യുനസ്​കോയുടെ പൈതൃക പട്ടികയിൽ തുർക്കിയിലെതുൾപ്പെടെ നാലെണ്ണം കൂടി

മനാമ: ബഹ്​റൈനിൽ നടക്കുന്ന യുനസ്​കോ ലോക പൈതൃകസമ്മേളനത്തി​​െൻറ പ്രത്യേക യോഗം ലോകത്തി​​െൻറ സാംസ്​കാരിക, ചരിത്ര ശേഷിപ്പുകൾ നിറഞ്ഞ നാല്​ സ്ഥലങ്ങൾ കൂടി ലോക പൈതൃക പട്ടികയിൽ ഉൾപ്പെടുത്തി. കഴിഞ്ഞ ദിവസം ൈശഖ ഹയ ബിൻത്​ റാഷിദ്​ ആൽ ഖലീഫയുടെ അധ്യക്ഷതയിൽ നടന്ന പ്രത്യേക യോഗത്തിലാണ്​ തീരുമാനമെന്ന്​ അധികൃതർ അറിയിച്ചു. കഴിഞ്ഞ ദിവസങ്ങളിൽ പ്രഖ്യാപിച്ച വിവിധ രാജ്യങ്ങളിലെ ചരിത്ര സ്ഥലങ്ങൾക്ക്​ പുറമെയാണിത്​. 

മൊസോ​പ്പൊട്ടാമിയൻ നാഗരികതയിലേക്ക്​ വെളിച്ചം വീശുന്ന ‘ഗോബക്​ലി ടെപെ’ഇനി പൈതൃക സംരക്ഷണ പട്ടികയിൽ ഉൾപ്പെടും. തെക്ക്-കിഴക്കൻ അനറ്റോളിയയിലെ ജർമുസൂസ് പർവതനിരകളിൽ  സാൻറിലി ഹുബ് എന്ന സ്ഥലത്ത്സ്ഥിതി ചെയ്യുന്നതാണ്​ ഇവിടം. നവീന ശിലായുഗം തുടങ്ങുന്നതിന്​ മുമ്പുള്ള ജനത വസിച്ച സ്ഥലമെന്നാണ്​  തെളിവുകൾ ചൂണ്ടിക്കാട്ടുന്നത്​. വൃത്താകൃതിയിലുള്ളതും ചതുരാകൃതിയിലുള്ള പാറകളിൽ രേഖപ്പെടുത്തപ്പെട്ട സന്ദേശങ്ങളും വലിയ പ്രതിമകളും ഇവിടെ കണ്ടെടുക്കപ്പെട്ടിട്ടുണ്ട്​. 12 കിലോമീറ്ററായി വ്യാപിച്ച്​ കിടക്കുന്ന , സമുദ്രനിരപ്പിന് ഏകദേശം 760 മീറ്റർ ഉയരത്തിലുള്ള ഇൗ ദേശത്തി​െൻറ ചരിത്രസാക്ഷ്യങ്ങൾ  1963 ലാണ്​ ഖനനത്തിലൂടെ കണ്ടെത്തുന്നത്​. ബി.സി എട്ടിനും പത്തിനും ഇടയിൽ  നിർമ്മിക്കപ്പെട്ട സ്​തംഭങ്ങളും ശിൽപ്പങ്ങളുമാണ്​ ഇവിടെ കാണാൻ കഴിയുന്നത്​. 

അക്ഷരത്തി​​െൻറ മാതൃകയിലുള്ള ശിലാരൂപങ്ങളും വിവിധ വന്യമൃഗങ്ങളുടെ ചിത്രങ്ങളെ  ആലേഖനം ചെയ്​ത സ്​തംഭങ്ങളും പ്രതിമകളും ഇവിടെ കാണാൻ കഴിയുന്നു. ലോകത്തിലെ ഏറ്റവും പഴക്കമുള്ള ശിലാസ്​മാരകങ്ങളായും ഇവയെ കണക്കാക്കുന്നു. ജർമനിയിലെ നയുംബർഗ്​ കതീഡ്രൽ ആണ്​ പട്ടികയിൽ അടുത്തത്​. 13ാം നൂറ്റാണ്ടിൽ നിർമ്മിക്കപ്പെട്ട റോമൻ മാതൃകയിലുള്ള ഇൗ ദേവാലയം മധ്യകാലഘട്ടത്തിലെ വാസ്​തുനിർമ്മിതിയുടെയും കലയുടെയും നേർപ്പകർപ്പാണ്​. ഗായകസംഘത്തിനും മതപരമായ ആചാരങ്ങൾക്കുമെല്ലാം പ്രത്യേകം സൗകര്യങ്ങളും സംവിധാനങ്ങളുമെല്ലാം ചുമർശിൽപ്പങ്ങളും ഇൗ പുരാതന ദേവാലയത്തെ വിത്യസ്​തമാക്കുന്നുണ്ട്​.  

കൊളംബിയയിലെ ഏറ്റവും വലിയ ദേശീയ ഉദ്യാനമായ ക്രിബി​കൊയറ്റെ ദേശീയ പാർക്കും പൈതൃക പട്ടികയിലേക്ക്​ കൂട്ടിച്ചേർക്കപ്പെട്ടിട്ടുണ്ട്​. ഇവിടെ വനമേഖലയിലെ പാറയിടുക്കിൽ കണ്ടെത്തിയ പുരാതനമായ ഛായാചിത്രങ്ങളിൽ നിന്നാണ്​ ആദിമ ജനതയുടെ ജീവിതത്തെ കുറിച്ചുള്ള സുപ്രധാന കണ്ടെത്തലുകൾ ലഭിക്കുന്നത്​. ഏതാണ്ട് 20,000 വർഷങ്ങൾ പഴക്കമുള്ള  75,000 ലധികം ചിത്രരചനകളാണ്​ ഇവിടെ നിന്നും ചരിത്രകാരൻമാർ നടത്തിയ അന്വേഷണത്തിൽ ലഭിച്ചത്​. അന്നത്തെ കാലഘട്ടത്തിലെ ജീവിത രീതികൾ ഇൗ ചിത്രങ്ങളിൽ നിന്ന്​ വായിച്ചെടുക്കാവുന്നതാണ്​. 
ആരാധന ശക്തികൾ, വേട്ടയാടൽ, യുദ്ധങ്ങൾ, നൃത്തങ്ങൾ, ചടങ്ങുകൾ എന്നിവ ചിത്രങ്ങളിൽ പ്രമേയമായിരിക്കുന്നു. കാനഡയിൽ സ്ഥിതി ചെയ്യുന്ന സാംസ്കാരിക പാരമ്പര്യത്തി​​െൻറ   അസാധാരണമായ ഉദാഹരണമായി അറിയപ്പെടുന്ന ‘പിമാകിഒാവിൻ അകി’യും ഇനി പൈതൃക പട്ടികയിലാണ്​. 29,040 ചതുരശ്ര കിലോമീറ്റർ വരുന്ന ഇൗ സമ്പന്നമായ സാംസ്​കാരിക പ്രകൃതി ദത്ത മേഖല ആദിമ സംസ്​കാരത്തി​​െൻറ വിത്തുകൾ പാക​െപ്പട്ടിടമാണ്​. ‘ജീവൻ നൽകുന്ന ഭൂമി’ എന്ന്​ വിശേഷിപ്പിക്കപ്പെടുന്ന ഇവിടെ ആയിരക്കണക്കിന്​ വർഷങ്ങൾക്ക്​ മുമ്പ്​ രൂപപ്പെട്ട മാനവ സംസ്​കാരം രേഖപ്പെടുത്തിയ സാക്ഷ്യങ്ങൾ കാണാൻ ഇന്നും നിരവധിപേർ ഇവിടെയെത്തി അത്​ഭുതം കൂറാറുണ്ട്​.