പൗ​ര​ന്മാ​ർ​ക്കു​ള്ള തൊ​ഴി​ലി​ല്ലാ​യ്മ വേ​ത​നം വ​ർ​ധി​പ്പി​ക്ക​ണം; നി​ർ​ദേ​ശം പാ​ർ​ല​മെ​ന്‍റി​ൽ

മ​നാ​മ: ബ​ഹ്‌​റൈ​ൻ പൗ​ര​ന്മാ​ർ​ക്കു​ള്ള തൊ​ഴി​ലി​ല്ലാ​യ്മ വേ​ത​നം വ​ർ​ധി​പ്പി​ക്കാ​നു​ള്ള നി​ർ​ദേ​ശം പാ​ർ​ല​മെ​ന്‍റ് ച​ർ​ച്ച​ക്കി​ടും. യൂ​നി​വേ​ഴ്സി​റ്റി ബി​രു​ദ​ധാ​രി​ക​ൾ​ക്കു​ള്ള പ്ര​തി​മാ​സ അ​ല​വ​ൻ​സ് 200 ദീ​നാ​റി​ൽ നി​ന്ന് 300 ദീ​നാ​റാ​യും ബി​രു​ദ​മി​ല്ലാ​ത്ത​വ​ർ​ക്ക് 150 ദീ​നാ​റി​ൽ നി​ന്ന് 250 ദീ​നാ​റാ​യും ഉ‍‍യ​ർ​ത്താ​നാ​ണ് നി​ർ​ദേ​ശം.

പ​ണ​പ്പെ​രു​പ്പം പ​രി​ഹ​രി​ക്കു​ന്ന​തി​നും, സാ​മ്പ​ത്തി​ക ബു​ദ്ധി​മു​ട്ടു​ക​ളെ വി​ല​യി​രു​ത്തി​യും കൂ​ടാ​തെ, ഭ​ര​ണ​ഘ​ട​ന​യു​ടെ ആ​ർ​ട്ടി​ക്ൾ അ​ഞ്ച് (സി) ​ഉ​റ​പ്പു​ന​ൽ​കു​ന്ന സാ​മൂ​ഹി​ക പി​ന്തു​ണ​ക്കു​ള്ള അ​വ​കാ​ശ​വും സൂ​ചി​പ്പി​ച്ചാ​ണ് എം.​പി​മാ​ർ നി​ർ​ദേ​ശം മു​ന്നോ​ട്ടു വെ​ക്കു​ന്ന​ത്. എ​ന്നാ​ൽ 2006ലെ ​തൊ​ഴി​ലി​ല്ലാ​യ്മ​ക്കെ​തി​രാ​യ ഇ​ൻ​ഷു​റ​ൻ​സ് നി​യ​മ​ത്തി​ലെ ഭേ​ദ​ഗ​തി​ക​ളെ​ക്കു​റി​ച്ച് പു​ന​ർ​വി​ചി​ന്ത​നം ന​ട​ത്താ​ൻ മ​ന്ത്രി​സ​ഭ ആ​വ​ശ്യ​പ്പെ​ട്ടി​ട്ടു​ണ്ട്. നി​യ​മം ഭേ​ദ​ഗ​തി ചെ​യ്യു​ന്ന​തി​ലൂ​ടെ​യ​ല്ല, സാ​മ്പ​ത്തി​ക അ​വ​ലോ​ക​ന​ങ്ങ​ളെ അ​ടി​സ്ഥാ​ന​മാ​ക്കി​യു​ള്ള എ​ക്സി​ക്യൂ​ട്ടി​വ് ഉ​ത്ത​ര​വു​ക​ളി​ലൂ​ടെ അ​ത്ത​രം മാ​റ്റ​ങ്ങ​ൾ വ​രു​ത്താ​മെ​ന്ന് സ​ർ​ക്കാ​ർ വാ​ദി​ച്ചു.

2024 ജൂ​ൺ വ​രെ 502 മി​ല്യ​ൺ ദീ​നാ​ർ ആ​സ്തി​യു​ള്ള തൊ​ഴി​ലി​ല്ലാ​യ്മ ഫ​ണ്ടി​നെ ഈ ​വ​ർ​ധ​ന​വ് ബു​ദ്ധി​മു​ട്ടി​ച്ചേ​ക്കാ​മെ​ന്ന് ആ​ക്ടി​ങ് തൊ​ഴി​ൽ മ​ന്ത്രി യൂ​സു​ഫ് ഖ​ല​ഫ് മു​ന്ന​റി​യി​പ്പ് ന​ൽ​കി. വ​ർ​ധി​ച്ചു വ​രു​ന്ന സാ​മ്പ​ത്തി​ക ബു​ദ്ധി​മു​ട്ടു​ക​ളെ വി​ല​യി​രു​ത്തി​യും കാ​ല​ഹ​ര​ണ​പ്പെ​ട്ട പി​ന്തു​ണ ക്ര​മീ​ക​രി​ക്കേ​ണ്ട​തി​ന്‍റെ ആ​വ​ശ്യ​ക​ത ചൂ​ണ്ടി​ക്കാ​ട്ടി​യും സേ​വ​ന സ​മി​തി ചെ​യ​ർ വു​മ​ൺ എം.​പി ജ​ലീ​ല അ​ൽ സ​ഈ​ദ് നി​ർ​ദേ​ശ​ത്തെ അ​നു​കൂ​ലി​ച്ച​ട്ടു​ണ്ട്. ചൊ​വ്വാ​ഴ്ച ന​ട​ക്കു​ന്ന പാ​ർ​ല​മെ​ന്‍റ് യോ​ഗ​ത്തി​ൽ വി​ഷ​യം ച​ർ​ച്ച​ക്കും വോ​ട്ടു​നു​മി​ടും.