യു.​എ.​ഇ​യി​ൽ ആ​ഘോ​ഷ​ങ്ങ​ളു​ടെ വാ​തി​ൽ തു​റ​ക്കു​ന്നു

ദു​ബൈ: പെ​രും​ചൂ​ടി​ൽ നി​ന്ന്​ ത​ണു​പ്പി​ലേ​ക്ക്​ മാ​റു​ന്ന യു.​എ.​ഇ​യി​ൽ ആ​ഘോ​ഷ​ങ്ങ​ളു​ടെ വാ​തി​ൽ തു​റ​ക്കു​ന്നു. ഇ​നി​യു​ള്ള അ​ഞ്ച്​ മാ​സ​ങ്ങ​ളി​ലാ​ണ്​ യു.​എ.​ഇ​യി​ൽ ഏ​റ്റ​വും കൂ​ടു​ത​ൽ ആ​ഘോ​ഷ​ങ്ങ​ൾ ന​ട​ക്കു​ന്ന​ത്. ഗ്ലോ​ബ​ൽ വി​ല്ലേ​ജ്, ദു​ബൈ ഷോ​പ്പി​ങ്​ ഫെ​സ്റ്റി​വ​ൽ, ഷാർജ പുസ്തകോത്സവം, ഫി​റ്റ്​​ന​സ്​ ച​ല​ഞ്ച്, ലോ​ക​ക​പ്പ്​ ഫാ​ൻ ഫെ​സ്റ്റ്, അ​ർ​ജ​ന്‍റീ​ന-​യു.​എ.​ഇ മ​ത്സ​രം ഉ​ൾ​പെ​ടെ നി​ര​വ​ധി ആ​ഘോ​ഷ പ​രി​പാ​ടി​ക​ൾ​ക്കാ​ണ്​ അ​ടു​ത്ത ദി​വ​സ​ങ്ങ​ളി​ൽ യു.​എ.​ഇ വേ​ദി​യൊ​രു​ക്കു​ന്ന​ത്. ഒ​ക്​​ടോ​ബ​റി​ലെ അ​വ​സാ​ന 10 ദി​വ​സം ദു​ബൈ വി​മാ​ന​ത്താ​വ​ള​ത്തി​ൽ 21 ല​ക്ഷം യാ​ത്ര​ക്കാ​ർ എ​ത്തു​മെ​ന്ന അ​റി​യി​പ്പ്​ ഈ ​ആ​ഘോ​ഷ​ങ്ങ​ളി​ലേ​ക്കു​ള്ള സൂ​ച​ന കൂ​ടി​യാ​ണ്.

വേ​ന​ൽ കാ​ല​ത്ത്​ അ​ട​ച്ചി​ട്ടി​രു​ന്ന ദു​ബൈ സ​ഫാ​രി പാ​ർ​ക്ക്, ഷാ​ർ​ജ സ​ഫാ​രി, ദു​ബൈ മി​റ​ക്ക്​​ൾ ഗാ​ർ​ഡ​ൻ, ദു​ബൈ ഗാ​ർ​ഡ​ൻ ഗ്ലോ ​തു​ട​ങ്ങി​യ​വ ക​ഴി​ഞ്ഞ ദി​വ​സ​ങ്ങ​ളി​ലാ​ണ്​ തു​റ​ന്ന​ത്. ഇ​വി​ടേ​ക്ക്​ ജ​ന​പ്ര​വാ​ഹം തു​ട​ങ്ങി​യി​ട്ടു​ണ്ട്. യു.​എ.​ഇ​യി​ലെ​യും വി​ദേ​ശി​ക​ളു​ടെ​യും ഏ​റ്റ​വും പ്രി​യ​പ്പെ​ട്ട സ​ഞ്ചാ​ര​ കേ​ന്ദ്ര​മാ​യ ഗ്ലോ​ബ​ൽ വി​ല്ലേ​ജ്​ 25 മു​ത​ലാ​ണ്​ തു​റ​ക്കു​ന്ന​ത്. നി​ര​വ​ധി പു​തി​യ കാ​ഴ്ച​ക​ളു​മാ​യാ​ണ്​ ​ഗ്ലോ​ബ​ൽ വി​ല്ലേ​ജ്​ മി​ഴി​തു​റ​ക്കു​ന്ന​ത്. ഏ​റ്റ​വും കൂ​ടു​ത​ൽ സ​ന്ദ​ർ​ശ​ക​രെ​ത്തി​യ ക​ഴി​ഞ്ഞ സീ​സ​ണി​ലെ റെ​ക്കോ​ഡ്​ തി​രു​ത്തി​ക്കു​റി​ക്കാ​നാ​കു​മെ​ന്ന പ്ര​തീ​ക്ഷ​യി​ലാ​ണ്​ പു​തി​യ സീ​സ​ൺ തു​ട​ങ്ങു​ന്ന​ത്. ക​ഴി​ഞ്ഞ സീ​സ​ണു​ക​ളി​ൽ സ​ർ​വീ​സ്​ ന​ട​ത്തി​യ ബ​സു​ക​ൾ ഇ​ത്ത​വ​ണ​യും നി​ര​ത്തി​ലി​റ​ങ്ങും.

റാ​ശി​ദി​യ ബ​സ് സ്റ്റേ​ഷ​നി​ൽ നി​ന്ന് ഒ​രു മ​ണി​ക്കൂ​ർ ഇ​ട​വേ​ള​ക​ളി​ൽ(​റൂ​ട്ട് 102), യൂ​നി​യ​ൻ ബ​സ് സ്റ്റേ​ഷ​നി​ൽ നി​ന്ന് ഓ​രോ 40 മി​നി​റ്റി​ലും(​റൂ​ട്ട്​ 103), അ​ൽ ഗു​ബൈ​ബ ബ​സ് സ്റ്റേ​ഷ​നി​ൽ നി​ന്ന് ഓ​രോ മ​ണി​ക്കൂ​റി​ലും(​റൂ​ട്ട് 104), മാ​ൾ ഓ​ഫ് എ​മി​റേ​റ്റ്സ് ബ​സ് സ്റ്റേ​ഷ​നി​ൽ നി​ന്ന് ഓ​രോ മ​ണി​ക്കൂ​റി​ലും(​റൂ​ട്ട് 104) എ​ന്നി​ങ്ങ​നെ​യാ​ണ്​ സ​ർ​വീ​സു​ക​ളു​ണ്ടാ​വു​ക. ഡീ​ല​ക്സ്​ കോ​ച്ച്​ ബ​സു​ക​ളും സാ​ധാ​ര​ണ ബ​സു​ക​ളും ഈ ​സീ​സ​ണി​ൽ സ​ർ​വീ​സി​നാ​യി ഉ​പ​യോ​ഗ​പ്പെ​ടു​ത്തും. വി​ല​ക്കി​ഴി​വി​ന്‍റെ​യും ആ​ഘോ​ഷ​ങ്ങ​ളു​ടെ​യും ഉ​ത്സ​വ​മാ​യ ദു​ബൈ ഷോ​പ്പി​ങ്​ ഫെ​സ്റ്റി​വ​ൽ ഡി​സം​ബ​ർ 15മു​ത​ൽ ജ​നു​വ​രി 29വ​രെ 46ദി​വ​സ​മാ​ണ് ന​ട​ക്കു​ന്ന​ത്.

വി​നോ​ദ പ​രി​പാ​ടി​ക​ൾ, സം​ഗീ​ത​ക​ച്ചേ​രി​ക​ൾ, ഫാ​ഷ​ൻ എ​ക്‌​സ്‌​ക്ലൂ​സീ​വ്, ഷോ​പ്പി​ങ്​ ഡീ​ലു​ക​ൾ, ഹോ​ട്ട​ൽ ഓ​ഫ​റു​ക​ൾ, ന​റു​ക്കെ​ടു​പ്പു​ക​ൾ എ​ന്നി​വ ഉ​ൾ​പ്പെ​ടെ നി​ര​വ​ധി ആ​ക​ഷ​ണീ​യ​ത​ക​ൾ ഇ​ത്ത​വ​ണ​യു​മു​ണ്ടാ​കും. ദു​ബൈ ഫെ​സ്റ്റി​വ​ൽ​സ്​ ആ​ൻ​ഡ്​ റീ​ട്ടെ​യി​ൽ എ​സ്റ്റാ​ബ്ലി​ഷ്‌​മെ​ന്‍റ്(​ഡി.​എ​ഫ്.​ആ​ർ.​ഇ) ഒ​രു​ക്കു​ന്ന ഫെ​സ്റ്റി​വ​ലി​ൽ ഇ​ത്ത​വ​ണ സ​വി​ശേ​ഷ​മാ​യി ഡ്രോ​ൺ​സ്​ ലൈ​റ്റ്​ ഷോ ​അ​ര​ങ്ങേ​റു​മെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കി​യി​ട്ടു​ണ്ട്. ലോ​ക​ത്തി​െ​ൻ​റ വി​വി​ധ ഭാ​ഗ​ങ്ങ​ളി​ലു​ള്ള വി​നോ​ദ​സ​ഞ്ചാ​രി​ക​ളെ ല​ക്ഷ്യ​മി​ട്ടാ​യി​രി​ക്കും പ​രി​പാ​ടി​ക​ൾ ആ​സൂ​ത്ര​ണം ചെ​യ്യു​ന്ന​ത്​. ഭാ​ഗ്യ​ശാ​ലി​ക​ൾ​ക്ക്​ കൈ​നി​റ​യെ സ​മ്മാ​നം നേ​ടാ​നു​ള്ള അ​വ​സ​രം കൂ​ടി​യാ​കു​മി​ത്​​. സം​രം​ഭ​ക​ർ​ക്കും സ്​​ഥാ​പ​ന​ങ്ങ​ൾ​ക്കും കൂ​ടു​ത​ൽ ഉ​ണ​ർ​വ്​ ന​ൽ​കു​ന്ന​താ​യി​രി​ക്കും ​ഫെ​സ്​​റ്റി​വ​ൽ.

ദു​ബൈ എ​ക്സ്​​പോ സി​റ്റി ക​ഴി​ഞ്ഞ ദി​വ​സം തു​റ​ന്നി​രു​ന്നു. എ​ക്സ്​​പോ മ​ഹാ​മേ​ള ന​ട​ന്ന​പ്പോ​ഴു​ണ്ടാ​യി​രു​ന്ന സു​പ്ര​ധാ​ന പ​വ​ലി​യ​നു​ക​ൾ നി​ല​നി​ർ​ത്തി​യാ​ണ്​ സി​റ്റി തു​റ​ന്നി​രി​ക്കു​ന്ന​ത്. ഇ​വി​ടേ​ക്ക്​ വി​നോ​ദ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന നി​ര​വ​ധി പ​രി​പാ​ടി​ക​ൾ വ​രും ദി​വ​സ​ങ്ങ​ളി​ൽ ന​ട​ക്കും. ദു​ബൈ ഫി​റ്റ്​​ന​സ്​ ച​ല​ഞ്ചും ഈ ​മാ​സം അ​വ​സാ​ന​മാ​ണ്​ തു​ട​ങ്ങു​ന്ന​ത്. ദു​ബൈ നി​വാ​സി​ക​ളു​ടെ ആ​രോ​ഗ്യ സം​ര​ക്ഷ​ണ​ത്തി​ൽ മു​ഖ്യ​പ​ങ്കു​വ​ഹി​ക്കു​ന്ന ഫി​റ്റ്​​ന​സ്​ ച​ല​ഞ്ചി​ന്‍റെ ഭാ​ഗ​മാ​യി ദു​ബൈ റ​ൺ, ദു​ബൈ റൈ​ഡ്​ തു​ട​ങ്ങി​യ​വ ന​ട​ക്കും. ദു​ബൈ​യി​ലെ കാ​യി​ക പ്രേ​മി​ക​ൾ ഒ​ന്ന​ട​ങ്കം ന​ഗ​രം കീ​ഴ​ട​ക്കു​ന്ന ദി​വ​സ​ങ്ങ​ളാ​യി​രി​ക്കും ഇ​ത്.

ഖ​ത്ത​ർ ലോ​ക​ക​പ്പി​ന്‍റെ ഭാ​ഗ​മാ​യി ഫി​ഫ​യു​ടെ ഔ​ദ്യോ​ഗി​ക ഫാ​ൻ ഫെ​സ്റ്റ്​ ന​ട​ക്കു​ന്ന ആ​റ്​ ന​ഗ​ര​ങ്ങ​ളി​ൽ ഒ​ന്ന്​ ദു​ബൈ​യാ​ണ്. ദു​ബൈ ഹാ​ർ​ബ​റി​ലാ​യി​രി​ക്കും ഫാ​ൻ ഫെ​സ്റ്റ് അ​ര​ങ്ങേ​റു​ക. പ​തി​നാ​യി​ര​ക്ക​ണ​ക്കി​നാ​ളു​ക​ൾ​ക്ക് ഒ​രേ സ​മ​യം ക​ളി​കാ​ണാ​ൻ ക​ഴി​യു​ന്ന രീ​തി​യി​ലാ​യി​രി​ക്കും ഫാ​ൻ ഫെ​സ്റ്റ് സ​ജ്ജീ​ക​രി​ക്കു​ക. ദോ​ഹ അ​ൽ​ബി​ദ്ദ പാ​ർ​ക്കി​ൽ 40,000 പേ​ർ​ക്ക് ഒ​രേ​സ​മ​യം ക​ളി​കാ​ണാ​നു​ള്ള സൗ​ക​ര്യ​മാ​യ ഫി​ഫ ഫാ​ൻ ഫെ​സ്റ്റി​വ​ൽ മാ​തൃ​ക​യി​ൽ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലാ​യി അ​ഞ്ചു രാ​ജ്യ​ങ്ങ​ളി​ലെ ആ​റു ന​ഗ​ര​ങ്ങ​ളി​ലാ​ണ് ഫാ​ൻ ഫെ​സ്റ്റി​വ​ൽ സ​ജ്ജീ​ക​രി​ക്കു​ന്ന​ത്.

ദു​ബൈ ഹാ​ർ​ബ​റി​ന് പു​റ​മെ ല​ണ്ട​നി​ലെ ഔ​ട്ട​ർ​നെ​റ്റ്, മെ​ക്സി​കോ സി​റ്റി​യി​ലെ പ്ലാ​സ ഡി ​ലാ റി​പ്പ​ബ്ലി​ക, റി​യോ ഡെ ​ജ​നീ​റോ​യി​ലെ കോ​പ ക​ബാ​ന ബീ​ച്ച്, സാ​വോ​പോ​ളോ​യി​ലെ വാ​ലി ഡൊ ​അ​നം​ഗ​ബോ, ദ​ക്ഷി​ണ കൊ​റി​യ​ൻ ത​ല​സ്ഥാ​ന​മാ​യ സോ​ൾ എ​ന്നി​വ​യാ​ണ് ഫി​ഫ തി​ര​ഞ്ഞെ​ടു​ത്ത വേ​ദി​ക​ൾ. ന​വം​ബ​ർ 20 മു​ത​ൽ 28 വ​രെ ഉ​ച്ച​ക്ക് 12 മു​ത​ൽ പു​ല​ർ​ച്ച മൂ​ന്ന് വ​രെ​യാ​യി​രി​ക്കും ഫാ​ൻ ഫെ​സ്റ്റി​വ​ൽ മേ​ഖ​ല തു​റ​ക്ക​കു. ന​വം​ബ​ർ 29 മു​ത​ൽ ഡി​സം​ബ​ർ 18 വ​രെ ഉ​ച്ച​ക്ക് മൂ​ന്ന് മു​ത​ൽ പു​ല​ർ​ച്ച മൂ​ന്ന് വ​രെ​യും പ്ര​വ​ർ​ത്തി​ക്കും.

ടി​ക്ക​റ്റ് ന​ൽ​കി​യാ​യി​രി​ക്കും പ്ര​വേ​ശ​നം. അ​ർ​ജ​ന്‍റീ​ന​ൻ ഫു​ട്ബാ​ൾ ടീം ​യു.​എ.​ഇ​യി​ലേ​ക്ക് ക​ളി​ക്കാ​നെ​ത്തു​ന്നു എ​ന്ന​താ​ണ്​ മ​റ്റൊ​രു സ​ന്തോ​ഷ​വാ​ർ​ത്ത. ന​വം​ബ​ർ 16ന് ​അ​ബൂ​ദ​ബി​യി​ൽ യു.​എ.​ഇ ദേ​ശീ​യ ടീ​മു​മാ​യാ​ണ് അ​ർ​ജ​ന്‍റീ​ന​യു​ടെ സൗ​ഹൃ​ദ മ​ത്സ​രം. ലോ​ക​ക​പ്പി​ന് തൊ​ട്ടു​മു​ൻ​പ് ന​ട​ക്കു​ന്ന മ​ത്സ​ര​മാ​യ​തി​നാ​ൽ മെ​സ്സി ഉ​ൾ​പെ​ടെ​യു​ള്ള മു​ൻ​നി​ര താ​ര​ങ്ങ​ൾ ക​ള​ത്തി​ലി​റ​ങ്ങു​മെ​ന്നാ​ണ് പ്ര​തീ​ക്ഷ. ന​വം​ബ​ർ 13ന്​ ​മെ​സ്സി ഉ​ൾ​പെ​ടെ​യു​ള്ള അ​ർ​ജ​ന്‍റീ​ന ടീം ​അ​ബൂ​ദ​ബി​യി​ൽ പ​രി​ശീ​ല​ന​ത്തി​നി​റ​ങ്ങു​ന്നു​ണ്ട്. ടി​ക്ക​റ്റെ​ടു​ത്ത്​ പ​രി​ശീ​ല​നം കാ​ണാ​നും കാ​ണി​ക​ൾ​ക്ക്​ അ​വ​സ​ര​മു​ണ്ട്.