വയനാട് ദുരന്തം; കേരളീയ സമാജത്തിൽ ഇന്ന് അനുശോചനയോഗം

മനാമ: വയനാട് ചൂരൽമലയിലുണ്ടായ ഉരുൾപൊട്ടൽ ദുരന്തത്തിൽ അനുശോചിച്ച് ബുധനാഴ്ച രാത്രി എട്ടിന് ബഹ്റൈൻ കേരളീയ സമാജത്തിൽ യോഗം ചേരും. മരിച്ചവർക്ക് യോഗം ആദരാഞ്ജലി അർപ്പിക്കും. ലോക് കേരള സഭ അംഗങ്ങൾ, സംഘടനാപ്രതിനിധികൾ, സാമൂഹികപ്രവർത്തകർ തുടങ്ങി എല്ലാവരും പ​ങ്കെടുക്കണമെന്ന് സമാജം പ്രസിഡന്റ് പി.വി. രാധാകൃഷ്ണപിള്ള, ജനറൽ സെക്രട്ടറി വർഗീസ് കാരയ്ക്കൽ എന്നിവർ അഭ്യർഥിച്ചു.