വാറ്റ്​: ബോധവത്​കരണത്തിന്​ ശിൽപശാലകളുമായി ബി.സി.സി.​െഎ

മനാമ: മൂല്യവർധിത നികുതി (വാറ്റ്​) പടിവാതിൽക്കൽ എത്തിനിൽക്കെ, ബഹ്​റൈൻ ചേംബർ ഒാഫ്​ കൊമേഴ്​സ്​ ആൻറ്​ ഇൻഡസ്​ട്ര ി (ബി.സി.സി.​െഎ) വിവിധ വ്യാപാര^വ്യവസായ സമൂഹങ്ങൾക്കായി ശിൽപശാലകൾ നടത്തും. ഇതിന്​ ഇന്ന്​ തുടക്കമാകും. ബി.സി.സി.​െഎയു ടെ ധനകാര്യ, ഇൻഷുറൻസ്​, നികുതികാര്യ സമിതിയാണ്​ ശിൽപശാല നടത്തുന്നത്​. സനാബിസിൽ വ്യാഴാഴ്​ച വരെയാണ്​ പരിപാടി. ആദ് യ ദിവസം ധനകാര്യ സേവനം, റിയൽ എസ്​റ്റേറ്റ്​, നിർമാണ മേഖല, ചില്ലറ^മൊത്ത വിൽപന മേഖലകൾക്കായാണ്​ ശിൽപശാല. രണ്ടാമത്തെ ദിവസം നിർമാണം, കയറ്റുമതി, ഭക്ഷണ പാനീയങ്ങൾ, ആരോഗ്യ മേഖല എന്നിവക്കും അവസാന ദിവസം വിദ്യാഭ്യാസം ഗതാഗതം, ഇൻഷുറൻസ്​ മേഖലക്കുമായാണ്​ പരിപാടി സംഘടിപ്പിക്കുന്നത്​. കൂടുതൽ വിവരങ്ങൾ www.bcci.bh എന്ന വെബ്​സൈറ്റിൽ നിന്ന്​ അറിയാം.
പുതിയ നികുതി സ​​മ്പ്രദായത്തി​​​െൻറ വിവിധ വശങ്ങളെക്കുറിച്ച്​ ഉപഭോക്താക്കളെയും വ്യാപാരികളെയും ബോധവത്​കരിക്കുമെന്ന്​ ധനകാര്യ, ദേശീയ സാമ്പത്തിക മന്ത്രാലയത്തി​​​െൻറ അസി.അണ്ടർ സെക്രട്ടറി (ഡെവലപ്​മ​​െൻറ്​ ആൻറ്​ പോ ളിസി ഒാഫ്​ പബ്ലിക്​ റെവന്യൂസ്) റാണ ഇബ്രാഹിം ഫഖീഹി കഴിഞ്ഞ ദിവസം വ്യക്തമാക്കിയിരുന്നു. ഇതിനായി വ്യാപാര സ്​ഥാപനങ്ങൾക്കും കമ്പനികൾക്കുമായി ശിൽപശാലകൾ നടത്താൻ പദ്ധതിയുണ്ട്​.
അഞ്ച്​ ദശലക്ഷം ദിനാർ വിറ്റുവരവുള്ള എല്ലാ സ്​ഥാപനങ്ങളും വാറ്റിനായി രജിസ്​റ്റർ ചെയ്യാനുള്ള അവസാന തിയതി കഴിഞ്ഞിട്ടുണ്ട്​. ഇവർക്ക്​ ജനുവരി ഒന്നുമുതൽ പുതിയ നികുതി സ​മ്പ്രദായം ബാധകമാകും. 500,000 ദിനാറിലധികം വരുമാനമുള്ള സ്​ഥാപനങ്ങൾ വാറ്റ്​ രജിസ്​ട്രേഷൻ പൂർത്തയാക്കേണ്ടത്​ 2019 ജൂൺ 20ഒാടെയാണ്.
37,500ഉം അതിലധികവും വരുമാനമുള്ളവർക്ക്​ രജിസ്​ട്രേഷന്​ ഡിസംബർ 20 വരെ സമയമുണ്ട്​. 37,500 ദിനാറിന്​ താഴെ വരുമാനമുള്ള സ്​ഥാപനങ്ങൾക്ക്​ രജിസ്​ട്രേഷന്​ അവസാന തിയതിയില്ല. ​രജിസ്​ട്രേഷൻ സംബന്ധിച്ച വിശദ വിവരങ്ങൾ നാഷനൽ ബ്യൂറോ ഫോർ ടാക്​സേഷൻ (എൻ.ബി.ടി) വെബ്​സൈറ്റിൽ (www.nbt.gov.bh) ലഭ്യമാണ്​.