സീറോ മലബാർ സൊസൈറ്റി സമ്മർ ക്യാമ്പ് തുടങ്ങി

മനാമ: സീറോ മലബാർ സൊസൈറ്റിയുടെ ഒരു മാസത്തിലേറെ നീളുന്ന 'കളിമുറ്റം 21' സമ്മർ ക്യാമ്പ് ഉദ്ഘാടനം നടൻ കലാഭവൻ ജോഷിയും ആൻഡ്രൂസ് ജോജിയും ചേർന്ന് ഉദ്ഘാടനം ചെയ്​തു.

പരീക്ഷക്ക്​ ആവശ്യമില്ലാത്തതും ജീവിതത്തിൽ അത്യാവശ്യമുള്ളതുമായ ചില നല്ല പാഠങ്ങളാണ് കളിമുറ്റം സമ്മർ ക്യാമ്പ് കൊണ്ട് ഉദ്ദേശിക്കുന്നതെന്ന്​ കലാഭവൻ ജോഷി പറഞ്ഞു. സുന്ദരമായ അവതരണവും വേറിട്ടൊരു ശിൽപശാലയുമാകും സമ്മർ ക്യാമ്പ് എന്ന് സൊസൈറ്റി പ്രസിഡൻറ്​ ചാൾസ് ആലുക്ക അധ്യക്ഷ പ്രസംഗത്തിൽ പറഞ്ഞു.

ചടങ്ങിൽ ഭാരവാഹികളായ സജു സ്​റ്റീഫൻ, പോളി വിതയത്തിൽ, ജോജി വർക്കി എന്നിവർ സംസാരിച്ചു. കൺവീനർ ലിവിൻ ജിബി സ്വാഗതവും അഥിത്ത് അലക്​സ്​ നന്ദിയും പറഞ്ഞു.