വായാടിക്കുന്നിലെ വിശേഷങ്ങൾ നാളെ അരങ്ങിൽ

മനാമ: ബഹ്​റൈൻ കേരളീയ സമാജംസംഘടിപ്പിക്കുന്ന പൊഫ. നരേന്ദ്ര പ്രസാദ് അനുസ്​മരണ നാടകോത്സവത്തോടനുബന്ധിച്ച്​ സമാജം സ്കൂൾ ഓഫ് ഡ്രാമയുടെ ആഭിമുഖ്യത്തിൽ നാളെ വൈകീട്ട് എട്ടിന്​ സമാജം ഡയമണ്ട് ജൂബിലി ഹാളിൽ ‘വായാടിക്കുന്ന് പി .ഒ’ എന്ന നാടകം അരങ്ങേറുന്നു. തൃശ്ശൂർ പെരുവല്ലൂർ സ്വദേശിയും , സ്കൂൾ അധ്യാപകനും , നാടകപ്രവർത്തകനുമായ ദാമോദർ മെമ്പള്ളി രചനയും സമാജം അംഗവും കേരള സംഗീത നാടക അക്കാദമി പുരസ്കാര ജേതാവുമായ മനോഹരൻ പാവറട്ടി നാടകം സംവിധാനം ചെയ്യും.

ഒരു ഗ്രാമത്തി​​​െൻറ ​െഎക്യവും അവിടെയുള്ളവരുടെ ജീവിതവും വായാടികുന്നിലമ്മയുടെ ക്ഷേത്രവും അതുമായി ബന്​ധപ്പെട്ട സംഭവങ്ങളുമാണ്​ ഈ നാടകത്തിലൂടെ പ്രേക്ഷകരിലേക്ക് എത്തിക്കുവാൻ ശ്രമിക്കുന്നത്. പുതുമുഖങ്ങൾ ഉൾപ്പെടെയുള്ള ഒരു വലിയ താരനിരയാണ് ഈ നാടകത്തിലൂടെ അരങ്ങിലെത്തുന്നത് . പ്രദീപ് പതേരി , വിനയചന്ദ്രൻ , ഗണേഷ് കൂരാറ , ഹീര ജോസഫ് , സജീവൻ ചെറുകുന്ന് , ബിനോജ് പാവറട്ടി , മുഹമ്മദ് ഇക്ബാൽ , ഷിബു ഗുരുവായൂർ ,കരുണാകരൻ , സനൽകുമാർ , ഭാഗ്യരാജ്, നിഷ ദിലീഷ് , സന്ധ്യ ജയരാജ് , സാറ സാജൻ, സിദ്ധാർഥ് ജയരാജ് തുടങ്ങിയവരാണ് വേഷമിടുന്നത്​. ഗാനരചനയും സംഗീത സംവിധാനവും വിജയൻ കല്ലാച്ചി. നാടകം കാണുവാനും, കലാകാരന്മാരെ പ്രോത്സാഹിപ്പിക്കുന്നതിനുമായി എല്ലാ നാടക ആസ്വാദകരെയും ക്ഷണിക്കുന്നതായും പ്രവേശനം സൗജന്യമാണെന്നും സമാജം പ്രസിഡൻറ്​ പി .വി .രാധാകൃഷ്ണപിള്ള , ജനറൽ സെക്രട്ടറി എം. പി. രഘു എന്നിവർ അറിയിച്ചു. കൂടുതൽ വിവരങ്ങൾക്ക് സമാജം കലാവിഭാഗം സെക്രട്ടറി ഹരീഷ് മേനോനെ(33988196) ബന്ധപ്പെടാവുന്നതാണ്