മൊ​ബി​ലി​റ്റി പ്ര​കാ​രം തൊ​ഴി​ൽ വി​സ മാ​റാ​ൻ എ​ന്തൊ​ക്കെ രേ​ഖ​ക​ൾ വേ​ണം

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം

• ഒ​രു തൊ​ഴി​ലു​ട​മ​യു​ടെ കൂ​ടെ ജോ​ലി ചെ​യ്ത​ശേ​ഷം മ​റ്റൊ​രു തൊ​ഴി​ലു​ട​മ​യു​ടെ കൂ​ടെ ജോ​ലി ചെ​യ്യാ​ൻ മൊ​ബി​ലി​റ്റി ല​ഭി​ക്കും. കു​റ​ഞ്ഞ​ത് ഒ​രു​വ​ർ​ഷം നി​ല​വി​ലെ തൊ​ഴി​ലു​ട​മ​യു​ടെ കൂ​ടെ തൊ​ഴി​ൽ ചെ​യ്താ​ൽ മാ​ത്ര​മേ മൊ​ബി​ലി​റ്റി പ്ര​കാ​രം വ​ർ​ക്ക് വി​സ മാ​റാ​ൻ സാ​ധി​ക്കൂ. അ​തു​പോ​ലെ തൊ​ഴി​ലാ​ളി​യു​ടെ പേ​രി​ൽ എ​ൽ.​എം.​ആ​ർ.​എ​യി​ൽ ഒ​ഫ​ൻ​സ് ഒ​ന്നും ഉ​ണ്ടാ​യി​രി​ക്കാ​നും പാ​ടി​ല്ല.

മൊ​ബി​ലി​റ്റി പ്ര​കാ​രം പു​തി​യ വ​ർ​ക്ക് വി​സ​ക്ക് അ​പേ​ക്ഷി​ക്കാ​ൻ പു​തി​യ തൊ​ഴി​ലു​ട​മ​ക്ക് തൊ​ഴി​ലാ​ളി സ​മ​ർ​പ്പി​ക്കേ​ണ്ട രേ​ഖ​ക​ൾ:

1. നി​ല​വി​ലെ തൊ​ഴി​ലു​ട​മ​യു​ടെ സ​മ്മ​ത​പ​ത്രം വേ​ണം. അ​ല്ലെ​ങ്കി​ൽ എ​ൽ.​എം.​ആ​ർ.​എ​യു​ടെ വെ​ബ്സൈ​റ്റി​ൽ ഓ​ൺ​ലൈ​നി​ൽ മൊ​ബി​ലി​റ്റി​ക്ക് സ​മ്മ​തി​ക്ക​ണം. ഈ ​രീ​തി​യി​ൽ വി​സ മാ​റാ​ൻ പെ​ട്ടെ​ന്ന് സാ​ധി​ക്കും. (പു​തി​യ തൊ​ഴി​ലു​ട​മ​ക്ക് പു​തി​യ വ​ർ​ക്ക് വി​സ​ക്ക് അ​ർ​ഹ​ത​യു​ണ്ടെ​ങ്കി​ലും പു​തി​യ തൊ​ഴി​ലു​ട​മ​യു​ടെ പേ​രി​ൽ ഒ​ഫ​ൻ​സ് ഒ​ന്നു​മി​ല്ലെ​ങ്കി​ലും)

2. മു​ക​ളി​ൽ പ​റ​ഞ്ഞ രീ​തി​യി​ലു​ള്ള രേ​ഖ​യി​ല്ലെ​ങ്കി​ൽ നി​ല​വി​ലെ തൊ​ഴി​ൽ ക​രാ​ർ റ​ദ്ദ് ചെ​യ്ത​തി​ന്റെ രേ​ഖ​ക​ൾ സ​മ​ർ​പ്പി​ക്ക​ണം.

(തൊ​ഴി​ലു​ട​മ​ക്ക് നി​ശ്ചി​ത സ​മ​യ​പ​രി​ധി​ക്കു മു​മ്പ് നോ​ട്ടീ​സ് അ​യ​ക്ക​ണം. ര​ജി​സ്ട്രേ​ഡ് വി​ത്ത് അ​ക്നോ​ള​ജ്മെ​ന്റ് കാ​ർ​ഡ് ( പി​ങ്ക് കാ​ർ​ഡ്) വെ​ച്ചാ​ണ് നോ​ട്ടീ​സ് അ​യ​ക്കേ​ണ്ട​ത്. തൊ​ഴി​ൽ ക​രാ​റി​ൽ പ​റ​യു​ന്ന​പ്ര​കാ​രം തൊ​ഴി​ൽ ക​രാ​ർ അ​വ​സാ​നി​പ്പി​ക്കാ​ൻ നോ​ട്ടീ​സ് കൊ​ടു​ക്ക​ണം. ഈ ​നോ​ട്ടീ​സി​ന്റെ കാ​ലാ​വ​ധി ക​ഴി​ഞ്ഞാ​ൽ മാ​ത്ര​മേ പു​തി​യ വി​സ ല​ഭി​ക്കു​ക​യു​ള്ളൂ. തൊ​ഴി​ൽ ക​രാ​ർ റ​ദ്ദാ​ക്കു​ന്ന​തി​നു​ള്ള നോ​ട്ടീ​സ് വ്യ​വ​സ്ഥ​ക​ൾ സാ​ധാ​ര​ണ തൊ​ഴി​ൽ ക​രാ​റി​ൽ ഉ​ണ്ടാ​യി​രി​ക്കും. ഇ​ത് ഒ​രു മാ​സം മു​ത​ൽ മൂ​ന്നു മാ​സം വ​രെ​യാ​ണ് സാ​ധാ​ര​ണ കാ​ണു​ന്ന​ത്. ക​രാ​റി​ൽ ഇ​തു​സം​ബ​ന്ധി​ച്ച് ഒ​ന്നും പ​റ​യു​ന്നി​ല്ലെ​ങ്കി​ൽ മൂ​ന്നു മാ​സ​ത്തെ നോ​ട്ടീ​സ് കൊ​ടു​ക്ക​ണം.

ചി​ല​പ്പോ​ൾ തൊ​ഴി​ൽ ക​രാ​ർ റ​ദ്ദാ​ക്കി​യാ​ലു​ള്ള ന​ഷ്ട​പ​രി​ഹാ​ര​ത്തെ​പ്പ​റ്റി എ​ഴു​തി​യി​ട്ടു​ണ്ടാ​കും. ഇ​ത് പ്ര​ത്യേ​കം ശ്ര​ദ്ധി​ക്ക​ണം. തൊ​ഴി​ലു​ട​മ​ക്ക് നോ​ട്ടീ​സ് അ​യ​ക്കു​ന്ന​ത് സി. ​ആ​റി​ലു​ള്ള വി​ലാ​സ​ത്തി​ലാ​യി​രി​ക്ക​ണം. പി.​ഒ ബോ​ക്സ് അ​ഡ്ര​സി​ൽ അ​യ​ക്ക​രു​ത്. പി​ങ്ക് കാ​ർ​ഡ് തൊ​ഴി​ലു​ട​മ ഒ​പ്പി​ട്ട് പോ​സ്റ്റ് ഓ​ഫി​സ് വ​ഴി തൊ​ഴി​ലാ​ളി​ക്ക് തി​രി​ച്ചു​ല​ഭി​ക്കും. ഇ​തി​ന് കു​റെ സ​മ​യ​മെ​ടു​ക്കും. അ​യ​ച്ച ക​വ​ർ തി​രി​ച്ചു​വ​രു​ക​യാ​ണെ​ങ്കി​ൽ അ​ത് തു​റ​ക്കാ​തെ കൊ​ടു​ത്താ​ലും മ​തി.)

3. നി​ല​വി​ലു​ള്ള തൊ​ഴി​ൽ ക​രാ​റി​ന്റെ കോ​പ്പി. ഇ​ത് നോ​ട്ടീ​സ് കാ​ലാ​വ​ധി തെ​ളി​യി​ക്കാ​ൻ വേ​ണ്ടി​യാ​ണ്.

4. കു​റ​ഞ്ഞ​ത് ആ​റു​മാ​സ​ത്തെ കാ​ലാ​വ​ധി​യു​ള്ള പാ​സ്​​പോ​ർ​ട്ട് കോ​പ്പി

5. സി.​പി.​ആ​ർ കോ​പ്പി

6. പു​തി​യ ക​രാ​റി​ന്റെ കോ​പ്പി

7. ഫാ​മി​ലി ഉ​ണ്ടെ​ങ്കി​ൽ അ​വ​രു​ടെ പാ​സ്​​പോ​ർ​ട്ട് + സി. ​ആ​ർ കോ​പ്പി​ക​ൾ

8. മ​റ്റ് അ​ധി​കാ​രി​ക​ളു​ടെ അം​ഗീ​കാ​രം വേ​ണ്ട​തു​ണ്ടെ​ങ്കി​ൽ അ​തും വെ​ക്ക​ണം. (ഉ​ദാ. ഡോ​ക്ട​ർ​മാ​ർ, ന​ഴ്സു​മാ​ർ)

മു​ക​ളി​ൽ പ​റ​ഞ്ഞ രേ​ഖ​ക​ൾ സ​ഹി​തം പു​തി​യ തൊ​ഴി​ലു​ട​മ എ​ൽ.​എം.​ആ​ർ.​എ​യി​ൽ മൊ​ബി​ലി​റ്റി​ക്ക് അ​പേ​ക്ഷി​ച്ചാ​ൽ പു​തി​യ വി​സ ല​ഭി​ക്കും. മൊ​ബി​ലി​റ്റി​ക്ക് അം​ഗീ​കാ​രം ല​ഭി​ക്കു​ന്ന​തു​വ​രെ നി​ല​വി​ലു​ള്ള തൊ​ഴി​ൽ ചെ​യ്യ​ണം. പു​തി​യ വി​സ അം​ഗീ​ക​രി​ച്ചാ​ൽ പു​തി​യ തൊ​ഴി​ലു​ട​മ അ​തി​ന്റെ ഫീ​സ് 30 ദി​വ​സ​ത്തി​ന​കം കൊ​ടു​ക്ക​ണം.