പരിസ്​ഥിതി സന്ദേശമെത്തിക്കാൻ കൂട്ടായ്​മ തുടങ്ങുന്നു

മനാമ: ലോക പരിസ്​ഥിതി ദിനത്തിൽ ബഹ്​റൈനിൽ മലയാളികളുടെ നേതൃത്വത്തിൽ പുതിയ പരിസ്​ഥിതി സംഘടന രൂപവത്​കരിക്കുന്നു. ‘ദിൽമൺ നേച്ചർ ക്ലബ്​’ എന്ന​ പേരിലുള്ള സംഘടനയുടെ  ഉദ്​ഘാടനം ഇന്ന് രാത്രി 7.45ന്​ കേരള കാത്തലിക്​  അസോസിയേഷൻ (കെ.സി.എ) ഹാളിൽ നടക്കും. വർധിച്ചു വരുന്ന പ്രകൃതി ചൂഷണങ്ങൾക്കെതിരെ ജനങ്ങളെ ബോധവത്​കരിക്കുക, ആഗോളതാപനത്തിനും കാർബൺ നിർഗമനത്തിനുമെതിരായ സന്ദേശങ്ങൾ സമൂഹത്തിലെത്തിക്കുക തുടങ്ങിയവയാണ്​ സംഘടനയുടെ പ്രധാന ലക്ഷ്യങ്ങൾ. 

ശുദ്ധ ജലവും, വായുവും, ആഹാരവും ഓരോ മനുഷ്യ​​​െൻറയും അവകാശമാണെന്നും, അതിനായുള്ള  നിസ്വാർഥയ പ്രവർത്തനങ്ങൾ കാലത്തി​​​െൻറ ആവശ്യമാണെന്നുമുള്ള തിരിച്ചറിവാണ്​ സംഘടന രൂപവത്​കരിക്കാനുള്ള പ്രചോദനമെന്ന് ക്ലബ്​ ചെയർമാൻ എബ്രഹാം സാമുവൽ, സെക്രട്ടറി അജിത് കുമാർ എന്നിവർ പറഞ്ഞു. 

യു.എൻ.പരിസ്​ഥിതി കാര്യ സമിതി, വേൾഡ് വൈൽഡ് ലൈഫ് ഫണ്ട് ഫോർ നേച്ചർ തുടങ്ങി ഇൗ മേഖലയിലെ അന്താരാഷ്​ട്ര സംഘടനകളുമായി സഹകരിച്ച് പ്രവർത്തിക്കും. ബഹ്‌റൈൻ സർക്കാറി​​​െൻറ നേതൃത്വത്തിലുള്ള പ്രകൃതി സംരക്ഷണ പദ്ധതികൾക്ക് പ്രവാസികളുടെ എല്ലാവിധ സഹകരണങ്ങളും പിന്തുണയും ഉറപ്പാക്കാനും സംഘടന ശ്രമിക്കും. മലയാളികൾക്കുപുറമെ, ഇതര ​നാട്ടുകാരെയും സ്വദേശികളെയും വിവിധ പദ്ധതികളിൽ പങ്കാളികളാക്കാനും പദ്ധതിയുണ്ടെന്ന്​ ഭാരവാഹികൾ പറഞ്ഞു.