ലോ​ക ഹാ​ൻ​ഡ് ബാ​ൾ ചാ​മ്പ്യ​ൻ​ഷി​പ് ഇ​ന്നു​മു​ത​ൽ​; ക​രു​ത്ത് കാ​ട്ടാ​ൻ ബ​ഹ്റൈ​നും

മ​നാ​മ: ചൊ​വ്വാ​ഴ്ച തു​ട​ങ്ങു​ന്ന പു​രു​ഷ​ന്മാ​രു​ടെ ലോ​ക ഹാ​ൻ​ഡ് ബാ​ൾ ചാ​മ്പ്യ​ൻ​ഷി​പ്പി​ൽ ക​രു​ത്തു​കാ​ട്ടാ​ൻ ബ​ഹ്റൈ​നും. ജ​നു​വ​രി 14 മു​ത​ൽ ഫെ​ബ്രു​വ​രി 2 വ​രെ ഡെ​ൻ​മാ​ർ​ക്ക്, ക്രൊ​യേ​ഷ്യ, നോ​ർ​വേ എ​ന്നി​വി​ട​ങ്ങ​ളി​ലാ​യാ​ണ് ചാ​മ്പ്യ​ൻ​ഷി​പ്. ബ​ഹ്റൈ​ന് പു​റ​മെ കു​വൈ​ത്ത്, ഖ​ത്ത​ർ, ഈ​ജി​പ്ത്, തു​നീ​ഷ്യ, അ​ൾ​ജീ​രി​യ എ​ന്നീ അ​റ​ബ് രാ​ജ്യ​ങ്ങ​ളും ടൂ​ർ​ണ​മെ​ന്റി​ൽ മാ​റ്റു​ര​ക്കു​ന്നു. ആ​കെ 32 ടീ​മു​ക​ളാ​ണ് മ​ത്സ​രി​ക്കു​ന്ന​ത്.

ഗ്രൂ​പ് എ​ച്ചി​ൽ ഈ​ജി​പ്ത്, ക്രൊ​യേ​ഷ്യ, അ​ർ​ജ​ന്റീ​ന എ​ന്നി​വ​ർ​ക്കൊ​പ്പ​മാ​ണ് ബ​ഹ്റൈ​ൻ. 2011ൽ ​സ്വീ​ഡ​നി​ൽ ന​ട​ന്ന ലോ​ക ഹാ​ൻ​ഡ് ബാ​ൾ ചാ​മ്പ്യ​ൻ​ഷി​പ്പി​ലാ​ണ് ബ​ഹ്‌​റൈ​ൻ അ​ര​ങ്ങേ​റ്റം കു​റി​ച്ച​ത്. ടീ​മി​ന്റെ ആ​റാ​മ​ത്തെ ലോ​ക ചാ​മ്പ്യ​ൻ​ഷി​പ്പാ​ണി​ത്. മു​ൻ ഐ​സ്‌​ല​ൻ​ഡ് ദേ​ശീ​യ ടീം ​കോ​ച്ച് ആ​രോ​ൺ ക്രി​സ്റ്റ്‌​ജാ​ൻ​സ​ണാ​ണ് പ​രി​ശീ​ല​ക​ൻ.

തു​ട​ർ​ച്ച​യാ​യ നാ​ലാം ലോ​ക കി​രീ​ട​ത്തി​നാ​യി ഡെ​ൻ​മാ​ർ​ക്ക് ഇ​റ​ങ്ങു​ക​യാ​ണ്. 2024ലെ ​പാ​രി​സി​ൽ ഒ​ളി​മ്പി​ക്‌​സി​ലും ഡെ​ന്മാ​ർ​ക്കാ​ണ് വി​ജ​യി​ച്ച​ത്. ഒ​ളി​മ്പി​ക്‌​സ് വെ​ള്ളി മെ​ഡ​ൽ ജേ​താ​ക്ക​ളാ​യ ജ​ർ​മ​നി, 2023 ലോ​ക ഹാ​ൻ​ഡ് ബാ​ൾ ചാ​മ്പ്യ​ൻ​ഷി​പ്പി​ൽ ര​ണ്ടാം സ്ഥാ​ന​ക്കാ​രാ​യ ഫ്രാ​ൻ​സ്, വെ​ങ്ക​ല മെ​ഡ​ൽ ജേ​താ​ക്ക​ളാ​യ സ്‌​പെ​യി​ൻ എ​ന്നി​വ​യാ​ണ് പ്ര​ബ​ല ടീ​മു​ക​ൾ. യൂ​റോ​പ്പി​ന് പു​റ​ത്തു​നി​ന്ന് 2015ൽ ​ഫൈ​ന​ലി​ലെ​ത്തി​യ ഏ​ക ടീം ​ഖ​ത്ത​റാ​ണ്.

ഗ്രൂ​പ് എ​യി​ൽ ജ​ർ​മ​നി, ചെ​ക് റി​പ്പ​ബ്ലി​ക്, പോ​ള​ണ്ട്, സ്വി​റ്റ്സ​ർ​ല​ൻ​ഡ് എ​ന്നി​വ​യും ഗ്രൂ​പ് ബി​യി​ൽ ഡെ​ന്മാ​ർ​ക്, ഇ​റ്റ​ലി, അ​ൾ​ജീ​രി​യ, തു​നീ​ഷ്യ എ​ന്നി​വ​യും ഗ്രൂ​പ് സി​യി​ൽ ഫ്രാ​ൻ​സ്, ആ​സ്ട്രി​യ, ഖ​ത്ത​ർ, കു​വൈ​ത്ത് എ​ന്നി​വ​യും ഗ്രൂ​പ് ഡി​യി​ൽ ഹം​ഗ​റി, നെ​ത​ർ​ല​ൻ​ഡ്സ്, നോ​ർ​ത് മാ​സി​ഡോ​ണി​യ, ഗി​നി​യ എ​ന്നി​വ​യും ഗ്രൂ​പ് ഇ​യി​ൽ നോ​ർ​വേ, പോ​ർ​ചു​ഗ​ൽ, ബ്ര​സീ​ൽ, യു.​എ​സ് ടീ​മു​ക​ളും ഗ്രൂ​പ് എ​ഫി​ൽ സ്വീ​ഡ​ൻ, സ്പെ​യി​ൻ, ജ​പ്പാ​ൻ, ചി​ലി എ​ന്നി​വ​യും ഗ്രൂ​പ് ജി​യി​ൽ സ്ലോ​വേ​നി​യ, ഐ​സ്‍ല​ൻ​ഡ്, ക്യൂ​ബ, കേ​പ് വെ​ർ​ദെ എ​ന്നി​വ​യും മ​ത്സ​രി​ക്കും.