വളാഞ്ചേരി അസോസിയേഷൻ ഇഫ്താർ സംഗമം സംഘടിപ്പിച്ചു

മനാമ: ബഹ്‌റൈൻ വളാഞ്ചേരി അസോസിയേഷൻ ഇഫ്താർ സംഗമം സംഘടിപ്പിച്ചു. സിഞ്ചിലെ ബുഅലി റസ്റ്റാറന്‍റിൽ നടന്ന സംഗമത്തിൽ സാമൂഹിക പ്രവർത്തകരായ ചെമ്പൻ ജലാൽ, ബഷീർ അമ്പലായി, കെ.ടി. സലിം, ഫസലുൽ ഹഖ്, മുഹമ്മദാലി മലപ്പുറം, നിയമ വിദഗ്ധൻ മാധവൻ കല്ലത്ത്, മാധ്യമ പ്രവർത്തകൻ സിറാജ് പള്ളിക്കര എന്നിവർ പങ്കെടുത്തു. പ്രസിഡന്‍റ് മുനീർ ഒർവകൊട്ടിൽ അധ്യക്ഷത വഹിച്ചു. പ്രശസ്ത വാഗ്മി അബ്ദുറഹീം സഖാഫി റമദാൻ സന്ദേശം നൽകി.

മുഖ്യ രക്ഷാധികാരി റഹിം ആതവനാട്, കരീം മോൻ, അഹമ്മദ് കുട്ടി, മുഹമ്മദാലി ഇരിമ്പിളിയം, റിഷാദ്, രാജേഷ്, ബിലാൽ, വാഹിദ്, ഹമീദ്, കരീം മാവണ്ടിയൂർ, നാസർ മോൻ, റഷീദ്, റിയാസ് എന്നിവർ നേതൃത്വം നൽകി. അസോസിയേഷൻ സെക്രട്ടറി പ്രവീൺ മേല്പത്തൂർ സ്വാഗതം പറഞ്ഞു.