യമന്‍ ചർച്ച: കപ്പലുകളെ തടയില്ലെന്ന് ഹൂതികളും സര്‍ക്കാറും സമ്മതിച്ചു

ജിദ്ദ: അവശ്യ വസ്തുക്കളുമായി യമന്‍ തീരത്തെത്തുന്ന കപ്പലുകളെ തടയില്ലെന്ന് ഹൂതികളും സര്‍ക്കാറും സമ്മതിച്ചു.
സ്വീഡനില്‍ നടക്കുന്ന സമാധാന യോഗത്തിലാണ് തീരുമാനം. അതേസമയം സന്‍ആ വിമാനത്താവളം തുറക്കുന്ന കാര്യത്തില്‍ അന്തി മ ധാരണയില്‍ എത്തിയില്ലെന്ന്​ വാർത്താഏജൻസി റിപ്പോർട്ട്​ ചെയ്​തു.

ഹൂതി നിയന്ത്രണത്തിലാണ് സന്‍ആ വിമാനത്ത ാവളം. ഇവിടേക്കെത്തുന്ന എല്ലാ വിമാനങ്ങളും സര്‍ക്കാര്‍ നിയന്ത്രണത്തിലുള്ള ഏദന്‍ വിമാനത്താവളത്തില്‍ പരിശോധിക്കണമെന്ന ആവശ്യം ഹൂതികള്‍ തള്ളിയിരുന്നു. വിമാനത്താവളത്തി​​​െൻറ നിയന്ത്രണക്കാര്യത്തില്‍ ചര്‍ച്ച പുരോഗമിക്കുകയാണ്. രാജ്യത്തെ 70 ശതമാനം ജനത ആശ്രയിക്കുന്ന യമനിലെ വലിയ വിമാനത്താവളമാണ് സന്‍ആ. അത് തുറക്കാന്‍ ഒരു ഉപാധിയും വെച്ചുകൂട എന്ന്​ സിവിൽ ഏവിയേഷൻ വക്​താവ് മാസിന്‍ ഗന്‍ആം ​പറഞ്ഞു.

തര്‍ക്കം തുടരുന്നുവെങ്കിലും പ്രശ്നം പരിഹരിക്കുമെന്നാണ് പ്രതീക്ഷ. അവശ്യ വസ്തുക്കളുമായി യമന്‍ തീരത്തെത്തുന്ന കപ്പലുകള്‍ തടയേണ്ടതില്ലെന്ന് സര്‍ക്കാറും ഹൂതികളും തീരുമാനിച്ചു. യമന്‍ രാഷ്​ട്രീയ പരിഹാരത്തിന് വഴിയൊരക്കുന്ന ചര്‍ച്ചകള്‍ക്ക് ജി.സി.സി ഉച്ചകോടിയും പിന്തുണ പ്രഖ്യാപിച്ചിരുന്നു. ഇതിനിടെ, സന്‍ആ വിമാനത്താവളത്തിനും ഹുദൈദക്കും തുടരുന്ന ഉപരോധം അവസാനിപ്പിക്കണമെന്നാവശ്യപ്പെട്ട്​ ഹൂതി നേതൃത്വത്തില്‍ യമനില്‍ പ്രതിഷേധമുണ്ടായതായി റിപ്പോർട്ടുണ്ട്​.