ഐ​ശ്വ​ര്യ​സ്മൃ​തി​ക​ളു​മാ​യി ഇ​ന്ന് വി​ഷു

മ​നാ​മ: സ​മൃ​ദ്ധി​യു​ടെ​യും ഐ​ശ്വ​ര്യ​ത്തി​ന്റെ​യും സ്മ​ര​ണ​ക​ളു​മാ​യി മ​ല​യാ​ളി​ക​ൾ ഞാ​യ​റാ​ഴ്ച വി​ഷു ആ​ഘോ​ഷി​ക്കും. ഗൃ​ഹാ​തു​ര​ത്വ​ത്തി​ന്‍റെ ഓ​ർ​മ​ക​ളു​ണ​ർ​ത്തി ക​ണി​വെ​ച്ചും വി​ഷു​ക്കൈ​നീ​ട്ടം ന​ൽ​കി​യും ബ​ഹ്‌​റൈ​നി​ലെ മ​ല​യാ​ളി​ക​ളും വി​ഷു ആ​ഘോ​ഷ​മാ​ക്കും. ക​ണി ക​ണ്ടു​ണ​രാ​ൻ ക​ണി വി​ഭ​വ​ങ്ങ​ളും നി​ര​ന്നു​ക​ഴി​ഞ്ഞു. വി​ഷു​സ​ദ്യ വി​ഭ​വ​ങ്ങ​ൾ ഒ​രു​ക്കു​ന്ന​തി​ന്‍റെ തി​ര​ക്കി​ലാ​ണ് കു​ടും​ബ​ങ്ങ​ൾ.

പു​തു​വ​സ്ത്ര​ങ്ങ​ളു​ടു​ത്ത് കു​ട്ടി​ക​ൾ വി​ഷു​ക്കൈ​നീ​ട്ട​ത്തി​നാ​യി കാ​ത്തി​രി​ക്കും. നി​ര​വ​ധി കു​ടും​ബ​ങ്ങ​ൾ ഒ​ത്തു​കൂ​ടി​യും കൂ​ട്ടാ​യ്മ​യാ​യും ആ​ഘോ​ഷ​ങ്ങ​ൾ സം​ഘ​ടി​പ്പി​ക്കു​ന്നു​ണ്ട്. വി​ഷു​വി​ന്‍റെ ഭാ​ഗ​മാ​യി ക്ഷേ​ത്ര​ങ്ങ​ളി​ൽ പ്ര​ത്യേ​ക പൂ​ജ​യും ന​ട​ക്കു​ന്നു​ണ്ട്. വി​ഷു​ക്ക​ണി വി​ഭ​വ​ങ്ങ​ൾ വ്യാ​പാ​ര സ്ഥാ​പ​ന​ങ്ങ​ളി​ൽ നേ​ര​ത്തെ എ​ത്തി​യി​രു​ന്നു. ക​ണി മാ​ങ്ങ​യും വെ​ള്ള​രി​യും, കൊ​ന്ന​യും അ​ട​ക്ക​മു​ള്ള വി​ഷു വി​ഭ​വ​ങ്ങ​ൾ വാ​ങ്ങാ​ൻ ശ​നി​യാ​ഴ്​​ച വ്യാ​പാ​ര സ്ഥാ​പ​ന​ങ്ങ​ളി​ൽ വ​ൻ തി​ര​ക്കാ​ണ് അ​നു​ഭ​വ​പ്പെ​ട്ട​ത്. കേ​ര​ള​ത്തി​ൽ​നി​ന്ന് വി​ഷു വി​ഭ​വ​ങ്ങ​ളെ​ല്ലാം എ​ത്തി​ക്ക​ഴി​ഞ്ഞു. പ​ല ഹൈ​പ്പ​ർ മാ​ർ​ക്ക​റ്റു​ക​ളും ഹോ​ട്ട​ലു​ക​ളും വി​ഷു​സ​ദ്യ ഒ​രു​ക്കി​യി​ട്ടു​ണ്ട്. ഇ​തി​നാ​യി നേ​ര​ത്തെ​ത​ന്നെ ബു​ക്കി​ങ്​ തു​ട​ങ്ങി​യി​രു​ന്നു. സ​ദ്യ കി​റ്റു​ക​ൾ​ക്ക് വ​ൻ സ്വീ​കാ​ര്യ​ത​യാ​ണ് ല​ഭി​ക്കു​ന്ന​ത്. വി​ഷു ഓ​ഫ​റു​ക​ൾ വ്യാ​പാ​ര സ്ഥാ​പ​ന​ങ്ങ​ളി​ൽ നേ​ര​ത്തെ​ത​ന്നെ ആ​രം​ഭി​ച്ചി​രു​ന്നു.