സാ​റി​ലെ വാ​ഹ​നാ​പ​ക​ടം; വി​ധി​പ്ര​ഖ്യാ​പ​നം ജൂ​ലൈ 16ന്

​മ​നാ​മ: സാ​റി​ൽ മേ​യ് 30ന് ​ന​ട​ന്ന വാ​ഹ​നാ​പ​ക​ട​ത്തി​ൽ പ്ര​തി​ക്കെ​തി​രെ​യു​ള്ള കേ​സി​ൽ ജൂ​ലൈ 16ന് ​വി​ധി പ​റ​യും. ക​ഴി​ഞ്ഞ​ദി​വ​സം ന​ട​ന്ന പ്രോ​സി​ക്യൂ​ഷ​ന്‍റെ​യും പ്ര​തി​ഭാ​ഗം വ​ക്കീ​ലി​ന്‍റെ​യും വാ​ദ​ങ്ങ​ൾ കേ​ട്ട കോ​ട​തി, വി​ധി​പ്ര​ഖ്യാ​പ​നം അ​ടു​ത്ത ആ​ഴ്ച​യി​ലേ​ക്ക് മാ​റ്റു​ക​യാ​യി​രു​ന്നു. സം​ഭ​വ​ത്തി​ൽ പ്ര​തി​യു​ടെ അ​ഭി​ഭാ​ഷ​ക​ൻ, അ​പ​ക​ട​ത്തി​ൽ ത​ന്‍റെ ക​ക്ഷി​ക്ക് ഉ​ത്ത​ര​വാ​ദി​ത്ത​മി​ല്ലെ​ന്ന് വാ​ദി​ച്ചു. അ​തേ​സ​മ​യം, പ്ര​തി​ക്ക് യാ​തൊ​രു ദ​യ​യും കാ​ണി​ക്ക​രു​തെ​ന്ന് പ്രോ​സി​ക്യൂ​ഷ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. മാ​താ​വും പി​താ​വും അ​വ​രു​ടെ മൂ​ന്ന് കു​ട്ടി​ക​ളു​മ​ട​ങ്ങി​യ കു​ടും​ബ​മാ​യി​രു​ന്നു കാ​റി​ൽ സ​ഞ്ച​രി​ച്ചി​രു​ന്ന​ത്. അ​പ​ക​ട​ത്തി​ൽ 40 വ​യ​സ്സു​കാ​ര​നാ​യ അ​ഹ​മ്മ​ദ് അ​ൽ ഓ​റൈ​ദ്, 36കാ​രി​യാ​യ ഭാ​ര്യ ഫാ​ത്തി​മ അ​ൽ ഖൈ​ദൂം എ​ന്നി​വ​ർ സം​ഭ​വ​ദി​വ​സം ത​ന്നെ മ​ര​ണ​പ്പെ​ട്ടി​രു​ന്നു. ആ​ശു​പ​ത്രി​യി​ൽ ഗു​രു​ത​രാ​വ​സ്ഥ​യി​ൽ ചി​കി​ത്സ​യി​ലാ​യി​രു​ന്ന മ​ക്ക​ളി​ൽ ഏ​ഴു വ​യ​സ്സു​കാ​ര​നാ​യ അ​ബ്ദു​ൽ അ​സീ​സ് ജൂ​ൺ 13നും ​മ​രി​ച്ചു. സാ​ര​മാ​യ പ​രി​ക്കേ​റ്റ 12 ഉം ​ഒ​മ്പ​തും വ​യ​സ്സാ​യ മ​റ്റു ര​ണ്ടു​പേ​ർ​ക്ക് രോ​ഗം ഭേ​ദ​മാ​യി​വ​രു​ക​യാ​ണ്. അ​വ​രി​പ്പോ​ൾ ബ​ന്ധു വീ​ട്ടി​ൽ വി​ശ്ര​മ​ത്തി​ലാ​ണ്.

പ്ര​തി​യു​ടെ അ​ഭി​ഭാ​ഷ​ക​ൻ അ​ഹ​മ്മ​ദ് തൗ​ഖ്, ത​ന്‍റെ ക​ക്ഷി​ക്ക് അ​പ​സ്മാ​രം വ​ന്ന​തു​കൊ​ണ്ടും വാ​ഹ​ന​ത്തി​ന്‍റെ ഒ​രു ട​യ​ർ പൊ​ട്ടി​യ​തു​മാ​ണ് അ​പ​ക​ട​ത്തി​ന് കാ​ര​ണ​മാ​യ​തെ​ന്ന് വാ​ദി​ച്ചു.പ്ര​തി ബ്രെ​യി​ൻ ട്യൂ​മ​ർ ബാ​ധി​ച്ച ആ​ളാ​ണെ​ന്നും അ​തി​നാ​ൽ ദ​യ​യോ​ടെ പ​രി​ഗ​ണി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. പ്ര​തി ക​ഴി​ക്കു​ന്ന അ​പ​സ്മാ​ര മ​രു​ന്നു​ക​ൾ കി​ഡ്നി​യു​ടെ പ്ര​വ​ർ​ത്ത​ന​ത്തെ ബാ​ധി​ച്ചി​ട്ടു​ണ്ടെ​ന്നും അ​തി​നാ​ലാ​ണ് ര​ക്ത​പ​രി​ശോ​ധ​ന​യി​ൽ മ​ദ്യ​പി​ച്ച​താ​യി തെ​റ്റി​ദ്ധാ​ര​ണ ഉ​ണ്ടാ​ക്കി​യ​തെ​ന്നും അ​ദ്ദേ​ഹം പ​റ​ഞ്ഞു. കൂ​ടാ​തെ കു​ട്ടി​ക​ൾ സീ​റ്റ് ബെ​ൽ​റ്റ് ധ​രി​ക്കാ​ത്ത​ത് ട്രാ​ഫി​ക് നി​യ​മ​ലം​ഘ​ന​മാ​ണെ​ന്നും പി​താ​വി​ന്‍റെ അ​നാ​സ്ഥ​യാ​ണ് കു​ട്ടി​ക​ളു​ടെ പ​രി​ക്കു​ക​ൾ​ക്ക് കാ​ര​ണ​മെ​ന്നും അ​ദ്ദേ​ഹം ആ​രോ​പി​ച്ചു. സി.​സി ടി.​വി ദൃ​ശ്യ​ങ്ങ​ൾ പൂ​ർ​ണ​മാ​യ ചി​ത്രം ന​ൽ​കു​ന്നി​ല്ലെ​ന്നും അ​ദ്ദേ​ഹം വാ​ദി​ച്ചു. പി​താ​വ് മ​രി​ച്ച​ത് ഹൃ​ദ​യാ​ഘാ​തം മൂ​ല​മാ​ണെ​ന്നും അ​പ​ക​ട​ത്തി​ലെ പ​രി​ക്കു​ക​ൾ കാ​ര​ണ​മ​ല്ലെ​ന്നും അ​ദ്ദേ​ഹം അ​വ​കാ​ശ​പ്പെ​ട്ടു.

എ​ന്നാ​ൽ, പ്ര​തി​യു​ടെ പ്ര​വൃ​ത്തി​ക​ളെ ‘പൊ​റു​ക്കാ​നാ​കാ​ത്ത​ത്’ എ​ന്ന് വി​ശേ​ഷി​പ്പി​ച്ചാ​ണ് പ്രോ​സി​ക്യൂ​ഷ​ൻ വാ​ദി​ച്ച​ത്. മ​യ​ക്കു​മ​രു​ന്ന് ഉ​പ​യോ​ഗി​ച്ച​താ​ണ് അ​പ​ക​ട​ത്തി​ന് കാ​ര​ണ​മാ​യ​തെ​ന്നും അ​വ​ർ ആ​രോ​പി​ച്ചു. പ്ര​തി എ​തി​ർ​ദി​ശ​യി​ലേ​ക്ക് വാ​ഹ​നം ക​യ​റ്റി നി​ര​പ​രാ​ധി​ക​ളാ​യ ജീ​വ​നു​ക​ൾ അ​പ​ഹ​രി​ക്കു​ക​യാ​യി​രു​ന്നു​വെ​ന്നും അ​ദ്ദേ​ഹം വാ​ദി​ച്ചു. ഇ​ത് സാ​ധാ​ര​ണ ട്രാ​ഫി​ക് അ​പ​ക​ട​മ​ല്ലെ​ന്നും മ​റി​ച്ച് അ​മി​ത​മാ​യ അ​നാ​സ്ഥ, അ​ങ്ങേ​യ​റ്റ​ത്തെ അ​ശ്ര​ദ്ധ, നി​യ​മ​ങ്ങ​ളോ​ടും മ​നു​ഷ്യ​ജീ​വ​നോ​ടു​മു​ള്ള അ​വ​ഗ​ണ​ന എ​ന്നി​വ ഉ​ൾ​പ്പെ​ടു​ന്ന ഒ​രു കു​റ്റ​കൃ​ത്യ​മാ​ണെ​ന്നും പ്രോ​സി​ക്യൂ​ഷ​ൻ വാ​ദി​ച്ചു. സാ​ക്ഷി​യെ വി​ളി​ച്ചു​വ​രു​ത്താ​നും സി.​സി ടി.​വി ദൃ​ശ്യ​ങ്ങ​ൾ പ്ര​തി​ഭാ​ഗ​ത്തി​ന് ന​ൽ​കാ​നു​മു​ള്ള പ്ര​തി​ഭാ​ഗം അ​ഭി​ഭാ​ഷ​ക​ന്‍റെ അ​പേ​ക്ഷ​യും ജ​ഡ്ജി അ​നു​വ​ദി​ച്ചി​ല്ല. പ്ര​തി​യു​ടെ രോ​ഗ​ത്തി​ന്‍റെ വ്യാ​പ്തി​യും അ​ത് അ​ദ്ദേ​ഹ​ത്തി​ന്‍റെ തീ​രു​മാ​ന​മെ​ടു​ക്കാ​നു​ള്ള ക​ഴി​വി​നെ എ​ങ്ങ​നെ ബാ​ധി​ച്ചു​വെ​ന്ന് നി​ർ​ണ​യി​ക്കാ​ൻ ഒ​രു മെ​ഡി​ക്ക​ൽ ക​മീ​ഷ​ന്‍റെ വി​ല​യി​രു​ത്ത​ലി​നു​ള്ള അ​പേ​ക്ഷ​യും നി​ര​സി​ക്കു​ക​യാ​യി​രു​ന്നു.