യൂത്ത് ഇന്ത്യ ഇൻറർ സര്‍ക്കിള്‍ ഫുട്​ബാൾ: മനാമ ബ്ലൂ ജേതാക്കള്‍

മനാമ: യൂത്ത് ഇന്ത്യ ബഹ്‌റൈന്‍ സംഘടിപ്പിച്ച ഇൻറർ സര്‍ക്കിള്‍ ഫുട്ബാള്‍ ടൂര്‍ണമ​െൻറില്‍ മനാമ ബ്ലൂ ടീം ജേതാക്കളായി. ആവേശകരമായ സെമി ഫൈനല്‍ മത്സരത്തില്‍ വൈ.ഐ. മുഹറഖിനെ പരാജയപ്പെടുത്തി റിഫ പേള്‍സും വൈ.ഐ.മനാമ എ ടീമിനെ  പരാജയപ്പെടുത്തി മനാമ ബ്ലൂസും ഫൈനല്‍ യോഗ്യത നേടി. ഫൈനലില്‍ ഒന്നിനെതിരെ മൂന്ന് ഗോളുകള്‍ നേടിയാണ്‌ മനാമ ബ്ലൂ ജേതാക്കളായത്. ഇസാ ടൗണ്‍ ഗ്രൗണ്ടില്‍  ലീഗ് അടിസ്ഥാനത്തില്‍ നടന്ന ടൂര്‍ണമ​െൻറി​െൻറ ഉദ്ഘാടനം യൂത്ത് ഇന്ത്യ പ്രസിഡൻറ് ടി.കെ.ഫാജിസ്  നിര്‍വഹിച്ചു. ഫിറോസ് ഖാന്‍, സുഫൈല്‍ മാടായി എന്നിവര്‍ മത്സരങ്ങള്‍ നിയന്ത്രിച്ചു. ഫ്രൻറ്സ് പ്രതിനിധികളായ ഗഫൂര്‍ മുകുതല, പി.എസ്.എം.ഷരീഫ് എന്നിവര്‍ വിജയിക്കള്‍ക്കുള്ള ട്രോഫികള്‍ വിതരണം ചെയ്തു. യൂത്ത് ഇന്ത്യ ജനറല്‍ സെക്രട്ടറി വി.കെ അനീസ്‌, സ്പോര്‍ട്സ് സെക്രട്ടറി ഷഫീഖ് കൊപ്പത്ത്, വി.എൻ.മുര്‍ഷാദ്, സിറാജ് കിഴ്പുള്ളിക്കര, യൂനുസ് രാജ്, അബ്ദുല്‍ അഹദ് എന്നിവര്‍ നേതൃത്വം നല്‍കി.