റഷ്യന്‍ പ്രസിഡൻറി​െൻറ പ്രത്യേക പ്രതിനിധിയുമായി ഉപപ്രധാനമന്ത്രി കൂടിക്കാഴ്​ച നടത്തി

മനാമ: റഷ്യന്‍ പ്രസിഡൻറി​​െൻറ പ്രത്യേക പ്രതിനിധി വിക്​ടര്‍ സെബ്കോവിനെ ഉപപ്രധാനമന്ത്രി ശൈഖ് മുഹമ്മദ് ബിന്‍ മുബാറക് ആല്‍ ഖലീഫ സ്വീകരിച്ചു. ബഹ്റൈന്‍ ഇന്‍റര്‍നാഷണല്‍ എയര്‍ഷോ 2018 മായി ബന്ധപ്പെട്ട് ബഹ്റൈനിൽ എത്തിയതായിരുന്നു അദ്ദേഹം. ഇരുരാജ്യങ്ങളും തമ്മില്‍ നിലനില്‍ക്കുന്ന ശക്തമായ ബന്ധവും വിവിധ മേഖലകളിലെ സഹകരണവും ചര്‍ച്ച ചെയ്യുകയും അവ വ്യാപിപ്പിക്കുന്നതിനുള്ള സാധ്യതകള്‍ ആരായുകയും ചെയ്തു.
ഇത്തരം എക്സിബിഷനുകള്‍ വിജയകരമായി നടത്താനുള്ള ബഹ്റൈന്‍റ കഴിവിനെ അദ്ദേഹം പ്രത്യേകം പ്രകീര്‍ത്തിച്ചു. ഏവിയേഷന്‍ രംഗത്ത് കുതിച്ചു ചാട്ടത്തിനും സാമ്പത്തിക രംഗത്ത് വളര്‍ച്ചക്കും ഇത് നിമിത്തമാകുമെന്നും അദ്ദേഹം പ്രതീക്ഷ പ്രകടിപ്പിച്ചു.