സ്ത്രീ​ക​ളു​ടെ വ​സ്ത്ര​ങ്ങ​ൾ വി​ൽക്കാൻ കടകളിൽ സ്ത്രീകൾ മ​തി

മ​നാ​മ: സ്ത്രീ​ക​ളു​ടെ വ​സ്ത്ര​ങ്ങ​ളും മ​റ്റ് ഉ​ൽ​പ​ന്ന​ങ്ങ​ളും വി​ൽ​ക്കു​ന്ന ക​ട​ക​ളി​ൽ പു​രു​ഷ ജീ​വ​ന​ക്കാ​രെ നി​യ​മി​ക്കു​ന്ന​ത് നി​രോ​ധി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.സാ​ധ​ന​ങ്ങ​ൾ വാ​ങ്ങാ​നെ​ത്തു​ന്ന സ്ത്രീ​ക​ളു​ടെ അ​സ്വ​സ്ഥ​ത​ക​ളെ മാ​റ്റി​യെ​ടു​ക്കാ​നും സ്ത്രീ​ക​ൾ​ക്ക് തൊ​ഴി​ല​വ​സ​ര​ങ്ങ​ൾ ന​ൽ​കാ​നു​മു​ള്ള നി​ർ​ദേ​ശം മു​ഹ​റ​ഖ് മു​നി​സി​പ്പ​ൽ കൗ​ൺ​സി​ലാ​ണ് മു​ന്നോ​ട്ടു വെ​ച്ച​ത്.

വ​സ്ത്ര​ങ്ങ​ൾ, ത​യ്യ​ൽ, അ​നു​ബ​ന്ധ സാ​ധ​ന​ങ്ങ​ൾ തു​ട​ങ്ങി​യ​വ വി​ൽ​ക്കു​ന്ന ക​ട​ക​ളി​ൽ പു​രു​ഷ ജീ​വ​ന​ക്കാ​രെ നി​രോ​ധി​ക്ക​ണ​മെ​ന്ന നി​ർ​ദേ​ശം കൗ​ൺ​സി​ൽ ഏ​ക​ക​ണ്ഠ​മാ​യി അം​ഗീ​ക​രി​ച്ച് കൂ​ടു​ത​ൽ പ​ഠ​ന​ത്തി​നാ​യി വാ​ണി​ജ്യ, വ്യ​വ​സാ​യ മ​ന്ത്രി അ​ബ്​​ദു​ല്ല ആ​ദി​ൽ ഫ​ഖ്​​റു കൈ​മാ​റി​യി​രി​ക്കു​ക​യാ​ണ്. ഇ​ത്ത​രം ക​ട​ക​ളി​ൽ ഇ​പ്പോ​ഴും പു​രു​ഷ ജീ​വ​ന​ക്കാ​രു​ള്ള​ത് ചി​ല വ​നി​ത ഉ​പ​ഭോ​ക്താ​ക്ക​ൾ​ക്ക് ബു​ദ്ധി​മു​ട്ടു​ണ്ടാ​ക്കു​ന്നു​വെ​ന്ന് കൗ​ൺ​സി​ൽ ചെ​യ​ർ​മാ​ൻ അ​ബ്‌​ദു​ൽ അ​സീ​സ് അ​ൽ നാ​ർ അ​ഭി​പ്രാ​യ​പ്പെ​ട്ടു.

റീ​ട്ടെ​യി​ൽ മേ​ഖ​ല​യി​ൽ ധാ​രാ​ളം യോ​ഗ്യ​ത​യു​ള്ള സ്ത്രീ​ക​ൾ ജോ​ലി അ​ന്വേ​ഷി​ക്കു​ന്നു​ണ്ട്.

എ​ന്നാ​ൽ, ചി​ല തൊ​ഴി​ലു​ട​മ​ക​ൾ പ്ര​സ​വാ​വ​ധി പോ​ലു​ള്ള കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി പു​രു​ഷ​ന്മാ​രെ നി​യ​മി​ക്കാ​ൻ താ​ൽ​പ​ര്യം കാ​ണി​ക്കു​ന്നു. ഇ​ത് വി​വേ​ച​ന​മാ​ണെ​ന്നും അ​ൽ നാ​ർ പ​റ​ഞ്ഞു.2017ൽ ​സ​മാ​ന​മാ​യ ഒ​രു നി​ർ​ദേ​ശം മു​ഹ​റ​ഖ് മു​നി​സി​പ്പ​ൽ കൗ​ൺ​സി​ൽ മു​ന്നോ​ട്ടു​വെ​ച്ചെ​ങ്കി​ലും അ​ന്ന​ത്തെ മ​ന്ത്രി​സ​ഭ അ​ത് ത​ള്ളി​യി​രു​ന്നു. ഈ ​നി​ർ​ദേ​ശം അം​ഗീ​ക​രി​ക്ക​പ്പെ​ട്ടാ​ൽ, ബ​ഹ്റൈ​നി​ലെ വ​നി​ത കേ​ന്ദ്രീ​കൃ​ത ക​ട​ക​ളി​ലെ ജീ​വ​ന​ക്കാ​രു​ടെ നി​യ​മ​ന​ത്തി​ൽ ഒ​രു പു​തി​യ ന​യ​ത്തി​ന് ഇ​ത് തു​ട​ക്കം കു​റി​ച്ചേ​ക്കാം.

പു​രു​ഷ​ന്മാ​രെ ഒ​ഴി​വാ​ക്കു​ക​യ​ല്ല, മ​റി​ച്ച് അ​ർ​ഹ​രാ​യ വ​നി​ത​ക​ൾ​ക്ക് തൊ​ഴി​ൽ അ​വ​സ​ര​ങ്ങ​ൾ ന​ൽ​കി അ​വ​രെ ശാ​ക്തീ​ക​രി​ക്കു​ക​യാ​ണ് ല​ക്ഷ്യ​മെ​ന്ന് അ​ൽ നാ​ർ പ​റ​ഞ്ഞു.