യൂ​ത്ത് സി​റ്റി 2030 14ാം പ​തി​പ്പ്; എ​ക്സി​ബി​ഷ​ൻ വേ​ൾ​ഡ് ബ​ഹ്‌​റൈ​നി​ൽ ഇ​ന്ന് തു​ട​ക്കം

മ​നാ​മ: യു​വ​ജ​ന​ങ്ങ​ളെ ശാ​ക്തീ​ക​രി​ക്കു​ന്ന​തി​ന്‍റെ ഭാ​ഗ​മാ​യി യു​വ​ജ​ന​കാ​ര്യ മ​ന്ത്രാ​ല​യം ലേ​ബ​ർ ഫ​ണ്ടി​ന്‍റെ (തം​കീ​ൻ) പ​ങ്കാ​ളി​ത്ത​ത്തോ​ടെ സം​ഘ​ടി​പ്പി​ക്കു​ന്ന യൂ​ത്ത് സി​റ്റി 2030ന്‍റെ 14ാം പ​തി​പ്പ് എ​ക്സി​ബി​ഷ​ൻ വേ​ൾ​ഡ് ബ​ഹ്‌​റൈ​നി​ൽ ഞാ​യ​റാ​ഴ്ച തു​ട​ങ്ങും.ദേ​ശീ​യ വി​ക​സ​ന​ത്തി​ലും രാ​ജ്യ​ത്തി​ന്‍റെ ഭാ​വി രൂ​പ​പ്പെ​ടു​ത്തു​ന്ന​തി​ലും യു​വ​ജ​ന​ങ്ങ​ളു​ടെ പ്രാ​ധാ​ന്യം തി​രി​ച്ച​റി​ഞ്ഞ് പി​ന്തു​ണ​ക്കാ​നും ശാ​ക്തീ​ക​രി​ക്കാ​നു​മു​ള്ള ബ​ഹ്‌​റൈ​ന്‍റെ പ്ര​തി​ബ​ദ്ധ​ത​യാ​ണ് യൂ​ത്ത് സി​റ്റി 2030 പ്ര​തി​ഫ​ലി​പ്പി​ക്കു​ന്ന​തെ​ന്ന് യു​വ​ജ​ന​കാ​ര്യ​മ​ന്ത്രി റ​വാ​ൻ തൗ​ഫീ​ഖി പ​റ​ഞ്ഞു.രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ​യു​ടെ കാ​ഴ്ച​പ്പാ​ടി​നും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ നി​ർ​ദേ​ശ​ങ്ങ​ൾ​ക്കും അ​നു​സൃ​ത​മാ​യാ​ണ് ഈ ​സം​രം​ഭ​മെ​ന്നും മ​ന്ത്രി പ​റ​ഞ്ഞു.

യു​വ​ജ​ന ശാ​ക്തീ​ക​ര​ണ​ത്തി​ലും വി​വി​ധ മേ​ഖ​ല​ക​ളി​ലെ അ​വ​രു​ടെ സം​ഭാ​വ​ന​ക​ളെ ശ​ക്തി​പ്പെ​ടു​ത്തു​ന്ന​തി​നു​മാ​യു​ള്ള നൂ​ത​ന സം​രം​ഭ​ങ്ങ​ൾ ഒ​രു​ക്കു​ന്ന​തി​ലു​ള്ള ഹ​മ​ദ് രാ​ജാ​വി​ന്റെ പ്ര​തി​നി​ധി ശൈ​ഖ് നാ​സ​ർ ബി​ൻ ഹ​മ​ദ് ആ​ൽ ഖ​ലീ​ഫ​യു​ടെ ശ്ര​മ​ങ്ങ​ളെ മ​ന്ത്രി പ്ര​ശം​സി​ച്ചു. ഈ ​വ​ർ​ഷ​ത്തെ പ​തി​പ്പ് യു​വ​ജ​ന​ങ്ങ​ളു​ടെ ക​ഴി​വു​ക​ൾ വി​ക​സി​പ്പി​ച്ച് തൊ​ഴി​ൽ​വി​പ​ണി​ക്ക് ആ​വ​ശ്യ​മാ​യ ഗു​ണ​നി​ല​വാ​ര​മു​ള്ള പ​രി​ശീ​ല​ന അ​വ​സ​ര​ങ്ങ​ൾ ന​ൽ​ക​ലാ​ണ് ല​ക്ഷ്യ​മി​ടു​ന്ന​ത്. ഇ​ത് അ​വ​ർ​ക്ക് ആ​ത്മ​വി​ശ്വാ​സ​ത്തോ​ടെ ഭാ​വി രൂ​പ​പ്പെ​ടു​ത്താ​നു​ള്ള സാ​ഹ​ച​ര്യ​മൊ​രു​ക്കു​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ശാ​സ്ത്ര​സാ​ങ്കേ​തി​ക​വി​ദ്യ, ക​ല​യും സം​സ്കാ​ര​വും, നേ​തൃ​ത്വ​വും സം​രം​ഭ​ക​ത്വ​വും, മാ​ധ്യ​മ​ങ്ങ​ളും വി​നോ​ദ​വും, കാ​യി​ക​വും ആ​രോ​ഗ്യ​വും തു​ട​ങ്ങി അ​ഞ്ച് പ്ര​ധാ​ന കേ​ന്ദ്ര​ങ്ങ​ളി​ലാ​യി 195 പ്ര​ത്യേ​ക പ​രി​ശീ​ല​ന​പ​രി​പാ​ടി​ക​ൾ ഇ​തി​ന്റെ ഭാ​ഗ​മാ​യി ന​ട​ക്കും. 70 ശ​ത​മാ​ന​ത്തി​ല​ധി​കം പ​രി​ശീ​ല​ന​ങ്ങ​ളി​ലും ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ് സാ​ങ്കേ​തി​ക​വി​ദ്യ​ക​ളു​ടെ സാ​ന്നി​ധ്യ​വു​മു​ണ്ടാ​കും.