അർജൻറീന: അതിരില്ലാത്ത സന്തോഷവുമായി  മലയാളി ആരാധകർ 

മനാമ: അർജൻറീന വിജയിക്കുമോ ഇല്ലയോ എന്ന ചോദ്യമായിരുന്നു ഇന്നലെ ബഹ്​റൈനിലെ പ്രവാസി മലയാളികളിലെ ഫുട്​ബോൾ ആരാധകർക്ക്​.  തോൽക്കുമെന്നും പ്രീക്വാർട്ടറിൽ നിന്ന്​ അർജൻറീന പുറത്താകുകയും ചെയ്യും എന്ന്​ ഉറപ്പിച്ചവരുടെ വാക്കുകൾ കേട്ട്​ അർജൻറീന ആരാധകരുടെ ചങ്കിൽ ചോര പൊടിഞ്ഞിട്ടുണ്ടാകണം. എന്നാൽ അർജൻറീനയുടെ വിജയം സംഭവിച്ചതോടെ മലയാളി ആരാധകർ ഇളകി മറിഞ്ഞു. അർജൻറീനയുടെ പരാജയങ്ങളിൽ മനസ്​ ഇടിഞ്ഞുതാണ  എത്രയെത്ര പ്രവാസി മലയാളികളാണ്​ ബഹ്​റൈനിലുമുള്ളത്​. അർജൻറീനയുടെ വീഴ്​ചകൾ  നിരവധി പ്രവാസി മലയാളികളെ വേദനയിലാഴ്​ത്തിയിരുന്നു. ഇന്നലെ നടന്ന അർജൻറീനയുടെയും നൈജീരിയയുടെയും കളിയും പ്രവാസി മലയാളികളായ ഫുട്​ബോൾ ആരാധകർ കണ്ടത്​ നെഞ്ചിടിപ്പോടെയാണ്​.

അർജൻറീന ഇൗ കളിയിൽ ജയിച്ചാലും ​െഎസ്​ലൻറിനോട്​ ക്രയേഷ്യയുടെ ജയം സംഭവിച്ചാലെ ആശ്വാസിക്കാൻ വകയുണ്ടായിരുന്നുള്ളൂ. എന്നിരുന്നാലും അർജൻറീനയെ ഭാഗ്യം തുണക്കും എന്ന വിശ്വാസത്തിലായിരുന്നു പ്രവാസികളിൽ പലരും. രാത്രി ഒമ്പതോടെ പലരും താമസസ്ഥലത്തേക്ക്​ എത്തി ടി.വിക്ക്​ മുന്നിൽ ഇരിപ്പായി. ഒടുവിൽ അർജൻറീന വിജയിക്കുകയും പ്രീക്വാർട്ടറിൽ കടക്കുകയും ചെയ്​തപ്പോൾ കളി കണ്ടിരുന്ന അർജൻറീന ഫാൻസ്​  ആവേശത്തിലായി. ഒാർക്കാപ്പുറത്തുള്ള വിജയത്തിൽ ആർത്തുവിളിച്ചും മധുരം വിതരണം ചെയ്​തുമാണ്​ ബഹ്​റൈനിലെ മലയാളി ആരാധകർ ആഹ്ലാദം പങ്കുവെച്ചത്​. തുടർന്ന്​ പാതിരാത്രിയിലും സാമൂഹിക മാധ്യമങ്ങളിൽ ​ വിജയത്തി​​​​െൻറ സന്തോഷം അലയടിച്ചു.