ആഗോള പ്രവാസികളുടെ സർവ്വെ; ബഹ്​റൈന്​ സവിശേഷസ്ഥാനം

മനാമ: പ്രവാസികൾക്ക്​ ജീവിക്കാനും തൊഴിലെടുക്കാനും മേഖലയിലെ ഏറ്റവും അനുയോജ്യമായ രാജ്യം എന്ന ബഹുമതി ബഹ്​റൈന്​. ജർമൻ ​േകന്ദ്രമായ സംഘടനയുടെ പഠനറിപ്പോർട്ടിലാണ്​ ബഹ്​റൈ​​​െൻറ പ്രവാസികൾക്കിടയിലെ ജനപ്രിയതക്ക്​ അംഗീകാരം ലഭിച്ചിരിക്കുന്നത്​. ലോകത്തിലെ 18,135 പ്രവാസികൾക്കിടയിലാണ്​ ഇതുസംബന്​ധിച്ച്​ പഠനം നടത്തിയത്​. ഇൗ വർഷം ഫെബ്രുവരി 15 മുതൽ മാർച്ച്​ ഏഴുവരെയുള്ള നാളുകളിലാണ്​ പഠനം നടന്നത്​. പട്ടികയിൽ തായ്​വാൻ, എക്വഡോർ, മെക്​സിക്കോ, സിങ്കപ്പൂർ എന്നിവരുടെ അടുത്തായാണ്​ ബഹ്​റൈ​​​െൻറയും സ്ഥാനം. 68 രാജ്യങ്ങളിലെ പ്രവാസികൾക്കിടയിൽ നിന്നും വന്ന അഭിപ്രായം ബഹ്​റൈൻ പ്രവാസ ജീവിതത്തിന്​ ഏറ്റവും അനുയോജ്യമായ രാജ്യമാണെന്നായിരുന്നു. കിഴക്ക്​^പടിഞ്ഞാറ്​ രാജ്യങ്ങൾക്കിടയിൽ നിൽക്കുന്നതും പ്രവാസികൾക്ക്​ ഇഷ്​ടപ്പെടുന്നതുമായ സംസ്​കാരമാണ്​ ബഹ്​റൈനിൽ നിലനിൽക്കുന്നതെന്നും അവർ അഭിപ്രായപ്പെടുന്നു. പഠനത്തിൽ പ​െങ്കടുത്ത 44 ശതമാനംപേർ മറ്റുള്ള രാജ്യങ്ങളെ അപേക്ഷിച്ച്​ ബഹ്​റൈനിലെ തൊഴിൽ സമയത്തിൽ തൃപ്​തിരേഖപ്പെടുത്തി. 33 ശതമാനംപേർ തൊഴിൽ സുരക്ഷിതത്വം ഉണ്ടെന്നും 39 ശതമാനംപേർ
തൊഴിലിൽ തൃപ്​തിയും രേഖപ്പെടുത്തിയിട്ടുണ്ട്​. കുട്ടികളുടെ വിദ്യാഭ്യാസ നിലവാരത്തിലുള്ള ഉയർച്ചയും അതുവഴിയുളള സന്തോഷവും പുരോഗതിയും പവിഴദ്വീപിൽ കൂടുതലാണെന്നും പഠനഫലം ചൂണ്ടിക്കാട്ടുന്നു. ജീവിതനിലവാരത്തിൽ ആഗോളതലത്തിൽ ബഹ്​റൈന്​ 20 ാം സ്ഥാനമാണുള്ളത്​. ലളിതമായ താമസ സൗകര്യം ലഭിക്കുന്ന കാര്യത്തിലും പ്രവാസികളുടെ ജോലിക്കാര്യത്തിൽ ഒന്നാംസ്ഥാനവും ബഹ്​റൈനാണ​​ുള്ളത്​. വ്യക്തിപരമായ സമ്പാദ്യത്തിൽ 22 ാം സ്ഥാനമുണ്ട്​. ബഹ്​റൈനിലെ പ്രാദേശിക സംസ്​കാരത്തോടുള്ള താൽപര്യം ആഗോളതലത്തിൽ 81 ശതമാനംപേർക്കും പാർപ്പിടത്തോടുള്ള ഇഷ്​ടത്തിൽ 84 ശതമാനവും പങ്കുവെക്കുന്നുണ്ട്​.