വാറ്റ്​: ചില മേഖലകളിൽ ആശയക്കുഴപ്പം; പരിശോധന തുടരുന്നു

മനാമ: രാജ്യത്ത്​ മൂല്യ വർധിത നികുതി (വാറ്റ്​) നടപ്പാക്കി മൂന്നു നാൾ പിന്നിടു​േമ്പാൾ ചില മേഖലകളിൽ ആശയക്കുഴപ്പ ം തുടരുന്നതായി റിപ്പോർട്ട്​. വാറ്റില്ലാത്ത സാധനങ്ങളെക്കുറിച്ചാണ്​ കാര്യമായ ആശയക്കുഴപ്പമുള്ളത്​. വിതരണ ശൃം ഖയുടെ ഘട്ടങ്ങളിൽ നികുതി നൽകുന്നതു​കൊണ്ട്​ തങ്ങൾ അഞ്ചു ശതമാനത്തിലധികം നികുതി തുക നൽകേണ്ടി വരുമോ എന്ന ആശങ് ക ചിലയാളുകൾ പങ്കുവെച്ചു. എല്ലാ സാധനങ്ങൾക്കും ബിൽ വാങ്ങി കൃത്യമായി പരിശോധിക്കുക എന്നതാണ്​ ഉപഭോക്താക്കൾ കബളി പ്പിക്കപ്പെടാതിരിക്കാൻ ചെയ്യേണ്ടതെന്ന്​ ഇൗ രംഗത്തുള്ളവർ പറഞ്ഞു. നാഷനൽ ബ്യൂറോ ഒാഫ്​ ട​ാക്​സേഷനിൽ (എൻ.ബി.ടി) രജിസ്​റ്റർ ചെയ്യാത്ത സ്​ഥാപനങ്ങൾക്ക്​ വാറ്റ്​ ചുമത്താനാകില്ല. ഇതിനായി സ്​ഥാപനങ്ങൾ ടാക്​സ്​ ​െഎഡൻറിഫിക്കേഷൻ നമ്പറും സ്വന്തമാക്കണം. ഇൗ നമ്പർ ഇൻവോയ്​സുകളിൽ കാണിക്കണം. വാറ്റില്ലാത്ത സാധന^സേവനങ്ങൾ എന്നാൽ, ഇൗ സാധനങ്ങളുടെ ചില്ലറ വിൽപനയിൽ മാറ്റമുണ്ടാകാൻ പാടില്ല.

വാറ്റ്​ വരുന്നതോടെ, ഇൗ വർഷത്തി​​​െൻറ ആദ്യ പാദത്തിലെ വിൽപനയെ ബാധിക്കുമെന്ന്​ വാറ്റ്​ ബാധകമാകുന്ന വ്യാപാര മേഖലകളിലുള്ളവർ കണക്കു കൂട്ടുന്നുണ്ട്. എന്നാൽ, അവസാന പാദമാകു​േമ്പാഴേക്കും സ്​ഥിതിഗതികൾ മാറുമെന്നും അവർ കരുതുന്നു. 2016ലെ ജി.സി.സി ഏകീകൃത വാറ്റ്​ കരാർ പ്രകാരം മേഖലയിൽ ഇൗ നികുതി സ​മ്പ്രദായം നടപ്പാക്കുന്ന മൂന്നാമത്തെ രാജ്യമാണ്​ ബഹ്​റൈൻ. യു.എ.ഇയും സൗദിയുമാണ്​ വാറ്റ്​ നിലവിൽ വന്ന മറ്റ്​ രാഷ്​ട്രങ്ങൾ. വാറ്റുവന്നതോടെ, കോൾഡ് സ്​റ്റോർ മേഖലയിൽ പല ഉൽപന്നങ്ങൾക്കും ലാഭ വിഹിതം കുറഞ്ഞതായി വ്യാപാരികൾ പറയുന്നു. 100ഫിൽസിനു വിൽക്കുന്ന പാലിന് ഇപ്പോൾ നികുതി കിഴിച്ച്​ 97 ഫിൽസ് വരുന്നതായാണ്​ ഇവർ പറയുന്നത്​.

പലരുടെ കയ്യിലും ചില്ലറ കാണില്ല എന്നതിനാൽ, പാൽ 110ഫിൽസിന്​ വിൽക്കുക എന്നത് അപ്രായോഗികം ആണ്​. 100ഫിൽസിനു വിൽക്കുന്ന ജ്യൂസ്, ക്രോയ്‌സൻറ് തുടങ്ങിയവയുടെയൊക്കെ സ്ഥിതി ഇതാണത്രെ. കൂടി വരുന്ന നടത്തിപ്പ് ചെലവുകൾ, ജോലിക്കാരെ കിട്ടാത്ത അവസ്ഥ ഇതൊക്കെ നിലനിൽക്കു​േമ്പാൾ, ചില്ലറയിലുണ്ടാകുന്ന മാറ്റമാണെങ്കിൽ പോലും അത്​ നന്നായി ബാധിക്കുമെന്നാണ്​ ഇവർ അഭിപ്രായപ്പെടുന്നത്​. വാറ്റ്​ നിലവിൽ വന്ന തോടെ രാജ്യത്തെ വിപണികളിൽ വ്യവസായ, വാണിജ്യ, ടൂറിസം മ​ന്ത്രാലയ ഉദ്യോഗസ്​ഥർ പരിശോധന തുടങ്ങിയിട്ടുണ്ട്​. വാറ്റ്​ കണക്കാക്കുന്നതിലെ പിഴവുകൾ പര​ിശോധിക്കുകയും അടിസ്​ഥാന ഉൽപന്നങ്ങൾക്കും സേവനങ്ങൾക്കും പുതിയ നികുതി ചുമത്തുന്നില്ല എന്ന്​ ഉറപ്പാക്കുകയുമാണ്​ ചെയ്യുന്നത്​​.

മന്ത്രാലയത്തിലെ ഇൻസ്​പെക്​ഷൻ സ​​െൻറർ കൺസ്യൂമർ പ്രൊട്ടക്​ഷൻ ഡയറക്​ടറേറ്റുമായി ചേർന്നാണ് ഇപ്പോൾ​ പരിശോധനകൾ നടത്തുന്നത്​.
വാറ്റ്​ ഇല്ലാത്ത ഉൽപന്നങ്ങൾക്ക്​ അധിക ചാർജ്​ ഇൗടാക്കിയാൽ കടുത്ത പിഴ ഒടുക്കേണ്ടി വരുമെന്ന്​ അധികൃതർ അറിയിച്ചിട്ടുണ്ട്​. ഉപ​ഭോക്താക്കൾക്ക്​ വാറ്റ്​ സംബന്ധിച്ച പരാതികൾ ഉണ്ടെങ്കിൽ ഹോട്ട്​ലൈൻ നമ്പറായ 80008001ൽ അറിയിക്കാം. വാറ്റ്​ നിയമം നടപ്പാക്കാൻ വിമുഖത കാണിക്കുന്നത്​ ഒരു തരത്തിലും അവഗണിക്കില്ലെന്ന്​ വ്യവസായ, വാണിജ്യ, ടൂറിസം മന്ത്രി സായിദ്​ ബിൻ റാഷിദ്​ അസ്സയാനി വ്യക്തമാക്കിയിട്ടുണ്ട്​. വാറ്റ്​ ഇളവ്​ ലഭിക്കുന്ന സാധന^ സേവന വിവരങ്ങൾ നാഷനൽ ബ്യൂറോ ഒാഫ്​ ടാക്​സേഷൻ പുറത്തുവിട്ടിട്ടുണ്ട്​. എൻ.ബി.ടി വെബ്​സൈറ്റിൽ ഇതു സംബന്ധിച്ച വിവരമുണ്ട്​. ഘട്ടം ഘട്ടമായി നടപ്പാക്കുന്ന പദ്ധതി ആദ്യം വൻകിട സ്​ഥാപനങ്ങൾക്കാണ്​ ബാധകമാവുന്നത്​. അഞ്ച്​ ദശലക്ഷം ദിനാർ വിറ്റുവരവുള്ള എല്ലാ സ്​ഥാപനങ്ങളും വാറ്റിനായി ഡിസംബർ അവസാനത്തോടെ രജിസ്​ട്രേഷൻ പൂർത്തിയാക്കണമെന്നാണ്​ ചട്ടം.

ഇവർക്കാണ്​ ജനുവരി ഒന്നു മുതൽ പുതിയ നികുതി സ​മ്പ്രദായം ബാധകമായത്​. 500,000 ദിനാറിലധികം വരുമാനമുള്ള സ്​ഥാപനങ്ങൾ വാറ്റ്​ രജിസ്​ട്രേഷൻ പൂർത്തയാക്കേണ്ടത്​ 2019 ജൂൺ 20ഒാടെയാണ്. 37,500ഉം അതിലധികവും വരുമാനമുള്ളവർക്ക്​ രജിസ്​ട്രേഷന്​ ഡിസംബർ 20 വരെ സമയമുണ്ട്​. 37,500 ദിനാറിന്​ താഴെ വരുമാനമുള്ള സ്​ഥാപനങ്ങൾക്ക്​ രജിസ്​ട്രേഷന്​ അവസാന തിയതിയില്ല. ​രജിസ്​ട്രേഷൻ സംബന്ധിച്ച വിശദ വിവരങ്ങൾ എൻ.ബി.ടി വെബ്​സൈറ്റിൽ (www.nbt.gov.bh) ലഭ്യമാണ്​. ടെലികമ്മ്യൂണിക്കേഷൻ സേവനങ്ങൾ, തുണി^വസ്​ത്രം, ഹോട്ടൽ റെസ്​റ്റോറൻറ്, വാഹന മേഖലകൾക്ക്​ അഞ്ചുശതമാനമാണ്​ വാറ്റ്​.