മനുഷ്യക്കടത്ത് തടയൽ : ബഹ്​റൈൻ ശ്രമങ്ങള്‍ ശ്ലാഘനീയം –യു.എസ് അംബാസഡര്‍ 

മനാമ: മനുഷ്യക്കടത്ത് തടയുന്നതില്‍ ബഹ്‌റൈൻ നടത്തിയ ശ്രമങ്ങള്‍ ശ്ലാഘനീയമാണെന്ന് യു.എസ് വിദേശകാര്യ മന്ത്രാലയം  വ്യക്തമാക്കിയതായി ബഹ്‌റൈനിലെ അമേരിക്കന്‍ അംബാസഡര്‍ വില്ല്യം റീബക്ക് പറഞ്ഞു. കഴിഞ്ഞ ദിവസം എല്‍.എം.ആര്‍.എ ആസ്​ഥാനത്തെത്തിയ അദ്ദേഹത്തെ ചീഫ് എക്‌സിക്യൂട്ടിവ് ഉസാമ ബിന്‍ അബ്​ദുല്ല അല്‍അബ്‌സിയുടെ നേതൃത്വത്തില്‍ സ്വീകരിച്ചു.  വിദേശ തൊഴിലാളികളുടെ അവകാശങ്ങള്‍ സംരക്ഷിക്കുന്നതിന് മെച്ചപ്പെട്ട നിയമ വ്യവസ്ഥയാണ് ബഹ്‌റൈനിലുള്ളത്. ‘നാഷണല്‍ കമ്മിറ്റി ഫോര്‍ ആൻറി ഹ്യൂമൺ ട്രാഫിക്കി’​​െൻറയും എല്‍.എം.ആര്‍.എയുടെയും പ്രവർത്തനം പ്രതീക്ഷ നൽകുന്നതാണെന്നും അംബാസഡര്‍ കൂട്ടിച്ചേര്‍ത്തു.