ഉമ്മുൽ ഹസം ദാറുൽ ഉലൂം മദ്റസ പ്രവേശനോത്സവം
text_fieldsമനാമ: സമസ്ത ബഹ്റൈൻ ഉമ്മുൽ ഹസം ഏരിയ ദാറുൽ ഉലൂം മദ്റസ ‘നേരറിവ് നല്ല നാളേക്ക്’ ശീർഷകത്തിൽ 2024 വർഷത്തെ മദ്റസ പ്രവേശനോത്സവം സംഘടിപ്പിച്ചു. പ്രസിഡന്റ് നസീർ കുറ്റ്യാടിയുടെ അധ്യക്ഷതയിൽ നടന്ന പരിപാടിയിൽ ഹാഫിള് ഫർഹാൻ അബൂബക്കർ ഖുർആൻ പാരായണം ചെയ്തു.
ജനറൽ സെക്രട്ടറി ഇസ്മാഈൽ പയ്യന്നൂർ സ്വാഗതം പറഞ്ഞു. സദർ മുഅല്ലിം ബഷീർ ദാരിമി ഉദ്ഘാടനം ചെയ്തു.
അധ്യാപകരായ മജീദ് ഫൈസി, മുസ്തഫ ഹുദവി എന്നിവർ ആശംസകൾ അറിയിച്ചു. ഒന്നു മുതൽ 10 വരെ ക്ലാസുകളിലേക്ക് അഡ്മിഷൻ നൽകി.
വർണാഭമായ രീതിയിൽ അലങ്കരിച്ച മദ്റസയിലേക്ക് എത്തിയ കുരുന്നുകളെ കമ്മിറ്റി ഭാരവാഹികൾ മധുരം നൽകി സ്വീകരിച്ചു. ഹനീഫ ഉപ്പള, ഹമീദ് പെരിങ്ങത്തൂർ, ശുഹൈബ് മട്ടമ്മൽ, ഹനീഫ മോളൂർ, ഉമർ തുരപ്പ, ഖാദർ ഹാജി മുണ്ടേരി, സജ്ജാദ് കൊല്ലം, ശറഫുദ്ദീൻ മാട്ടൂൽ, ജബ്ബാർ മാട്ടൂൽ എന്നിവർ സംബന്ധിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.