പു​സ്ത​ക​ങ്ങ​ളു​ടെ അ​ത്ഭു​ത പ്ര​പ​ഞ്ച​മി​വി​ടെ, കേ​ര​ളീ​യ സ​മാ​ജ​ത്തി​ൽ

മ​നാ​മ: മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യു​ടെ ആ​ത്മ​ക​ഥ ‘കാ​ലം സാ​ക്ഷി’ മു​ത​ൽ എം.​എം. ലോ​റ​ൻ​സി​ന്റെ വി​വാ​ദ ആ​ത്മ​ക​ഥ ‘ഓ​ർ​മ​ച്ചെ​പ്പ് തു​റ​ക്കു​മ്പോ​ൾ’ അ​ട​ക്ക​മു​ള്ള പു​സ്ത​ക​ങ്ങ​ളു​ടെ നീ​ണ്ട നി​ര​യാ​ണ് കേ​ര​ളീ​യ സ​മാ​ജ​ത്തി​ൽ വാ​യ​ന​ക്കാ​രെ കാ​ത്തി​രി​ക്കു​ന്ന​ത്. ഡി.​സി ബു​ക്സും ബ​ഹ്റൈ​ൻ കേ​ര​ളീ​യ സ​മാ​ജ​വും സം​യു​ക്ത​മാ​യി സം​ഘ​ടി​പ്പി​ക്കു​ന്ന അ​ന്താ​രാ​ഷ്ട്ര പു​സ്ത​ക​മേ​ള​യാ​ണ് മ​ല​യാ​ള​ത്തി​ലും ഇം​ഗ്ലീ​ഷി​ലു​മു​ള്ള വ്യ​ത്യ​സ്ത വി​ഭാ​ഗ​ങ്ങ​ളി​ലെ പു​സ്ത​ക​നി​ര​യു​മാ​യി ജ​ന​ശ്ര​ദ്ധ ആ​ക​ർ​ഷി​ക്കു​ന്ന​ത്.

കേ​ര​ള​രാ​ഷ്ട്രീ​യ​ത്തി​ൽ ആ​റു പ​തി​റ്റാ​ണ്ടു​കാ​ലം നി​റ​ഞ്ഞു​നി​ന്ന ജ​ന​പ്രി​യ രാ​ഷ്ട്രീ​യ​നേ​താ​വും മു​ൻ മു​ഖ്യ​മ​ന്ത്രി​യു​മാ​യ ഉ​മ്മ​ൻ ചാ​ണ്ടി​യു​ടെ ആ​ത്മ​ക​ഥ ത​യാ​റാ​ക്കി​യ​ത് മു​തി​ർ​ന്ന പ​ത്ര പ്ര​വ​ർ​ത്ത​ക​നാ​യ സ​ണ്ണി​ക്കു​ട്ടി എ​ബ്ര​ഹാ​മാ​ണ്. കേ​ര​ള രാ​ഷ്ട്രീ​യ ച​രി​ത്ര​ത്തി​ലെ ഏ​റ്റ​വും സം​ഭ​വ​ബ​ഹു​ല​മാ​യ നാ​ളു​ക​ളു​ടെ ദൃ​ക്സാ​ക്ഷി​വി​വ​ര​ണം കൂ​ടി​യാ​ണ് ‘കാ​ലം സാ​ക്ഷി’ എ​ന്നാ​ണ് ന​ട​ൻ മ​മ്മൂ​ട്ടി പു​സ്ത​ക​ത്തെ​പ്പ​റ്റി പ​റ​ഞ്ഞ​ത്. മു​ൻ മു​ഖ്യ​മ​ന്ത്രി​യും ജ​ന​കീ​യ നേ​താ​വു​മാ​യ വി.​എ​സ്. അ​ച്യു​താ​ന​ന്ദ​നെ​തി​രെ രൂ​ക്ഷ​വി​മ​ർ​ശ​ന​മാ​ണ് ‘ഓ​ർ​മ​ച്ചെ​പ്പ് തു​റ​ക്കു​മ്പോ​ൾ’ എ​ന്ന പു​സ്ത​ക​ത്തി​ലൂ​ടെ മു​തി​ർ​ന്ന നേ​താ​വാ​യ എം.​എം. ലോ​റ​ൻ​സ് ന​ട​ത്തി​യ​ത്. ര​ണ്ട് പു​സ്ത​ക​ങ്ങ​ളും പു​റ​ത്തി​റ​ങ്ങി​യ​പ്പോ​ൾ ത​ന്നെ വി​വാ​ദ​മാ​യി​രു​ന്നു.

ഉ​മ്മ​ൻ ചാ​ണ്ടി​യു​ടെ ആ​ത്മ​ക​ഥ ‘കാ​ലം സാ​ക്ഷി’ യു​ടെ ബ​ഹ്റൈ​ൻ​ത​ല പ്ര​കാ​ശ​നം ഞാ​യ​റാ​ഴ്ച വൈ​കീ​ട്ട് 7.30ന് ​ന​ട​ക്കും.

സ​മാ​ജം പ്ര​സി​ഡ​ന്റ് പി.​വി. രാ​ധാ​കൃ​ഷ്ണ പി​ള്ള പു​സ്ത​കം പ്ര​കാ​ശ​നം ചെ​യ്യും. മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​ൻ സോ​മ​ൻ ബേ​ബി ഏ​റ്റു​വാ​ങ്ങും. തു​ട​ർ​ന്ന് ന​ട​ക്കു​ന്ന ച​ട​ങ്ങി​ൽ ഷെ​ഫ് സു​രേ​ഷ് പി​ള്ള ജീ​വി​ത​ത്തെ​യും പാ​ച​ക​ത്തെ​യും കു​റി​ച്ച് മു​ഖാ​മു​ഖ​ത്തി​ൽ സം​സാ​രി​ക്കും.

ഉ​മ്മ​ൻ ചാ​ണ്ടി​യു​ടെ ആ​ത്മ​ക​ഥ​യു​ടെ പ​രി​മി​ത​മാ​യ കോ​പ്പി​ക​ളാ​ണു​ള്ള​ത്. മു​ൻ​കൂ​ട്ടി ര​ജി​സ്റ്റ​ർ ചെ​യ്യാ​ൻ സാ​ഹി​ത്യ വി​ഭാ​ഗം സെ​ക്ര​ട്ട​റി ഫി​റോ​സ് തി​രു​വ​ത്ര 33369895, ക​ൺ​വീ​ന​ർ​മാ​രാ​യ പ്ര​ശാ​ന്ത് മു​ര​ളീ​ധ​ർ 33355109, ബി​നു വേ​ലി​യി​ൽ 39440530 എ​ന്നി​വ​രു​മാ​യി ബ​ന്ധ​പ്പെ​ടാം.