കേ​സു​​ണ്ടെ​ങ്കി​ൽ പാ​സ്​​പോ​ർ​ട്ട് പു​തു​ക്കി​ക്കി​ട്ടു​മോ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

?എ​ന്റെ പാ​സ്​​പോ​ർ​ട്ട് പു​തു​ക്കേ​ണ്ട​ത് അ​ടു​ത്ത​മാ​സ​മാ​ണ്. പ​ക്ഷേ, എ​ന്റെ പേ​രി​ൽ നാ​ട്ടി​ൽ ഒ​രു ക്രി​മി​ന​ൽ കേ​സു​ണ്ട്. അ​തു​കൊ​ണ്ട് പൊ​ലീ​സ് ക്ലി​യ​റ​ൻ​സ് ല​ഭി​ക്കു​മെ​ന്ന് ക​രു​തു​ന്നി​ല്ല. ഞാ​ൻ ഇ​പ്പോ​ൾ കോ​ട​തി​യി​ൽ​നി​ന്ന് ജാ​മ്യ​ത്തി​ലാ​ണ്. എ​നി​ക്ക് യാ​ത്ര ചെ​യ്യു​ന്ന​തി​ന് ത​ട​സ്സ​മൊ​ന്നു​മി​ല്ല. പൊ​ലീ​സ് ക്ലി​യ​റ​ൻ​സ് ല​ഭി​ക്കാ​ൻ എ​ന്താ​ണ് ഞാ​ൻ ചെ​യ്യേ​ണ്ട​ത്. ഇ​ന്ത്യ​ൻ എം​ബ​സി​യി​ൽ​നി​ന്ന് സ​ഹാ​യം ല​ഭി​ക്കു​മോ.

ഒ​രു വാ​യ​ന​ക്കാ​ര​ൻ

• നാ​ട്ടി​ൽ എ​ന്തെ​ങ്കി​ലും ക്രി​മി​ന​ൽ കേ​സ് നി​ല​വി​ലു​ണ്ടെ​ങ്കി​ൽ അ​ത് തീ​ർ​പ്പാ​കു​ന്ന​തു​വ​രെ പൊ​ലീ​സ് ക്ലി​യ​റ​ൻ​സ് ല​ഭി​ക്കു​ക​യി​ല്ല. അ​ത് ല​ഭി​ച്ചി​ല്ലെ​ങ്കി​ൽ എം​ബ​സി പാ​സ്​​പോ​ർ​ട്ട് പു​തു​ക്കു​ക​യു​മി​ല്ല. അ​തു​കൊ​ണ്ട് താ​ങ്ക​ൾ നാ​ട്ടി​ൽ കേ​സ് ന​ട​ക്കു​ന്ന കോ​ട​തി​യി​ൽ അ​ല്ലെ​ങ്കി​ൽ ഹൈ​കോ​ട​തി​യി​ൽ അ​പേ​ക്ഷ ന​ൽ​ക​ണം. കോ​ട​തി പാ​സ്​​പോ​ർ​ട്ട് പു​തു​ക്കാ​നു​ള്ള ഓ​ർ​ഡ​ർ ന​ൽ​കും. നാ​ട്ടി​ലെ താ​ങ്ക​ളു​ടെ അ​ഭി​ഭാ​ഷ​ക​നോ​ട് ചോ​ദി​ച്ചാ​ൽ എ​ല്ലാ വി​വ​ര​ങ്ങ​ളും പ​റ​ഞ്ഞു​ത​രും. ഇ​തു​പോ​ലു​ള്ള പ​രാ​തി​ക​ൾ കോ​ട​തി പെ​ട്ടെ​ന്ന് തീ​ർ​പ്പാ​ക്കു​മെ​ന്നാ​ണ് അ​റി​വ്. താ​ങ്ക​ൾ​ക്ക് അ​ത്യാ​വ​ശ്യ​മാ​യി നാ​ട്ടി​ൽ പോ​ക​ണ​മെ​ങ്കി​ൽ എം​ബ​സി​ക്ക് എ​മ​ർ​ജ​ൻ​സി സ​ർ​ട്ടി​ഫി​ക്ക​റ്റ് അ​താ​യ​ത് ഇ​വി​ടെ​നി​ന്ന് പോ​കു​വാ​നു​ള്ള ഒ​രു രേ​ഖ ന​ൽ​കു​വാ​ൻ സാ​ധി​ക്കും. അ​ല്ലാ​തെ സാ​ധാ​ര​ണ രീ​തി​യി​ൽ പാ​സ്​​പോ​ർ​ട്ട് പു​തു​ക്കാ​ൻ പ്ര​യാ​സ​മാ​ണ്.

ഗോ​ൾ​ഡ​ൻ വി​സ

ഗോ​ൾ​ഡ​ൻ വി​സ ഇ​വി​ടെ താ​മ​സി​ക്കാ​നു​ള്ള വി​സ മാ​ത്ര​മാ​ണ്. ഗോ​ൾ​ഡ​ൻ വി​സ​യു​ണ്ടെ​ങ്കി​ൽ സ്​​പോ​ൺ​സ​റി​ല്ലാ​തെ ബ​ഹ്റൈ​നി​ൽ താ​മ​സി​ക്കാം. അ​ത് പു​തു​ക്കാ​നും സാ​ധി​ക്കും. ഫാ​മി​ലി​ക്കും വി​സ ല​ഭി​ക്കും. ഗോ​ൾ​ഡ​ൻ വി​സ കൊ​ണ്ട് ഇ​വി​ടെ ജോ​ലി ചെ​യ്യാ​നോ ബി​സി​ന​സ് ന​ട​ത്താ​നോ പ​റ്റി​ല്ല. അ​തി​ന് എ​ൽ.​എം.​ആ​ർ.​എ​യു​ടെ പെ​ർ​മി​റ്റ് എ​ടു​ക്ക​ണം. ജോ​ലി ചെ​യ്യു​ക​യാ​ണെ​ങ്കി​ൽ ജോ​ലി ചെ​യ്യാ​നു​ള്ള തൊ​ഴി​ൽ പെ​ർ​മി​റ്റ് തൊ​ഴി​ലു​ട​മ എ​ടു​ക്ക​ണം. അ​പ്പോ​ൾ തൊ​ഴി​ൽ പെ​ർ​മി​റ്റ് മാ​ത്ര​മേ ന​ൽ​കു​ക​യു​ള്ളൂ. അ​തി​ന്റെ കൂ​ടെ സാ​ധാ​ര​ണ ല​ഭി​ക്കു​ന്ന താ​മ​സ​വി​സ ല​ഭി​ക്കു​ക​യി​ല്ല. പ​ക്ഷേ, എ​ൽ. എം.​ആ​ർ.​എ​യു​ടെ ഫീ​സ്, സോ​ഷ്യ​ൽ ഇ​ൻ​ഷു​റ​ൻ​സ് കോ​ൺ​ട്രി​ബ്യൂ​ഷ​ൻ​സ് എ​ല്ലാം അ​ട​യ്ക്ക​ണം. ഒ​രു തൊ​ഴി​ലാ​ളി​ക്ക് ല​ഭി​ക്കു​ന്ന എ​ല്ലാ ആ​നു​കൂ​ല്യ​ങ്ങ​ളും ല​ഭി​ക്കു​ക​യും ചെ​യ്യും.

ഗോ​ൾ​ഡ​ൻ വി​സ​യു​ള്ള​യാ​ൾ ഇ​വി​ടെ ബി​സി​ന​സ് തു​ട​ങ്ങു​ക​യാ​ണെ​ങ്കി​ൽ എ​ൽ.​എം.​ആ​ർ.​എ​യി​ൽ​നി​ന്ന് ക​മ്പ​നി​യു​ടെ പേ​രി​ൽ വ​ർ​ക്ക് പെ​ർ​മി​റ്റ് എ​ടു​ക്ക​ണം. അ​താ​യ​ത് എ​ൽ.​എം.​ആ​ർ.​എ ന​ൽ​കു​ന്ന ഇ​ൻ​വെ​സ്റ്റ​ർ/​പാ​ർ​ട്ട്ണ​ർ വ​ർ​ക്ക് പെ​ർ​മി​റ്റ്.