ഫീസടക്കാന്‍ കഴിയാത്തതിന്‍റെ പേരില്‍ ജീവനൊടുക്കുന്ന ദുർഗതി ഉണ്ടാകരുത്​ -യു.പി.പി

മനാമ: ഫീസടക്കാൻ കഴിയാതെ ജീവനൊടുക്കിയ രക്ഷിതാവിന്‍റെ ദുര്‍ഗതി ഇനിയൊരാൾക്കും ഉണ്ടാവാതിരിക്കാന്‍ തങ്ങളാലാവുന്ന മുഴുവന്‍ സഹായവും പാവപ്പെട്ട രക്ഷിതാക്കൾക്ക്​ ചെയ്​തുകൊടുക്കാൻ പ്രതിജ്​ഞാബദ്ധമാണെന്ന്​ യുണൈറ്റഡ്​ പേരൻറ്​സ്​ പാനൽ (യു.പി.പി) പ്രസ്​താവനയിൽ പറഞ്ഞു. ഭീഷണിപ്പെടുത്തിയും അസതൃ പ്രചരണങ്ങള്‍ നടത്തിയും തകര്‍ക്കാന്‍ ശ്രമിക്കുന്നവര്‍ ഇരിക്കുന്ന സഥാനത്തിന്‍റെ മഹത്വം ഓർക്കണമെന്നും ഭാരവാഹികൾ ആവശൃപ്പെട്ടു.

ഇന്ത്യൻ സ്​കൂളിലെ രക്ഷിതാക്കളാല്‍ തെരഞ്ഞെടുക്കപ്പെട്ട കമ്മറ്റി ഒരു വിഷമഘട്ടം വന്നപ്പോൾ രക്ഷിതാക്കളെ സഹായിക്കുന്നതിന് പകരം കുടിശ്ശികയായ ഫീസിന്‍റെ കാരൃത്തില്‍ സ്വീകരിച്ച നീതിപൂര്‍വ്വമല്ലാത്ത നടപടിയെത്തുടർന്നാണ്​ യു.പി.പി ഭാരവാഹികള്‍ തങ്ങളാല്‍ കഴിയുന്ന സഹായം രക്ഷിതാക്കൾക്ക്​ നൽകാനൊരുങ്ങിയത്. അതിനെ പണപ്പിരിവായി ദുര്‍വൃാഖ്യാനം ചെയ്യുന്നവര്‍ കൃത്യമായി ജോലിയോ വേതനമോ കിട്ടാതെ പ്രയാസപ്പെടുന്ന രക്ഷിതാവി​െൻറ വിഷമത്തെ പുച്​ഛത്തോടെ കാണുന്നവരാണ്.

കോവിഡ് വ്യാപനത്തെത്തുടർന്ന്​ സാമ്പത്തിക പ്രയാസം അനുഭവിക്കുന്ന രക്ഷിതാക്കളുടെ മക്കളെ ഒരു മാനുഷിക പരിഗണയും ഇല്ലാതെയാണ് ഓൺലൈൻ ക്ലാസുകളിൽ നിന്ന്​ ഒഴിവാക്കിയത്. രക്ഷിതാക്കളോടൊപ്പം ചേർന്നുള്ള യു.പി.പിയുടെ പ്രതിഷേധങ്ങൾ കാരണം ബോർഡ് പരീക്ഷകൾ എഴുതേണ്ട കുട്ടികളുടെ കാര്യത്തിൽ ഇളവുകൾ നൽകാൻ സ്‌കൂൾ മാനേജ്‌മെൻറ്​ നിര്‍ബന്ധിതമായതി​െൻറ ജാള്യതയുടെ പേരിലാണ് ഇപ്പോൾ രക്ഷിതാക്കളെ ഭീഷണിപ്പെടുത്തുന്നത്.

തുച്ഛമായ ഫീസ് കുടിശ്ശികയുള്ള കുട്ടികളെ കോവിഡ് കാലഘട്ടത്തിന്‍റെ പരിഗണന പോലും നല്‍കാതെ പൊടുന്നനെ ഓണ്‍ലൈന്‍ ക്ലാസില്‍ നിന്ന്​ ഒഴിവാക്കിയ സാഹചരൃത്തില്‍ യു.പി.പി ഭാരവാഹികള്‍ മാത്രം ഉള്‍പ്പെടുന്ന ഹെല്‍പ്പ് ഡസ്​ക്​ പല കുട്ടികളുടേയും ഏപ്രില്‍ മാസം മുതലുള്ള ഫീസ് അടച്ച്​ രക്ഷിതാക്കള്‍ക്ക് കൈതാങ്ങായി. സ്​കൂളില്‍ അപേക്ഷ കൊടുത്തിട്ടും ബന്ധപ്പെട്ട പലരോടും കേണപേക്ഷിച്ചിട്ടും ഒരു ഇളവും കിട്ടാതെ ഓണ്‍ലൈന്‍ ക്ലാസ്സില്‍ നിന്ന്​ നിര്‍ദാക്ഷിണൃം പുറത്താക്കപ്പെട്ട കുട്ടികളുടെ രക്ഷിതാക്കള്‍ക്ക് കൈതാങ്ങാന്‍ തീരുമാനിച്ചതി​െൻറ പേരില്‍ നിയമ നടപടിയെടുക്കുമെന്ന് പറഞ്ഞ് ഭീഷണിപ്പെടുന്നത് സാമൂഹൃ പ്രതിബദ്ധതയില്ലാത്ത മനസ്സുകളുടെ ജല്‍പനങ്ങളായി മാത്രമേ കാണാനാവൂ എന്ന് യു.പി.പി.നേതാക്കള്‍ പറഞ്ഞു. സ്​കൂള്‍ കമ്മറ്റിയുടെ ഈ അനീതീക്കെതിരെ ബന്ധപ്പെട്ട ആളുകള്‍ക്ക് യു.പി.പി. പരാതി നല്‍കിയിട്ടുണ്ട്.

ആയിരം വിദ്യാർത്ഥികൾക്ക് ഫീസ് ഇളവ് നൽകിയെന്ന് നിരന്തരം വീമ്പ് പറയുന്നവർ സ്​കൂൾ വെബ് സൈറ്റിലെങ്കിലും അതി​െൻറ പേര് വിവരങ്ങൾ വെളിപ്പെടുത്തണമെന്നും യു.പി.പി ഭാരവാഹികൾ ആവശൃപ്പെട്ടു.