വൃത്തിഹീനമായ കുടിവെള്ള വിതരണത്തിനെതിരെ മനുഷ്യാവകാശ സൊസൈറ്റി രംഗത്ത്​ 

മനാമ: കുടിവെള്ളം വൃത്തിഹീനമായി വിതരണം ചെയ്യുന്നതിനെതിരെ ‘ബഹ്​റൈൻ ഹ്യൂമൻ റൈറ്റ്സ്​ വാച്ച്​ സൊസൈറ്റി’ (ബി.എച്ച്​.ആർ.ഡബ്ല്യു.എസ്) രംഗത്ത്​. തീർത്തും വൃത്തിഹീനമായ രീതിയിലും സാഹചര്യത്തിലും വെള്ളം വിതരണം ചെയ്യുന്നതി​​െൻറ    വീഡിയോ ലഭിച്ചതോടെയാണ്​ സംഘടന ഇൗ വിഷയത്തിൽ ഇടപെട്ടത്​. 
സമൂഹത്തിലെ വൃത്തിഹീനമായ പ്രവൃത്തികൾക്കെതിരെ സംഘടന ആഗസ്​റ്റിൽ ഒരു കാമ്പയിൽ നടത്തിയിരുന്നു. ഇന്ത്യ, പാകിസ്​താൻ, ബംഗ്ലാദേശ്​ എന്നിവിടങ്ങളിൽ നിന്നുള്ളവരാണ്​ കാര്യമായി ഇൗ രംഗത്തുള്ളതെന്നും ഇവരിൽ ചിലർ 50 ശതമാനം സ്വീറ്റ്​ വാട്ടറും 50 ശതമാനം ടാപ്പ്​ വെള്ളവും കലർത്തി വിൽപന നടത്തുകയാണെന്നും സംഘടന സെക്രട്ടറി ജനറൽ ഫൈസൽ ഫുലാദ്​ പ്രാദേശിക പത്രത്തോട്​ പറഞ്ഞു. വെള്ളം വിതരണം ചെയ്യുന്ന ടാങ്കറുകളുടെ ഉൾവശവും വൃത്തിഹീനമായ അവസ്​ഥയിലാണെന്ന്​ ലഭിച്ച ചിത്രങ്ങളിൽ നിന്ന്​ വ്യക്തമാണ്​. 

വിയർത്തൊലിച്ച നിലയിലാണ്​ ആളുകൾ ഇത്​ കൈകാര്യം ചെയ്യുന്നത്​. കാനുകളിലേക്ക്​ വെള്ളം പകരുന്ന ട്യൂബുകൾക്കും വൃത്തിയില്ല. ​ഇൗ വെള്ളം ഉപയോഗിച്ച്​ ​െഎസ്​ ഉണ്ടാക്ക​ു​േമ്പാൾ മഞ്ഞം നിറം വരുന്നതായി പരാതിയുണ്ട്​. ശുദ്ധജലമാണെങ്കിൽ ക്രിസ്​റ്റൽ പോലുള്ള ​െഎസാണ്​ ലഭിക്കേണ്ടത്​. 

ഇങ്ങനെ വെള്ളം വിൽപന നടത്തുന്ന 300ഒാളം ടാങ്കറുകൾ രാജ്യത്തുണ്ട്​. കാര്യമായി തൊഴിലാളികൾക്കിടയിലും താഴ്​ന്ന വരുമാനമുള്ളവർക്കിടയിലുമാണ്​ ഇവർ ​വിൽപന നടത്തുന്നത്​. ഇതിൽ ആരോഗ്യ ഇൻസ്​പെക്​ടർമാരുടെ മതിയായ പരിശോധന നടക്കുന്നില്ല. വെള്ളവിതരണക്കാർക്ക്​ കൃത്യമായ ലൈസൻസ്​ ഉണ്ടോ എന്ന കാര്യം പോലും വ്യക്തമല്ലെന്നും അദ്ദേഹം പറഞ്ഞു. ചീഞ്ഞ പച്ചക്കറിയും പഴവർഗങ്ങളും ശേഖരിച്ച്​ വിൽക്കുന്ന സംഘങ്ങളുടെ പ്രവൃത്തിക്കെതിരെയും സംഘടന നേരത്തെ രംഗത്തുവന്നിരുന്നു. 
ഇത്തരം സംഭവങ്ങൾ ശ്രദ്ധയിൽ പെട്ടാൽ ബി.എച്ച്​.ആർ.ഡബ്ല്യു.എസിനെ അറിയിക്കാവുന്നതാണ്​. ഇതിനായി 36633882, 36455424 എന്നീ നമ്പറുകളിൽ ബന്ധപ്പെടാം.