സ്വ​യം തൊ​ഴി​ൽ ചെ​യ്യു​ന്ന തൊ​ഴി​ലാ​ളി​ക​ൾ​ക്ക്; വേ​ത​ന ന​ഷ്ട​പ​രി​ഹാ​ര ഇ​ൻ​ഷു​റ​ൻ​സ്

മ​നാ​മ: സ്വ​യം തൊ​ഴി​ൽ ചെ​യ്യു​ന്ന തൊ​ഴി​ലാ​ളി​ക​ൾ​ക്കും ഫ്രീ​ലാ​ൻ​സ​ർ​മാ​ർ​ക്കും വേ​ത​ന ന​ഷ്ട​പ​രി​ഹാ​ര ഇ​ൻ​ഷു​റ​ൻ​സി​നാ​യു​ള്ള നി​യ​മ​നി​ർ​മാ​ണ​ത്തി​ന് എം.​പി​മാ​രു​ടെ നി​ർ​ദേ​ശം. നി​ർ​ബ​ന്ധ​മ​ല്ലാ​ത്ത, എ​ന്നാ​ൽ താ​ൽ​പ​ര്യ​മു​ള്ള​വ​ർ​ക്ക് സ്വ​ന്തം ഇ​ഷ്ട​പ്ര​കാ​രം തി​ര​ഞ്ഞെ​ടു​ത്ത് ചേ​രാ​വു​ന്ന ഒ​രു ഇ​ൻ​ഷു​റ​ൻ​സ് പ​ദ്ധ​തി​യാ​ണി​ത്.

ഇ​തു​പ്ര​കാ​രം 60 ശ​ത​മാ​നം​വ​രെ വേ​ത​ന ന​ഷ്ട​പ​രി​ഹാ​രം അ​നു​വ​ദി​ക്കും. ബു​ദ്ധി​മു​ട്ട​നു​ഭ​വി​ക്കു​ന്ന സാ​ഹ​ച​ര്യ​ത്തി​ൽ താ​ൽ​ക്കാ​ലി​ക​മാ​യി അ​വ​ധി​യെ​ടു​ക്കേ​ണ്ടി​വ​രു​ന്ന സ്വ​ത​ന്ത്ര തൊ​ഴി​ലാ​ളി​ക​ൾ​ക്ക് സാ​മ്പ​ത്തി​ക സ​ഹാ​യം അ​നു​വ​ദി​ക്കു​ക എ​ന്ന​താ​ണ് എം.​പി ജ​ലാ​ൽ കാ​ദെം അ​ൽ മ​ഹ്ഫൂ​ദ് അ​വ​ത​രി​പ്പി​ച്ച നി​ർ​ദേ​ശ​ത്തി​ന്‍റെ ല​ക്ഷ്യം. പ​ദ്ധ​തി പ്ര​കാ​രം ഇ​ത്ത​രം ഇ​ൻ​ഷു​റ​ൻ​സ് പോ​ളി​സി​യി​ൽ ചേ​രു​ന്ന​വ​ർ​ക്ക് പ്ര​തി​മാ​സ വേ​ത​ന​ത്തി​ന്‍റ 60 ശ​ത​മാ​നം ല​ഭി​ക്കും. പ​ര​മാ​വ​ധി 1000 ദീ​നാ​ർ​വ​രെ​യാ​ണ് ല​ഭി​ക്കു​ക. ഔ​ദ്യോ​ഗി​ക മെ​ഡി​ക്ക​ൽ റി​പ്പോ​ർ​ട്ടു​ക​ളോ​ടെ സു​ഖം പ്രാ​പി​ക്കു​ന്ന​ത് വ​രെ ഇ​ൻ​ഷു​റ​ൻ​സ് ല​ഭി​ക്കാ​ൻ അ​ർ​ഹ​ത​യു​ണ്ടാ​യി​രി​ക്കും.

ടാ​ക്സി ഡ്രൈ​വ​ർ​മാ​ർ, ഡ്രൈ​വി​ങ് ഇ​ൻ​സ്ട്ര​ക്ട​ർ​മാ​ർ, ക​സ്റ്റം​സ് ച​ര​ക്ക് ഡ്രൈ​വ​ർ​മാ​ർ, ടൂ​റി​സ്റ്റ് ബ​സ് ഡ്രൈ​വ​ർ​മാ​ർ, ബോ​ട്ട് ക്യാ​പ്റ്റ​ന്മാ​ർ, മ​ത്സ്യ​ത്തൊ​ഴി​ലാ​ളി​ക​ൾ, ചെ​റു​കി​ട, ഇ​ട​ത്ത​രം വാ​ണി​ജ്യ സം​രം​ഭ​ങ്ങ​ളു​ടെ ഉ​ട​മ​ക​ൾ എ​ന്നി​വ​ർ ഇ​തി​ൽ ഉ​ൾ​പ്പെ​ടു​മെ​ന്ന് അ​ൽ മ​ഹ്ഫൂ​ദ് പ​റ​ഞ്ഞു. പൊ​തു​മേ​ഖ​ല​യി​ലെ സ്വ​കാ​ര്യ മേ​ഖ​ല​യി​ലോ ശ​മ്പ​ളം വാ​ങ്ങു​ന്ന ജീ​വ​ന​ക്കാ​ർ​ക്ക് ല​ഭി​ക്കു​ന്ന ത​ര​ത്തി​ലു​ള്ള സു​ര​ക്ഷ​ക​ൾ ഇ​ത്ത​ര​ക്കാ​ർ​ക്ക് ല​ഭി​ക്കു​ന്നി​ല്ല. അ​വ​രു​ടെ വ​രു​മാ​നം ജോ​ലി ചെ​യ്യാ​നു​ള്ള അ​വ​രു​ടെ​ശേ​ഷി പോ​ലെ​യാ​ണെ​ന്നും അ​ദ്ദേ​ഹം പ​റ​ഞ്ഞു. അ​തു​കൊ​ണ്ട് അ​വ​ർ​ക്ക് രോ​ഗ​മോ മ​റ്റ് അ​ടി​യ​ന്ത​ര സാ​ഹ​ച​ര്യ​മോ ഉ​ണ്ടാ​യാ​ൽ വ​രു​മാ​നം നി​ല​ക്കു​ന്ന അ​വ​സ്ഥ‍യാ​കും.

ക​ഠി​നാ​ധ്വാ​നി​ക​ളാ​യ ഇ​ത്ത​രം ബ​ഹ്റൈ​നി​ക​ളെ പി​ന്തു​ണ​ക്കു​ക എ​ന്ന​താ​ണ് ഞ​ങ്ങ​ളു​ടെ ല​ക്ഷ്യ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. പാ​ർ​ല​മെ​ന്റ് സ്പീ​ക്ക​ർ അ​ഹ​മ്മ​ദ് അ​ൽ മു​സ​ല്ലം ഈ ​നി​യ​മം പു​നഃ​പ​രി​ശോ​ധ​ന​ക്കാ​യി സേ​വ​ന​സ​മി​തി​ക്ക് അ​യ​ച്ചി​ട്ടു​ണ്ട്.