് ക​പ്പ​ലു​ക​ളി​ൽ ഒ​ഴി​വു​ദി​ന​ങ്ങ​ൾ ആ​ഘോ​ഷി​ക്കു​ന്ന​ത്​ പ​തി​വു​ണ്ട്. ഇ​തു​പോ​ലെ​യാ​ണ്​ ത​ണു​പ്പു കാ​ല​ത്തെ യു.​എ.​ഇ​യി​ലെ ക്രൂ​സ്​ ക​പ്പ​ൽ ആ​ഘോ​ഷ​ങ്ങ​ൾ. ന​വം​ബ​ർ അ​വ​സാ​ന​ത്തോ​ടെ ആ​രം​ഭി​ച്ച്​ ഏ​പ്രി​ൽ വ​രെ നീ​ളു​ന്ന ക്രൂ​സ്​ സീ​സ​ണി​ൽ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന യു.​എ.​ഇ​യി​ലെ തു​റ​മു​ഖ​മാ​ണ്​ 'മി​ന റാ​ശി​ദ്' എ​ന്ന റാ​ശി​ദ്​ തു​റ​മു​ഖം.

ദേ​ര​ക്കും ബ​ർ ദു​ബൈ​ക്കും ഇ​ട​യി​ലെ തീ​ര​പ്ര​ദേ​ശ​ത്ത് സ്ഥി​തി ചെ​യ്യു​ന്ന ഒ​രു ഐ​ക്ക​ണി​ക് സൈ​റ്റാ​ണി​ത്. 2021ലെ ​വേ​ൾ​ഡ് ട്രാ​വ​ൽ അ​വാ​ർ​ഡി​ൽ തു​ട​ർ​ച്ച​യാ​യി 14ാം വ​ർ​ഷ​വും പ​ശ്​​ചി​മേ​ഷ്യ​യി​ലെ 'ലീ​ഡി​ങ്​ ക്രൂ​സ് പോ​ർ​ട്ട്' അ​വാ​ർ​ഡ് സ്വ​ന്ത​മാ​ക്കി​യ​ത്​ മി​ന റാ​ശി​ദാ​ണ്​ സ്വ​ന്ത​മാ​ക്കി​യ​ത്.

അ​റ​ബ്​ മേ​ഖ​ല​യി​ലെ ആ​ദ്യ ക​ണ്ടെ​യ്​​ന​ർ തു​റ​മു​ഖ​മാ​യ മി​ന റാ​ശി​ദ്​ 1972ൽ ​ദു​ബൈ ഭ​ര​ണാ​ധി​കാ​രി ശൈ​ഖ്​ റാ​ശി​ദ്​ ബി​ൻ സ​ഈ​ദ്​ ആ​ൽ മ​ക്​​തൂ​മാ​ണ്​ ഉ​ദ്​​ഘാ​ട​നം ചെ​യ്ത​ത്. പി​ന്നീ​ട്​ ജ​ബ​ൽ അ​ലി തു​റ​മു​ഖം ആ​രം​ഭി​ച്ച​പ്പോ​ൾ കാ​ർ​ഗോ ഓ​പ​റേ​ഷ​നു​ക​ൾ ഇ​വി​ടെ നി​ന്ന്​ ഒ​ഴി​വാ​യി. ഏ​ഴു വ​ൻ യാ​ത്രാ​ക​പ്പ​ലു​ക​ൾ​ക്ക്​ ഒ​രേ​സ​മ​യം ന​ങ്കൂ​ര​മി​ടാ​നും ഒ​രു ദി​വ​സം 25,000യാ​ത്ര​ക്കാ​ർ​ക്ക്​ ഇ​റ​ങ്ങാ​നും ഇ​വി​ടെ സാ​ധി​ക്കും. ഇ​വി​ടു​ത്തെ ഹം​ദാ​ൻ ബി​ൻ മു​ഹ​മ്മ​ദ്​ ടെ​ർ​മി​ന​ലാ​ണ്​ ലോ​ക​ത്തെ ഏ​റ്റ​വും വ​ലി​യ ക്രൂ​സ്​ ​ടെ​ർ​മി​ന​ൽ. 14,000യാ​ത്ര​ക്കാ​ർ​ക്ക്​ ഇ​വി​ടെ മാ​ത്രം ഒ​രു ദി​വ​സം ഇ​റ​ങ്ങാം.

കോ​വി​ഡി​ന്​ മു​മ്പ​ത്തെ 2018-19 സീ​സ​ണി​ൽ 8ല​ക്ഷ​ത്തി​ല​ധി​കം യാ​ത്ര​ക്കാ​രെ സ്വീ​ക​രി​ച്ച മി​ന റാ​ശി​ദ്, വി​നോ​ദ മേ​ഖ​ല കൂ​ടു​ത​ൽ വി​പു​ലീ​ക​രി​ച്ച് പ്ര​ധാ​ന ക്രൂ​യി​സ് ടൂ​റി​സം ഹ​ബ്ബ് എ​ന്ന​തി​ലേ​ക്ക്​ വ​ള​രാ​നാ​ണ്​ ശ്ര​മി​ക്കു​ന്ന​ത്. മി​ന റാ​ശി​ദി​ലെ അ​ത്യാ​ധു​നി​ക സൗ​ക​ര്യ​ങ്ങ​ളും യാ​ത്ര​ക്കാ​രെ മാ​നേ​ജ് ചെ​യ്യാ​നു​ള്ള ശേ​ഷി​യും സു​പ്ര​ധാ​ന സ്ഥ​ല​ത്ത്​ സ്ഥി​തി ചെ​യ്യു​ന്നു​വെ​ന്ന​തും ഏ​റ്റ​വും പ്ര​ധാ​ന സ​വി​ശേ​ഷ​ത​യാ​ണ്. 2021-22 ക്രൂ​സ് സീ​സ​ണി​ൽ അ​ഞ്ചു ല​ക്ഷ​ത്തി​ല​ധി​കം സ​ന്ദ​ർ​ശ​ക​രെ​യാ​ണ്​ ഇ​വി​ടെ പ്ര​തീ​ക്ഷി​ക്കു​ന്ന​ത്.

കോ​വി​ഡാ​ന​ന്ത​ര ദു​ബൈ​യു​ടെ ടൂ​റി​സം മേ​ഖ​ല​യു​ടെ തി​രി​ച്ചു​വ​ര​വി​ന്​ ഇ​തേ​റെ സം​ഭാ​വ​ന ന​ൽ​കും. രാ​ജ്യ​ത്തി​ന്‍റെ സ​മ്പ​ദ്‌​വ്യ​വ​സ്ഥ​യെ മെ​ച്ച​പ്പെ​ടു​ത്താ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി 2014ൽ ​ഉ​ദ്ഘാ​ട​നം ചെ​യ്ത ശേ​ഷം ഓ​രോ​വ​ർ​ഷ​വും ഇ​വി​ടം വ​ള​ർ​ച്ച കൈ​വ​രി​ച്ചു വ​രി​ക​യാ​ണ്. എ​ക്സ്​​പോ ആ​രം​ഭി​ച്ച ശേ​ഷം അ​ന്താ​രാ​ഷ്ട്ര സ​ഞ്ചാ​രി​ക​ളു​ടെ വ​ര​വ്​ വ​ർ​ധി​ച്ച​തോ​ടെ ക്രൂ​സ്​ മേ​ഖ​ല​യും സ​ജീ​വ​മാ​യി​ട്ടു​ണ്ട്. കോ​വി​ഡ്​ മാ​ന​ദ​ണ്ഡ​ങ്ങ​ൾ പാ​ലി​ച്ചാ​ണ്​ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്.