വി.ഡി. സതീശനെ അഭിനന്ദിച്ചു

മനാമ: പ്രതിപക്ഷ നേതാവായി തെരഞ്ഞെടുത്ത വി.ഡി. സതീശനെ ഒ.ഐ.സി.സി എറണാകുളം ജില്ല കമ്മിറ്റി അഭിനന്ദിച്ചു. പ്രവർത്തകർ മധുരം വിതരണംചെയ്​ത്​ സന്തോഷം പ്രകടിപ്പിച്ചു. യു.ഡി.എഫിനെ ഭരണത്തിൽ തിരിച്ചെത്തിക്കാനും കേരളത്തി​െൻറ ജനകീയ മുഖമാവുന്നതിനും വി.ഡി. സതീശന് കഴിയും.

കളങ്കരഹിതമായ പൊതു പ്രവർത്തനപാരമ്പര്യമുള്ള വി.ഡി. സതീശന് മതേതര, ജനാധിപത്യ മൂല്യങ്ങൾ ഉയർത്തിപ്പിടിച്ച്​ പ്രവർത്തിക്കാൻ കഴിയുമെന്ന്​ വിശ്വസിക്കുന്നതായും ഭാരവാഹികൾ പറഞ്ഞു. ജില്ല പ്രസിഡൻറ്​ ജസ്​റ്റിൻ ജേക്കബ്, ജനറൽ സെക്രട്ടറി ജലീൽ മുല്ലപ്പള്ളി, ഒ.ഐ.സി.സി ദേശീയ സെക്രട്ടറി മനു മാത്യു, ദേശീയ കമ്മിറ്റി അംഗങ്ങളായ സുനിൽ ചെറിയാൻ, സിൻസൺ ചാക്കോ, സൽമാനുൽ ഫാരിസ്, നിസാർ കുന്നംകുളത്തിങ്ങൽ എന്നിവർ നേതൃത്വം നൽകി.