ഇ​നി റ​സ്​​റ്റാ​റ​ൻ​റു​ക​ളി​ൽ അ​ക​ത്തി​രു​ന്ന് ക​ഴി​ക്കാം

മനാമ: ബഹ്​റൈനിൽ ഒക്​ടോബർ 24 മുതൽ റസ്​റ്റാറൻറുകളിലും കഫേകളിലും അകത്തിരുന്ന്​ ഭക്ഷണം കഴിക്കാം. കോവിഡ്​ ​പ്രതിരോധത്തിനുള്ള നാഷനൽ മെഡിക്കൽ ടീമി​െൻറ ശിപാർശ പ്രകാരവും നിലവിലെ സാഹചര്യം വിലയിരുത്തിയുമാണ്​ ഇൗ തീരുമാനമെന്ന്​ ആരോഗ്യ മന്ത്രാലയത്തിലെ അണ്ടർ സെക്രട്ടറിയും കോവിഡ്​ പ്രതിരോധത്തിനുള്ള നാഷനൽ മെഡിക്കൽ ടീം അംഗവുമായ ഡോ. വലീദ്​ അൽ മാനിഅ്​ വാർത്തസമ്മേളനത്തിൽ പറഞ്ഞു. ഒരുനേരം 30ലധികം ആളുകൾ റസ്​റ്റാറൻറുകൾക്കുള്ളിൽ പാടില്ല.

റസ്​റ്റാറൻറുകളിലും കഫേകളിലും പുറത്തിരുന്ന്​ ഭക്ഷണം കഴിക്കുന്നത്​ സെപ്​റ്റംബർ മൂന്നിന്​ ആരംഭിച്ചിരുന്നു. സെപ്​റ്റംബർ 24 മുതൽ അകത്തിരുന്ന്​ ഭക്ഷണം കഴിക്കുന്നത്​ അനുവദിക്കാനാണ്​ നേരത്തെ തീരുമാനിച്ചത്​. എന്നാൽ, കോവിഡ്​ രോഗികളുടെ എണ്ണം ഉയർന്നതിനാൽ ഇൗ തീരുമാനം മാറ്റുകയായിരുന്നു.സ്​കൂളിൽ വന്ന്​ പഠനം നടത്താൻ താൽപര്യപ്പെട്ട വിദ്യാർഥികൾക്കായി ഒക്​ടോബർ 25 മുതൽ സർക്കാർ സ്​കൂളുകളിലും സ്വകാര്യ കിൻറർ ഗാർട്ടനുകളിലും ക്ലാസുകൾ ആരംഭിക്കുമെന്നും അദ്ദേഹം പറഞ്ഞു. ഇതി​െൻറ ഭാഗമായി സ്​കൂളുകളിൽ സ്വീകരിക്കേണ്ട ആരോഗ്യ മുൻകരുതൽ നടപടികൾ സംബന്ധിച്ച്​ നിർദേശം നൽകിയിട്ടുണ്ട്​. മുൻകരുതൽ നിർദേശങ്ങൾ നടപ്പാക്കുന്നതിനായി ഒാരോ സ്​കൂളിലും ഹെൽത്ത്​ ടീമും രൂപവത്​കരിച്ചിട്ടുണ്ട്​.

രോഗികൾ കുറയാൻ കാരണം ജനങ്ങളുടെ ജാഗ്രത

ആരോഗ്യ മുൻകരുതൽ നടപടികളോട്​ സ്വദേശികളും പ്രവാസികളും കാണിച്ച പ്രതിബദ്ധതയാണ്​ രാജ്യത്ത്​ കോവിഡ്​ വ്യാപനം കുറയാൻ കാരണമായതെന്ന്​ ഡോ. വലീദ്​ അൽ മാനിഅ്​ പറഞ്ഞു. സെപ്​റ്റംബർ 17ന്​ രോഗികളുടെ എണ്ണം 6885 ആയി ഉയർന്നിരുന്നു. രാജ്യത്ത്​ കോവിഡ്​ മഹാമാരി തുടങ്ങിയതിനുശേഷമുള്ള ഉയർന്ന നിരക്കാണ്​ ഇത്​. എന്നാൽ, കൃത്യമായ ജാഗ്രത പാലിച്ചതിലൂടെ തുടർന്നുള്ള ദിവസങ്ങളിൽ രോഗികളുടെ എണ്ണം കുറക്കാൻ കഴിഞ്ഞു. ഒക്​ടോബർ 14ന്​ രോഗികളുടെ എണ്ണം 3773 ആയി കുറഞ്ഞു. ഒരു മാസത്തിനിടെ 45 ശതമാനം കുറവാണുണ്ടായത്​. സ്വദേശികളും പ്രവാസികളും കാണിച്ച അവബോധവും പ്രതിബദ്ധതയുമാണ്​ ഇതിന്​ കാരണം. രോഗികളുടെ എണ്ണം കുറഞ്ഞതുകൊണ്ടുമാത്രം ലക്ഷ്യം പൂർത്തിയായെന്ന്​ പറയാൻ കഴിയില്ല. രോഗവ്യാപനം കുറക്കാനുള്ള ശ്രമങ്ങളുടെ തുടക്കമാണ്​ ഇത്​.

രോഗവ്യാപനം തടയാൻ ഒരു മാസം കൊണ്ട്​ കൈവരിച്ചതിൽ കൂടുതൽ നേടാനാകണം. നാഷനൽ മെഡിക്കൽ ടീമും ബന്ധപ്പെട്ട അധികാരികളും നൽകുന്ന നിർദേശങ്ങളും മുൻകരുതൽ നടപടികളും കൃത്യമായി പാലിക്കാൻ തുടർന്നും എല്ലാവരും തയാറാകണം. വീടിന്​ പുറത്തിറങ്ങു​േമ്പാൾ നിർബന്ധമായും മാസ്​ക്​ ധരിക്കണം. ജോലി കഴിഞ്ഞ്​ വീട്ടിൽ തിരിച്ചെത്തു​േമ്പാൾ മറ്റ്​ കുടുംബാംഗങ്ങളുമായി ഇടപഴകുന്നത്​ പരിമിതപ്പെടുത്തണം. അത്യാവശ്യ കാര്യങ്ങൾക്കല്ലാതെ പുറത്തുപോകുന്നത്​ ഒഴിവാക്കണം.നാഷനൽ മെഡിക്കൽ ടീം അംഗങ്ങളായ ലഫ്​. കേണൽ മനാഫ്​ അൽ ഖത്താനി, ഡോ. ജമീല അൽ സൽമാൻ എന്നിവരും വാർത്തസമ്മേളനത്തിൽ പ​െങ്കടുത്തു.

7,916 റാ​പ്പി​ഡ്​ പ​രി​ശോ​ധ​ന​ക​ൾ

കോവിഡ്​ പരിശോധന ഫലം വേഗത്തിൽ ലഭ്യമാക്കുന്നതിന്​ റാപ്പിഡ്​ പരിശോധന ആരംഭിച്ചതായും വലീദ്​ അൽ മാനിഅ്​ പറഞ്ഞു. ആഗോള മാനദണ്ഡ പ്രകാരമാണ്​ റാപ്പിഡ്​ ടെസ്​റ്റ്​ നടത്തുന്നത്​. നിലവിലെ പി.സി.ആർ പരിശോധന ഫലത്തിന്​ തുല്യമാണ്​ റാപ്പിഡ്​ ടെസ്​റ്റ്​ ഫലവും. മൂക്കിൽനിന്നെടുക്കുന്ന സ്രവമുപയോഗിച്ചാണ്​ പരിശോധന നടത്തുന്നത്​. 15 മിനിറ്റിനകം ഫലം ലഭിക്കും. ഫലം പോസിറ്റിവ്​ ആണെങ്കിൽ പി.സി.ആർ ടെസ്​റ്റും നടത്തണം. ഇതുവരെ 7,916 റാപ്പിഡ്​ പരിശോധനകളാണ്​ രാജ്യത്ത്​ നടത്തിയത്​. 20000 റാപ്പിഡ്​ ടെസ്​റ്റുകളാണ്​ നടത്തുന്നതെന്നും അദ്ദേഹം പറഞ്ഞു.

.