വരുന്നു; ലോകത്തിലെ ഏറ്റവും വലിയ അണ്ടർവാട്ടർ തീം പാർക്ക്​

മനാമ: ലോകത്തിലെ ഏറ്റവും വലിയ അണ്ടർവാട്ടർ തീം പാർക്ക്​ ബഹ്​റൈനിൽ തുറക്കും. പരിസ്​ഥിതികാര്യ ഉന്നതാധികാര സമിത ി അധ്യക്ഷനും ഹമദ്​ രാജാവി​​​െൻറ പ്രതിനിധിയുമായ ശൈഖ്​ അബ്​ദുല്ല ബിൻ ഹമദ്​ ആൽ ഖലീഫ അറിയിച്ചതാണ്​ ഇക്കാര്യം. 100,000 സ്​ക്വയർ മീറ്ററിലാണ്​ ഇത്​ തയാറാക്കുന്നത്​.

ലോകോത്തരമായ ഡൈവിങ്​ അനുഭവമാണ്​ ഇവിടെ സാധ്യമാവുക. മധ്യത്തിലായി മുങ്ങിയ നിലയിലുള്ള ​ജംബോ ജെറ്റ്​ വിമാനം ഉണ്ടാകും. ബഹ്​റൈ​നിലെ പരമ്പരാഗത മുത്ത്​ വ്യാപാരികളുടെ ഭവനത്തിനെ ഒാർമിപ്പിക്കും വിധമുള്ള നിർമിതികളും കൃ​ത്രിമ പവിഴപ്പുറ്റുകളും പരിസ്​ഥിതി സൗഹൃദ വസ്​തുക്കൾ കൊണ്ട്​ നിർമിച്ച വസ്​തുക്കളും നയനമനോഹരമാകുമെന്നാണ്​ പ്രതീക്ഷിക്കപ്പെടുന്നത്​. പവിഴപ്പുറ്റി​​​െൻറ സ്വാഭാവിക വളർച്ചയും കടൽ ജീവികളുടെ സഞ്ചാരവും തടസപ്പെടുത്താത്ത വിധമാകും ഇത്​ ഒരുക്കുക.

സ്വകാര്യമേഖലയുമായി ചേർന്ന്​ നിർമിക്കുന്ന ഇൗ കേന്ദ്രത്തി​​​െൻറ ഉദ്​ഘാടനം ഏതാനും ആഴ്​ചകൾക്കുള്ളിൽ നടക്കും. 2019ലെ വേനലിൽതന്നെ ഇത്​ ഡൈവിങ്​ താൽപര്യമുള്ളവർക്കും സന്ദർശകർക്കുമായി തുറന്നുകൊടുക്കുമെന്നും വാർത്ത ഏജൻസി റിപ്പോർട്ട്​ ചെയ്​തു.