ബഹ്​റൈൻ അമേരിക്കയുടെ പ്രിയ സുഹൃത്ത്​ –ട്രംപ്​

മനാമ: ബഹ്​റൈൻ അമേരിക്കയുടെ പ്രിയ സുഹൃത്താണെന്ന്​ പ്രസിഡൻറ്​ ഡൊണാൾഡ്​ ട്രംപ്​ പറഞ്ഞു. കഴിഞ്ഞ ദിവസം വൈറ്റ്​ ഹൗസിൽ ബഹ്​റൈൻ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയുമായി സംസാരിക്കുകയായിരുന്നു അദ്ദേഹം. ബഹ്​റൈൻ^അമേരിക്ക സൗഹൃദം ദീർഘനാളത്തെ പാരമ്പര്യമുള്ളതാണ്​. അത്​ പരസ്​പര വിശ്വാസത്തിലും മൂല്യങ്ങളിലും ഉൗന്നിയാണ്​ നിലനിൽക്കുന്നതെന്നും ട്രംപ്​ വ്യക്തമാക്കി. യു.എസുമായുള്ള പ്രതിരോധ സഹകരണം അചഞ്ചലമായി തുടരുമെന്ന്​ കിരീകാവകാശി പറഞ്ഞു. പ്രതിരോധ രംഗത്തെ സഹകരണം തുടരാനുള്ള കാരാറിൽ ഒപ്പുവെച്ചത്​ ഇരുരാജ്യങ്ങളുടെയും ഉഭയകക്ഷി ബന്ധത്തിൽ പുതിയ ഘട്ടമായി മാറും.

ട്രംപി​​െൻറ സൗദി സന്ദർശനം മേഖലയിലെയും അന്താരാഷ്​ട്ര തലത്തിലെയും സുരക്ഷയിൽ അമേരിക്കയുടെ പ്രതിബദ്ധത പ്രകടമാക്കുന്നതായിരു​ന്നെന്ന്​ കിരീടാവകാശി അഭിപ്രായപ്പെട്ടു.ഇറാ​​െൻറ പ്രവർത്തനങ്ങൾ കൃത്യമായി വിലയിരുത്തി നിലപാടെടുക്കുന്ന ട്രംപി​​െൻറ നയം സ്വാഗതാർഹമാണെന്നും അദ്ദേഹം പറഞ്ഞു. ഭീകരതയും അക്രമണോത്സുക തീവ്രവാദവും ചെറുക്കാനുള്ള കാര്യങ്ങൾ ഇരുവരും ചർച്ച ചെയ്​തു.    ബഹ്​റൈന്​ എഫ്​^16 ഇനത്തി​ൽ പെട്ട പോർ വിമാനങ്ങൾ ലഭ്യമാക്കാനുള്ള കരാറിൽ കഴിഞ്ഞ ദിവസം ഒപ്പിട്ടു. കിരീടാവകാശിയും യു. എസ്​ വൈസ്​ പ്രസിഡൻറ്​ മൈക്ക്​ പെൻസുമാണ്​ കരാറിൽ ഒപ്പിട്ടത്​. ഇത്​ ബഹ്​റൈ​ൻ പ്രതിരോധ സേനയെ കൂടുതൽ കരുത്തുറ്റതാക്കും.